Month: December 2019

Засгийн газрын 439 дүгээр тогтоолоор тусгай зориулалтаар 2020 онд агнах, барих агнуурын ан амьтны тоо хэмжээг тогтоожээ.

Амьтны тухай хуулийн 26.3-т заасныг үндэслэн 2020 онд угалз 91, тэх 105, халиун буга 38, бор гөрөөс 25, цагаан зээр 100, агнуурын шувуу 365, саарал чоно 15 хүртэл толгойг тус тус агнуулахаар, тул загас 500 хүртэл толгойг барьж буцаан тавихаар, бусад загас 4600 хүртэл толгойг барихаар тогтоосон байна.

Амьтны тухай хуульд агнуурын амьтан агнах, барихыг хориглох хугацааг зааж өгсөн байдаг.

9.1.Агнуурын амьтныг дор дурдсан хугацаанд ахуйн болон тусгай зориулалтаар агнах, барихыг хориглоно:

9.1.1.бор гөрөөс, цагаан зээр, зэрлэг гахайг жил бүрийн 12 дугаар сарын 01-ний өдрөөс дараа оны 8 дугаар сарын 31-ний өдөр хүртэл;

9.1.2.ойн булга, хадны суусар, элбэнх, шилүүс, нохой зээх, шар үнэг, хярс үнэг, бараан хэрэм, ойн солонго, усны булга, өмхий хүрэн, мануул мий, хотны үен, цагаан үен, чандага туулай, бор туулайг жил бүрийн 02 дугаар сарын 11-ний өдрөөс 11 дүгээр сарын 20-ны өдөр хүртэл;

9.1.3.урт сүүлт зурам, тарвагыг жил бүрийн 10 дугаар сарын 16-ны өдрөөс дараа оны 8 дугаар сарын 20-ны өдөр хүртэл;

9.1.4.заарт хархыг жил бүрийн 02 дугаар сарын 01-ний өдрөөс 11 дүгээр сарын 15-ны өдөр хүртэл;

9.1.5.халздай доргыг жил бүрийн 11 дүгээр сарын 15-ны өдрөөс дараа оны 01 дүгээр сарын 31-ний өдөр хүртэл.

9.2.Ахуйн болон тусгай зориулалтаар дор дурдсан хугацаанд шувуу агнах, загас барихыг хориглоно:

9.2.1.шивэр хөтүү, дагуур ятуу, эрээнхавирга хахилаг, говийн ногтруу, хар хур, эгэл сойрыг жил бүрийн 3 дугаар сарын 15-ны өдрөөс 10 дугаар сарын 31-ний өдөр хүртэл;

9.2.2.галуу, нугас болон ус, намгийн бусад агнуурын шувууг жил бүрийн 4 дүгээр сарын 20-ны өдрөөс 8 дугаар сарын 31-ний өдөр хүртэл, 10 дугаар сарын 20-ны өдрөөс дараа оны 3 дугаар сарын 31-ний өдөр хүртэл;

9.2.3.дархадын цагаан загасыг жил бүрийн 8 дугаар сарын 01-ний өдрөөс 10 дугаар сарын 20-ны өдөр хүртэл;

9.2.4.Буйр нуурын загасыг жил бүрийн 5 дугаар сарын 15-ны өдрөөс 8 дугаар сарын 01-ний өдөр хүртэл;

9.2.5.омоль загасыг жил бүрийн 8 дугаар сарын 30-ны өдрөөс 10 дугаар сарын 30-ны өдөр хүртэл;

9.2.6.зарам загасыг жил бүрийн 9 дүгээр сарын 05-ны өдрөөс дараа оны 01 дүгээр сарын 30-ны өдөр хүртэл;

9.2.7.алтайн сугас загасыг жил бүрийн 6 дугаар сарын 15-ны өдрөөс 8 дугаар сарын 31-ний өдөр хүртэл;

9.2.8.энэ хуулийн 9.2.3-9.2.7-д зааснаас бусад загасыг жил бүрийн 4 дүгээр сарын 01-ний өдрөөс 6 дугаар сарын 15-ны өдөр хүртэл.

9.3.Агнуурын шувуудын зүйлийн жагсаалтыг шинжлэх ухааны холбогдох байгууллагын саналыг үндэслэн төрийн захиргааны төв байгууллага батална.

9.4.Тусгай зориулалтаар агнуурын ховор амьтныг агнах, барихыг хориглох хугацааг энэ хуулийн 9.7,9.8-д заасны дагуу тогтооно.

