Хүүхдийн оролцох эрхийг хангах, хүүхэд өөрийн эрх ашигт нөлөөлж байгаа аливаа асуудлаар шийдвэр гаргах үйл явцад сайн дурын үндсэн дээр оролцох бололцоог бий болгохын тулд жил бүрийн тавдугаар сарын сүүлийн долоо хоногийн лхагва гаригийг Нийслэлийн “Хүүхдээ сонсох” өдөр болгон тэмдэглэж байх шийдвэрийг нийслэлийн Засаг дарга бөгөөд Улаанбаатар хотын Захирагч гаргасан байдаг. Хүүхдийн үзэл бодлоо илэрхийлэх, дуу хоолойгоо нэгтгэх, мэдээлэл авах, эвлэлдэн нэгдэх эрхийн эдлэх боломжоор хангах зорилгоор өнөөдөр НЗДТГ болон нийслэлийн Гэр бүл, хүүхэд, залуучуудын хөгжлийн газар хамтран “Хүүхэд бидний аюулгүй орчин” сэдвээр хэлэлцүүлэг зохион байгууллаа. Хэлэлцүүлэгт нийслэлийн Засаг даргын орлогч Ш.Анхмаа, НИТХ-ын төлөөлөгчид, дүүргийн Засаг дарга нар, Нийслэлийн Хүүхдийн төлөө зөвлөлийн гишүүд, есөн дүүргийн хүүхдийн элч, Нийслэлийн хүүхдийн холбоо, эцэг эхийн төлөөлөл зэрэг 150 гаруй хүн оролцов.
“Хүүхэд бидний аюулгүй орчин” хэлэлцүүлгийг нээж нийслэлийн Засаг даргын орлогч Ш.Анхмаа хэлсэн үгэндээ “Нийслэлийн удирдлагуудын зүгээс хүүхэд хамгаалал, хөгжлийн бодлогын чиглэлээр шат дараатай ажлыг хийж байгаа. Энэ жилийн “Хүүхдээ сонсох өдөр”-ийг угтаж нийслэлийн есөн дүүрэгт хүүхдэд тулгамдаж байгаа асуудлаар ярилцах, хэрхэн шийдвэрлэх талаар чуулган зохион байгуулсан. Нийслэлийн хэмжээнд дүүргүүдийн ерөнхий боловсролын сургуулиудад “Хүүхдээ сонсъя” хайрцаг байршуулна. Энэ хайрцагийг сард нэг удаа задалж шийдвэр гаргах байгууллагад уламжилна. Ингэснээр хүүхэд хамгаалалттай холбоотой хууль тогтоомжуудын хэрэгжилтэд хяналт тавих бүрэн боломжтой болж байгаа юм. Мөн Нийслэлийн Засаг даргын ивээл дор хүүхдийн эрхийг хангах, хүүхэд хамгааллын ажлын хүрээнд эцэг эхчүүдийн хариуцлагыг чангатгах, хараа хяналтыг сайжруулах зорилготой “Би хариуцлагатай аав ээж” аяныг бүтэн жилийн турш зохион байгуулахаар төлөвлөж байна” гэв.
Хэлэлцүүлгийн үеэр гэр бүлийн салалтаас урьдчилан сэргийлэх, гэр бүлийн хүчирхийллийг зогсоох, эцэг эхийн буруу үлгэр дууриаллыг зогсоох, багш эцэг эхийн хоорондын харилцааны зөрчлийг багасгах, эцэг эхчүүд хүүхдээ сонсох, багш сурган хүмүүжүүлэгч нарыг сурагчаа ялгаварлан гадуурхах, сурагчдыг сурлагын дүнгээр боох, залуу багш нарын заах арга зүйн дутмаг байдал зэрэг асуудлаар санал солилцож, цаашид хэрхэн шийдвэрлэх талаар хэлэлцэв.
Нийслэлийн ЗДТГ-ын Хэвлэл мэдээлэлтэй харилцах хэлтэс
BetOnline хэмээх сайт АНУ-ын нутаг дэвсгэрт санал асуулга явуулж удахгүй эхлэх НБА-гийн финалын тоглолтод ямар багийг хөгжөөн дэмжих сонирхолтой буйг танджээ. Голчлон твиттерийг ашиглан явуулсан уг санал асуулгын дүнд нийт 50 мужийн зөвхөн гуравт л энэ цаг үеийн “босоо аварга” Голден Стэйт Уорриорзыг дэмжихээ илэрхийлж бусад 47 нь “Канадын багийн төлөө хашгирана” гэсэн байх юм. Стиф Карригийн төлөө Калифорни, Невада, Гавайн арал байгаа гэнэ шүү.
Ерөнхий сайд У.Хүрэлсүх хүсэлт гаргасан хүүхэд бүрт сар бүрийн 20 мянган төгрөгийг олгохыг даалгасан. Өнөөдрийн Засгийн газрын хуралдаанаар хүүхдийн мөнгө олгоход шаардагдах хөрөнгийг төсвийн ерөнхийлөн захирагчийн батлагдсан төсөвт зохицуулалт хийж шийдвэрлэх, мөнгөн тэтгэмж олгох ажлыг шуурхай зохион байгуулахыг сайд Ч.Хүрэлбаатар, С.Чинзориг нарт даалгасан байна. Өнгөрсөн онд хүсэлт гаргасан хүүхдүүдийн мөнгийг зургаадугаар сарын нэгний өдрөөс өмнө олгохоор тогтоод буй. Улсын хэмжээнд нэг сая хүүхэд хүүхдийн мөнгө авах юм.
