ОБЕГ-ын дэд дарга, хурандаа Ц.Ганзориг БНХАУ-ын Улаан загалмай нийгэмлэгийн байнгын дэд дарга хатагтай Лянь Хуй Лин тэргүүтэй төлөөлөгчдийг хүлээн авч уулзлаа.
Уулзалтын үеэр гамшгаас хамгаалах, урьдчилан сэргийлэх, байгалийн гамшиг, гэнэтийн аюул ослын үеийн хариу арга хэмжээ авах, гамшгийн эрсдэлийг бууруулах чиглэлээр сургалт, сурталчилгаа зохион байгуулах, зорилтот бүлэгт хүмүүнлэгийн тусламж, үйлчилгээ үзүүлэх зэрэг хамтын ажиллагааны талаар хэлэлцэж, санал солилцлоо гэж Онцгой байдлын ерөнхий газраас мэдээллээ.
Цагдаагийн ерѳнхий газрын Хэрэг бүртгэх алба, НМХГ-тай хамтран “Хѳдѳлмѳр хамгаалал” эрүүл ахуй, аюулгүй ажиллагааны журам зѳрчиж хүний эрүүл мэндэд хохирол учруулах гэмт хэргээс урьдчилан сэргийлэх замаар “Аюулгүй ажлын байр” арга хэмжээг 2019 оны 05 сарын 22 эхлэн нэг сарын хугацаанд зохион байгуулсан байна. Энэхүү аяны хугацаанд давхардсан тоогоор 896 зөрчил илэрч 298 зѳрчлийг газар дээр нь арилгуулж, “Зѳрчлийн тухай хууль-ийн дагуу 334 зѳрчилд 52 сая 255000 тѳгрѳгний торгууль оногдуулан зѳрчлѳѳ арилгахыг шаардсан 264 албан мэдэгдэлийг хүргүүлээд байгаа аж. Энэ талаар ЦЕГ-ын Хэрэг бүртгэх албаны урьдчилан сэргийлэх албаны ахлах дэслэгч М. Алтангэрэл “Бидний хувьд НМХГ-тай хамтран уг арга хэмжээг амжилттай зохион байгуулж дууслаа. Цаашид үүнтэй тѳстэй тѳлѳвлѳгѳѳт болон тѳлѳвлѳгѳѳт бус шалгалт хийсээр байх болно. Шалгалтын явцад алба хаагч ажилтанг хамгаалах хэрэгсэл, ажлын хувцсаар хангаагүй, гадна болон дотор талд аюулгүй ажиллагааны самбар тавигдаагүй, ажилчдад зориулсан сургалтыг хангалтгүй зохион байгуулсан зэрэг зөрчлүүд хамгийн их илэрсэн” гэлээ.
Засгийн газрын ээлжит хуралдаан боллоо. Энэ онд есөн дүүргийн 151 байршилд 248.8 га газрыг газар эзэмших эрхийн гэрчилгээтэй 4911 иргэнд гэр бүлийн хэрэгцээний зориулалтаар үнэгүй өмчлүүлэхээр төлөвлөсөн байна. НИТХ-аас ирүүлсэн саналыг үндэслэн энэ онд иргэнд өмчлүүлэх газрын хэмжээ, байршил, зориулалтыг тогтоов. Одоогоор нийслэлийн нийт иргэдийн 13.3 хувь буюу 198237 иргэн 10530.3 га газрыг өмчилж авчээ.
Хөгжлийн бэрхшээлтэй иргэдэд тулгамддаг асуудлыг шийдвэрлэх, шийдвэрлүүлэхэд нөлөөллийн ажиллагаа явуулах, иргэдийг чадавхжуулах, эрхийнхээ төлөө тэмцэх, идэвх, оролцоог сэргээх, хууль эрх зүйн мэдлэг, ойлголтыг бататгах чиглэлээр Монгол Улсын Хүний эрхийн Үндэсний Комисс “Тэгш нийгэм холбоо” төрийн бус байгууллагатай хамтран ажиллаж ирсэн билээ. Байгууллагуудын хамтын ажиллагааны хүрээнд 2019 оны 06 дугаар сарын 26-28-ны өдрүүдэд “Хөгжлийн бэрхшээл ба Жендэрийн тэгш байдал” сургалтыг зохион байгуулж байна. Сургалтад тус төрийн бус байгууллагын орон нутаг дахь салбар зөвлөлийн гишүүд, ХЭҮК-ын 21 аймаг дахь төлөөлөл оролцож, жендэрийн тэгш байдлын талаарх олон улсын эрх зүйн зохицуулалт, жендэрийн ялгаварлан гадуурхалт ба жендэрт суурилсан хүчирхийлэл хүний эрх, жендэрийн эрх тэгш байдал зэрэг сэдвээр мэдээлэл сонсч, харилцан туршлага солилцож байна. Энэ удаагийн сургалтын зорилго нь хөгжлийн бэрхшээлтэй иргэдийн нөхөн үржихүйн эрүүл мэндийн талаарх мэдлэг, чадварыг нэмэгдүүлэх, хүний эрхийн зөрчлөөс урьдчилан сэргийлэх, илрүүлэх, шийдвэрлэх арга замыг тодорхойлох арга зүйд суралцуулах явдал байлаа.
Монгол Улсын Их Хурлын 2019 оны зургадугаар сарын 18-ны 68 дугаар тогтоолоор байгуулагдсан Монгол Улсын Үндсэн хуульд оруулах нэмэлт, өөрчлөлтийн төслийг хоёр, гурав дахь хэлэлцүүлэгт бэлтгэх Ажлын хэсэгт мэргэжил, арга зүйн туслалцаа үзүүлэх Ажлын дэд хэсгүүд өнөөдөр (2019.06.28) хуралдлаа.
Улсын Ерөнхий Прокурорын Газраас Мэргэжлийн хяналтын Ерөнхий газартай хамтран Шүүхийн шийдвэр гүйцэтгэх Ерөнхий газрын харьяа 429 дүгээр хаалттай хорих анги, Цагдан хорих төвийн эмнэлгийн үйл ажиллагааг шалгалаа. Шалгалтаар эмнэлгийн сүрьеэгийн тасаг, нэгжид бохир агаар гаргах төхөөрөмжгүй, агаар оруулах механик төхөөрөмжтэй боловч ажиллуулдаггүй, эмнэлэгт хэвтэн эмчлүүлж байгаа эмчлүүлэгчдэд ар гэрээс нь ирүүлсэн зарим эм тариаг хяналтгүй, бүртгэлгүй оруулсан, эмчилгээний хоолоор бүрэн үйлчилдэггүй зэрэг эм биобэлдмэл, эрүүл ахуй, халдвар хамгааллын чиглэлээр нэлээдгүй зөрчил илэрсэн юм. Мэргэжлийн хяналтын Ерөнхий газраас албан шаардлага, прокуророос албан бичгийг Шүүхийн шийдвэр гүйцэтгэх Ерөнхий газарт хүргүүлж, зөрчлийг арилгах үүрэг өглөө.
МАХН-аас цаг үеийн асуудлаар сэтгүүлчдэд мэдээлэл хийлээ. 
Завхан аймгийн Онцгой байдлын газрыг аймгийн ИТХ-ын тэргүүлэгчдийн 2019 оны 04 дүгээр сарын 19-ний өдрийн 18 тоот тогтоолоор дэслэгч генерал Г.Дамдинсүрэнгийн нэрэмжит болгож, ёслолын арга хэмжээг өнөөдөр зохион байгууллаа. 