9.5.Судалгаа, шинжилгээ, халдварт өвчнийг эрүүлжүүлэх зорилгоор агнуурын амьтныг агнах, барих тохиолдолд энэ хуулийн 9.1, 9.2, 9.4-т заасан хугацааг харгалзахгүй байж болно.

9.6.Энэ хуулийн 9.1, 9.2, 9.4, 9.5-д зааснаас бусад агнуурын амьтан агнах, барихыг хориглох хугацааг эрдэм шинжилгээний байгууллагын саналыг үндэслэн төрийн захиргааны төв байгууллага тогтооно.

9.7.Энэ хуулийн 7.5-д заасан үндэслэлээр агнах ховор амьтныг дор дурдсан хугацаанд олзворын ангийн зориулалтаар агнахыг хориглоно:

9.7.1.угалзыг жил бүрийн 10 дугаар сарын 01-ний өдрөөс дараа оны 6 дугаар сарын 30-ны өдөр хүртэл;

9.7.2.тэхийг жил бүрийн 10 дугаар сарын 16-ны өдрөөс дараа оны 7 дугаар сарын 14-ний өдөр хүртэл;

9.7.3.хар сүүлтийн зээрийн ооныг жил бүрийн 11 дүгээр сарын 01-ний өдрөөс дараа оны 8 дугаар сарын 31-ний өдөр хүртэл;

9.7.4.халиун бугыг жил бүрийн 9 дүгээр сарын 30-ны өдрөөс дараа оны 6 дугаар сарын 30-ны өдөр хүртэл.

9.8.Энэ хуулийн 7.5-д заасан үндэслэлээр барих ховор амьтныг дор дурдсан хугацаанд судалгаа, шинжилгээнээс бусад тусгай зориулалтаар амьдаар барихыг хориглоно:

9.8.1.аргаль хонь, янгир ямааг жил бүрийн 10 дугаар сарын 20-ны өдрөөс дараа оны 8 дугаар сарын 20-ны өдөр хүртэл;

9.8.2.хар сүүлтийн зээрийг жил бүрийн 10 дугаар сарын 15-ны өдрөөс дараа оны 7 дугаар сарын 15-ны өдөр хүртэл;

9.8.3.халиун бугыг жил бүрийн 10 дугаар сарын 20-ны өдрөөс дараа оны 6 дугаар сарын 20-ны өдөр хүртэл;

9.8.4.идлэг шонхор шувууг жил бүрийн 11 дүгээр сарын 15-ны өдрөөс дараа оны 6 дугаар сарын 20-ны өдөр хүртэл;

9.8.5.цармын бүргэдийг жил бүрийн 11 дүгээр сарын 01-ний өдрөөс дараа оны 10 дугаар сарын 01-ний өдөр хүртэл;

9.8.6.тул загасыг жил бүрийн 10 дугаар сарын 30-ны өдрөөс дараа оны 6 дугаар сарын 15-ны өдөр хүртэл.

Замын цагдаагийн албанаас мэдээлснээр баярын өдрүүдэд тээврийн хэрэгслийн улсын дугаарын хязгаарлалт дараах байдлаар мөрдөгдөнө. Тухайлбал:

• 2019 оны арванхоёрдугаар сарын 31-ний мягмар тээврийн хэрэгслийн улсын дугаарын хязгаарлалт хэвийн мөрдөгдөх бөгөөд 2,7-аар төгссөн тээврийн хэрэгсэл замын хөдөлгөөнд оролцохгүй.
• 2020 оны нэгдүгээр сарын 01-ний бүх нийтийн амралтын өдөр тээврийн хэрэгслийн улсын дугаарын хязгаарлалт үйлчлэхгүй.
• 2020 оны нэгдүгээр сарын 02-ны өдрөөс дугаарын хязгаарлалт хэвийн мөрдөгдөж эхэлнэ.

Үндэсний эрх чөлөө, тусгаар тогтнолоо сэргээн мандуулсны 108 жилийн ойг тохиолдуулан Төрийн дээд цол, одон медаль гардуулав

Тулгар төрийн 2228 жил, Их Монгол Улс байгуулагдсаны 813 жил, Үндэсний эрх чөлөө, тусгаар тогтнолоо сэргээн мандуулсны 108 жил, Ардын хувьсгалын 98 жил, Ардчилсан хувьсгалын 30 жилийн ойг тохиолдуулан Монгол Улсын Ерөнхийлөгч Х.Баттулга зарлиг гаргаж, өнөөдөр Төрийн дээд цол, одон медалийг УУХҮ-ийн дэд сайд Д.Загджав гардууллаа.