.JPG)
Монгол Улс болон ЕХ-ны хооронд дипломат харилцаа тогтоосны 30 жилийн ойн хүрээнд МҮХАҮТ-аас ЕХ-ны гишүүн улсуудаас Монгол Улсад суугаа болон хавсран суугаа Элчин сайд нартай 5 дугаар сарын 29-нд хамтарсан уулзалт зохион байгууллаа. Уулзалтаар ЕХ, МҮХАҮТ хоорондын цаашдын хамтын ажиллагааны талаар санал солилцож, худалдааг дэмжих, хөнгөвчлөх болон нэмэгдүүлэх, түүнд тулгарч байгаа бэрхшээлүүдийг шийдэх асуудлаар санал солилцов. Монгол Улсаас 2018 онд ЕХ-ны зах зээлд 74 сая еврогийн экспорт хийгдсэн бөгөөд үүний 40 хувийг нэмүү өртөг шингээгүй буюу хагас боловсруулсан түүхий эд, 313 сая еврогийн импорт хийснээс 88 хувийг машин тоног, төхөөрөмж тус тус эзэлж буй юм. Манай улс 2005 оноос ЕХ-ны шинэчилсэн хөнгөлөлтийн ерөнхий системд хамрагдаж 7200 нэр төрлийн бараа бүтээгдэхүүн гаалийн татваргүй экспортлох боломжтой болсон. Гэвч сүүлийн 10 жилийн экспортоос харахад самнасан ноолуур, ноолууран сүлжмэл бүтээгдэхүүн, эсгий бүтээгдэхүүн, өлөн гэдэс, хивс, монгол гэр, гэрийн тавилга , хагас боловсруулсан арьс шир зэрэг цөөн нэр төрлийн бүтээгдэхүүнийг экспортлож байна. ЕХ-ны Засгийн Газраас Монгол Улсын Худалдааны бодлогыг боловсронгуй болгох, худалдааг хөнгөвчлөх, уул уурхайн бус экспортыг дэмжин хөгжүүлэх чиглэлээр хэд хэдэн төсөл хэрэгжүүлж байгаа бөгөөд “EU-TRAM” төслийн хамтран хэрэгжүүлэгчээр МҮХАҮТ ажиллаж байна. Монгол Улс хэдийгээр тарифын хөнгөлөлт эдэлж байгаа боловч тарифын бус саад бэрхшээлүүд өнөөг хүртэл тулгамдсан асуудал хэвээр байна. Иймд бүтээгдэхүүний нэр төрлийг олшруулах, ЕХ-ны чанар стандарт, эрүүл ахуйн шаардлагад нийцүүлэх зэрэгт ЕХ-ны Засгийн Газар, холбогдох байгууллагуудтай илүү ойр хамтран ажиллах хэрэгтэй байгааг МҮХАҮТ-ын Ерөнхийлөгч О.Амартүвшин онцоллоо.
Засгийн газрын өнөөдрийн хуралдаанаар БНХАУ-ын хөнгөлөлттэй зээлээр хэрэгжүүлсэн хөрөнгөөр “Замын-Үүдийн дэд бүтцийг сайжруулах төсөл”-ийн хүрээнд барьсан барилгуудыг энэ оны долоодугаар сараас ашиглаж эхлэхээр шийдвэрлэв. 2011 оноос хэрэгжүүлсэн дээрх төслийн хүрээнд Замын-Үүд сум болон “Замын-Үүд” чөлөөт бүсийн хэрэглэгчдийг ундны усаар хангах ус цэвэршүүлэх үйлдвэр, бохир ус цэвэрлэх байгууламж,, эрчим хүчний дэд станц байгуулж, 13.5 км авто зам, гэрэлтүүлэг, явган зам тавьжээ. Төслийг хэрэгжүүлэхэд 58.8 сая ам.доллар зарцуулснаас Монгол Улсын Засгийн газар 8.8 сая ам.долларыг нь гаргасан байна. Монгол Улсын Ерөнхий сайд У.Хүрэлсүх өнгөрсөн онд Дорноговь аймгийн Замын-Үүд сум, “Замын-Үүд” чөлөөт бүсэд ажилласныхаа дараа бүтээн байгуулалтын ажлыг эрчимжүүлэх, шаардлагатай хөрөнгийг нь шийдвэрлэх үүрэг бүхий Ажлын багийг Монгол Улсын Шадар сайд Ө.Энхтүвшингээр ахлуулан байгуулсан юм. 
Засгийн газрын өнөөдрийн ээлжит хуралдаанаар 2019-2020 оныг Хүүхдийн хөгжил, хамгааллын жил болгон зарлав.
Улсын Их Хурлын Төсвийн байнгын хорооны өнөөдрийн (2019.05.29) хуралдаан 12 цаг 08 минутад гишүүдийн 52.6 хувийн ирцтэй эхэлж, гурван асуудал хэлэлцэн шийдвэрлэв.