АЛТАН ГАДАС ОДОН

УУХҮЯ-ны Хүнд үйлдвэрийн хэлтсийн шинжээч Даваасамбуугын Отгонбаяр

Ашигт малтмал, газрын тосны газрын орлогч дарга Цэндийн Эрдэнэбаяр

Газрын тосны газрын ахмад ажилтан Лувсанпүрэвийн Оюунгэрэл

Шивээ-Овоо нүүрсний уурхайн ахмад жолооч Лхүндэвийн Лхагважав

ХӨДӨЛМӨРИЙН ХҮНДЭТ МЕДАЛЬ

УУХҮЯ-ны Геологийн хэлтсийн мэргэжилтэн Батбаярын Цацрал

Чойрын хайлуур жоншны экспедицийн ахмад ажилтан Батмөнхийн Бямбасүрэн

Эрдэс баялгийн мэдээллийн технологийн төвийн дарга Намсрайн Мөнхбилэг нар тус тус төрийн дээд одон медалиар шагнагдлаа.

“Улаанбаатарын мөнгөн шөнө” арга хэмжээ өнөөдөр Сүхбаатарын талбайд болно. Энэхүү ёслолын арга хэмжээний дараа иргэдийг нийтийн тээврийн үйлчилгээгээр хангахаар дараах төлөвлөлтийг нийслэлийн Тээврийн үйлчилгээний газраас гаргажээ. Шинэ жилийн баярын цэнгүүн нэгдсэн үйл ажиллагаа өндөрлөхөд их багтаамжийн автобусны 18 чиглэлд 18 автобус Сүхбаатарын талбайн баруун, зүүн болон урд зогсоол буюу зурагт тэмдэглэсэн “А”, “B”, “С” зогсоолоос суурьшлын цэгүүд рүү үнэ төлбөргүй үйлчлэхээр төлөвлөжээ.

Үйлчлэх чиглэл болон зогсоолын мэдээлэл:

Замын хөдөлгөөний дүрмийн 14 дүгээр бүлгийн 14.6-д заасан “Жолоочгүйгээр тээврийн хэрэгсэл үл хөдлөх, өөрөөс нь бусад хүн хөдөлгөх боломжгүй болгох арга хэмжээ авсны дараа тээврийн хэрэгслээс буух, түүнийг орхиж явахыг зөвшөөрнө” гэсэн заалтыг зөрчиж автомашинаа асаалттай орхихгүй байх, автомашинаа халааж үедээ эзэнтэй байлгахыг Тээврийн цагдаагийн албанаас анхааруулж байна.

Хамгийн сүүлийн байдлаар улсын хэмжээнд амбулаторийн нийт үзлэгийн 11,1 хувийг томуу, томуу төст өвчний шалтгаант үзлэг эзэлж, нийт хэвтэн эмчлүүлэгч 4 хүн тутмын нэг нь томуу томуу төст өвчнөөс шалтгаалжээ. Түүнчлэн Сэлэнгэ, Төв аймаг, Дундговь аймгийн Сайнцагаан суманд томуугийн өвчлөлийн улмаас хөл хорио тогтоогоод байна.

Сэлэнгэ, Төв аймаг, Дундговь аймгийн Сайнцагаан суманд хөл хорио тогтоосноор сурагчдын амралтыг хойшлуулж, олон нийтийн үйл ажиллагааг цуцалжээ. Улаанбаатар хотын хувьд амбулаторийн үзлэгийн 9,4 хувь орон нутагт 12,3 хувийг томуу томуу төст өвчний шалтгаант үзлэг эзэлж байна. Энэ жил өндөр хэмээр халуурч, ханиалгах шинж тэмдэг илэрдэг “В” хэв шинжийн вирус болон бага насны хүүхэд амархан уушгины хатгалгаа болтол хүндэрдэг амьсгалын замын синциталь вирус өргөн тархаад байна.

ДЭМБ-аас томуугийн халдвартай тэмцэх, урьдчилан сэргийлэх ажил зохион байгуулах зөвлөмж гаргасан. Үүнд томуугийн вакцин тариулах нь эхний алхам бол өдөр тутамдаа гараа байнга угаах, нүд хамар амандаа гараа хүргэхээс зайлсхийх, томуугийн халдвартай өвчтөнөөс хол байх, бие таагүй байвал гэртээ байх зэрэг алхмуудыг нэрлэжээ.

ХӨСҮТ-өөр дамжуулж томуугийн вакцинд 159500 хүн хамрагдсан. Дархлаажуулалтад хамрагдсан ч гэлээ тухайн вакцин тархалт өндөр 4 вирусээс л хамгаална. Тиймээс бага насны хүүхдэдээ дархлаа дэмжих тэжээллэг хоол хүнс өгөхийг зөвлөлөө.

Сонгуулийн тухай хуулийн дагуу төрийн жинхэнэ албан хаагч 2020 оны I сарын 1-ээс өмнө үүрэгт ажлаасаа чөлөөлөгдөх хуулийн зохицуулалттай. Тэгвэл “Эрдэнэс Монгол” ХХК-ийн дэд захирал О.Одбаяр өөрийн хүсэлтээр ажлаасаа чөлөөлөгдөх хүсэлтээ өгчээ. Тэрбээр тус компанийн Бизнес хөгжлийн асуудлыг хариуцан ажиллаж байжээ.

Тулгар төрийн 2228, Их Монгол Улс байгуулагдсаны 813, Үндэсний эрх чөлөө, тусгаар тогтнолоо сэргээн мандуулсны 108 жилийн ойг тохиолдуулан эрхэлсэн ажилдаа үр бүтээлтэй ажилласан хүмүүсийн ажлын амжилтыг үнэлж, Монгол Улсын Ерөнхийлөгч Х.Баттулга зарлиг гарган боловсрол, соёл, шинжлэх ухаан, спортын салбарт амжилттай ажилласан хүмүүст төрийн одон, медаль хүртээснийг БСШУС-ын дэд сайд Г.Ганбаяр, тус яамны Төрийн нарийн бичгийн дарга Б.Баярсайхан болон газрын дарга нар гардууллаа.

Хөдөлмөрийн гавьяаны улаан тугийн одонгоор БСШУСЯ-ны Ерөнхий боловсролын бодлогын газрын ахлах мэргэжилтэн Р.Балжинням, УДБЭТ-ын ерөнхий нягтлан бодогч И.Солонго, ШУТИС-ийн ахмад ажилтан Я.Дашдондог, ШУТИС-ийн Эрчим хүчний сургуулийн ахмад багш Ц.Жамбалсамбуу, ШУТИС-ийн Механик тээврийн сургуулийн тэргүүлэх профессор Ц.Цэвэгжав, ШУТИС-ийн Барилга, архитектурын сургуулийн ахмад багш Ш.Цэвээндорж, ШУТИС-ийн Эрчим хүчний сургуулийн профессор Ж.Цэен-Ойдов, ШУТИС-ийн Бизнесийн удирдлагын сургуулийн профессор Б.Энхтуяа, Пауэрлифтингийн спортын дэлхийн аварга тамирчин С.Мөнх-Эрдэнэ нар,

Алтан гадас одонгоор БСШУСЯ-ны Сургуулийн өмнөх боловсролын бодлогын газрын дарга Ж.Мягмар, БСШУСЯ-ны Инновацын хэлтсийн дарга Д.Одгэрэл, БСШУСЯ-ны Хяналт шинжилгээ, үнэлгээ, дотоод аудитын газрын мэргэжилтэн М.Нямханд, БСШУСЯ-ны ТЗУГазрын ажилтан Ж.Мөнхжаргал, БСШУСЯ-ны СУБГ-ын ахлах мэргэжилтэн З.Баянзул, БСШУСЯ-ны СХОГ-ын ахлах мэргэжилтэн Ж.Ганбаатар, БСШУСЯ-ны Дээд боловсролын газрын мэргэжилтэн Д.Батцэцэг нарын 30 гаруй хүн,

Хөдөлмөрийн хүндэт медалиар БСШУСЯ-ны Хяналт шинжилгээ, үнэлгээ, дотоод аудитын газрын мэргэжилтэн Б.Доржхуяг, ШУТИС-ийн номын санч Ч.Алтанцэцэг, ШУТИС-ийн Эрчим хүчний сургуулийн дулааны инженер Д.Алтанцэцэг, ШУТИС-ийн Гадаад харилцаа хамтын ажиллагааны албаны ахлах мэргэжилтэн Ө.Батбаатар, ШУТИС-ийн Барилга, архитектурын сургуулийн ахлах багш Н.Доржбалдан, Нийслэлийн Баянзүрх дүүргийн 122-р цэцэрлэгийн бүлгийн багш А.Цэндмаа,

Засгийн газар болон салбарын шагналаар ШУА-ийн Түүх, угсаатны зүйн хүрээлэнгийн эрдэмтэн нарийн бичгийн дарга Доктор Н.Хишигт “Академич Б.Ширэндэвийн нэрэмжит шагнал”, БСШУСЯ-ны Сургуулийн өмнөх боловсролын бодлогын газрын дарга Ж.Мягмар Эрүүл мэндийн тэргүүний ажилтан, БСШУСЯ-ны Ерөнхий боловсролын бодлогын газрын мэргэжилтэн Б.Гэрэлтуяа Эрүүл мэндийн тэргүүний ажилтан, Багшийн мэргэжил дээшлүүлэх институтийн үндсэн хөрөнгө хариуцагч, аж ахуйн нярав Ц.Чандмань Санхүү, банкны тэргүүний ажилтан, БСШУСЯ-ны Санхүү, хөрөнгө оруулалтын газрын мэргэжилтэн Б.Дэнсмаа Сангийн яамны жуух бичиг, БСШУСЯ-ны Үйлдвэрлэлийн хэлтсийн инженер С.Билэгбаатар Барилга, хот байгуулалтын яамны жуух бичгээр тус тус шагнуулсан юм.

Шинэ жилийн баяр, амралтын өдрүүдэд үйлчилгээний газар, сүлжээ дэлгүүрүүд хэрхэн ажиллах цагийн хуваарийг танилцуулж байна.

-Номин супермаркетын салбар дэлгүүрүүд: ердийн цагийн хуваарийн дагуу буюу 09:00-22:00 цагт ажиллана.

-Оргил худалдааны төвийн салбарууд: Арванхоёрдугаар сарын 31-нд бүх салбар дэлгүүр 09:00-20:00 цагт ажиллана. Нэгдүгээр сарын 1-нд Тусгаар тогтнолын ордон дахь салбар амарч, бусад салбар 10:00-22:00 цаг ажиллаж, нэгдүгээр сарын 2-нд бүх салбар амарна. Харин 3-наас ердийн цагийн хуваарийн дагуу ажиллана.

-“Сансар” сүлжээ дэлгүүр: ердийн цагийн хуваарийн дагуу буюу 08:00-00:00 цагт ажиллана.

-Миний сүлжээ дэлгүүр: Арванхоёрдугаар сарын 31-нд Норжин, Минж, Салхит, Зайсан, Хархорин, Далай ээж, Торгоны зам, Хорооллын эцэс салбар 09:00-22:00 цагт ажиллах бол бусад салбар 09:00-23:00 цагт ажиллана. Нэгдүгээр сарын 1-нд Миний дэлгүүрийн бүх салбар 09:00-15:00 цагт ажиллаж, 2-ноос хэвийн цагийн хуваариар үйлчилнэ.

-Экстра орос худалдааны төв: Арванхоёрдугаар сарын 31-нд 09:00-17:00 цагт ажиллаж, нэгдүгээр сарын 1-нд бүх салбар амарна. Нэгдүгээр сарын 2-ноос хэвийн цагийн хуваариар буюу 09:00-19:30 цагт ажиллах юм.

-Хар хорин худалдааны төв: Арванхоёрдугаар сарын 31-н, Нэгдүгээр сарын 1-2-нд амарч, 3-наас хэвийн цагийн хуваарийн дагуу ажиллана.

-Бөмбөгөр худалдааны төв: Арванхоёрдугаар сарын 31-нд 09:00-20:00 цагт ажиллаж, нэгдүгээр сарын 1-2-нд амарна. Нэгдүгээр сарын 3-наас хэвийн цагийн хуваариар үйлчилнэ.

-Барс худалдааны төв: Арванхоёрдугаар сарын 31-нд 09:00-14:00 цагт ажиллана. Нэгдүгээр сарын 1-нд амарч, 2-ноос ердийн цагийн хуваарийн дагуу ажиллана.

-Нарантуул худалдааны төв: Арванхоёрдугаар сарын 31-нд ердийн цагийн хуваариар ажиллаж, нэгдүгээр сарын 1-3-нд амарна. Нэгдүгээр сарын 4-нөөс эхлэн ердийн цагийн хуваариар ажиллана.

“Эрдэнэт үйлдвэр” ТӨҮГ-ын уурхайчин хамт олондоо, Орхон аймгийн ард иргэд Та бүхэндээ морилон ирж буй шинэ жилийн баярын мэнд дэвшүүлье.