Улсын хэмжээнд он гарсаар нэгдүгээр сарын 22-ны өдрийн байдлаар нийт 402 удаагийн объектын гал түймэр гарч 1.2 тэрбум төгрөгийн хохирол учирсан байна. Гал түймрийн улмаас 8 хүн нас барж, 3хүн түлэгдэж гэмтэн, 204 гэр орон сууц шатжээ. Гал түймрийг өнгөрсөн оны мөн үетэй харьцуулахад гал түймрийн тоо 10.1 хувиар өсөж, учирсан хохирлын хэмжээ 81.25 хувиар буурсан байна. Харин нийслэлийн хэмжээнд нийт 254 удаагийн гал түймрийн улмаас 0.46 тэрбум, орон нутагт 148 удаагийн гал түймрээс 0.78 тэрбум төгрөгийн хохирол тус тус учирчээ.
Иймд иргэн та сар шинийн баярын өдрүүдэд өөрийн болон бусдын амь нас, эрүүл мэнд, эд хөрөнгөд учирч болзошгүй эрсдэлээс урьдчилан сэргийлж:
-Аж ахуй, нэгж байгууллагууд барилга байгууламжийн галын аюулгүй байдал, гал унтраах автомат тоног төхөөрөмж, дохиолол, гал унтраах анхан шатны багаж хэрэгслийн бэлэн байдлыг хангаж, хяналтын камер, харуул хамгаалалтыг сайжруулах, яаралтай үед холбогдох утасны дугаар жагсаалтыг тодотгох,
-Шашины байгууллага, сүм хийдүүд хурал ном айлтгах арц, хүж асаах, зул барихдаа гал түймрийн аюулгүй байдлыг хангах,
-Иргэд цахилгааны хэт ачаалал / халуун тогоо, плитка, ус буцалгагч гэх мэт / үүсгэх, шингэрүүлсэн шатдаг хий, пийшин зуухны аюулгүй байдлыг хангаж, ил задгай үнс нурам асгахгүй байх, тагтай төмөр зориулалтын саванд хийх, бага насны хүүхдийг хараа хяналтгүйгээр орхихгүй байх,
-Гал унтраах тусгай зориулалтын автомашин хүрэлцэн очих зам, гарц, барилга байгууламжийн авралтын зам, гарцыг чөлөөтэй байлгах,
-Орон нутагт золголтоор явахдаа автомашин, тээврийн хэрэгслийнхээ бүрэн бүтэн байдлыг шалгаж, аюулгүй байдлаа хангахыг Онцгой байдлын ерөнхий газраас анхааруулж байна
Монголын Хөлбөмбөгийн холбооноос жил бүр уламжлал болгон зохион байгуулдаг Ахмадын Футзалын УАШТ долоо хоногийн турш таван насны ангилалд 50 багийн хооронд явагдаж өчигдөр/02.01/ аваргуудаа тодрууллаа. Тэмцээний 37-42 насны аваргын алтан медалийг Улаанбаатар Сити баг хүртсэн бол тэдэнд 6:1-ийн харьцаатай финалд хожигдсон Замчин мөнгөн медалиар энгэрээ мялаалаа. Харин хүрэл медалийн төлөөх тоглолтод Тулга баг өрсөлдөгчөө 3:2-ын харьцаатай буулган авснаар тэдний хамт шагналын тавцанд гарсан байна. 43-48 насны ангилалд Оюутан баг хүрэл медалийг хүртсэн бол финалын тоглолт мөн л сонирхолтой өрнөж Сэлэнгэ-Замчин баг аваргын алтан медалийн эзэн болж, Улаанбаатар Сити мөнгөн медальтай үлдлээ. 49-54 насны ангилалд Алтан медалийн төлөөх тоглолт тун сонирхолтой өрнөж Эрчим – Оюутан багуудын тоглолт үндсэн цагт 3:3-ын харьцаатай тэнцэв. Ингээд торгуулийн цохилтоор ялагчийг тодруулах болоход Эрчим 6:5-аар аваргын алтан медалийг зүүжээ. Харин тэдний хамт Хөдөлмөр хүрэл медалийн эзэн болсон байна. 55-59 насны ангилалдМонголын Өмгөөлөгчдийн Холбооны баг хүрэл медалийн эзэн болсон бол Шинэ Яармаг мөнгөн медалийг зүүж, Бага Тойрог аваргаллаа. Тэмцээний хамгийн ахмад насны ангилал буюу 60+ насанд Хөдөлмөр клуб аваргын алтан медалиар энгэрээ мялааж, Соёмбын Барсууд болон Эрдэнэт-Багануур багууд удаалжээ.
– Татвар төлөгчдийн анхааралд-
“Шилдэг өнгө” продакшны жүжигчин Санжаахүүгийн Өлзийхүүг сар шинийн босгон дээр Монгол Улсын Гавьяат жүжигчин цол тэмдгээр шагнахаар болсон
УИХ-ын чуулганы өнөөдрийн нэгдсэн хуралдаанаар таван хууль, тогтоолын төсөл хэлэлцсэнээр 2018 оны намрын ээлжит чуулганыг хаана.
Нийслэлийн Засаг даргын зөвлөлийн хуралдаанаас сар шинийн баярын өмнөх бямба, ням гарагт тээврийн хэрэгслийн улсын дугаарыг тэгш, сондгойгоор хязгаарлан замын хөдөлгөөнд оролцуулах шийдвэр гарсан. Тодруулбал, өнөөдөр тэгш, маргааш сондгой тоогоор төгссөн улсын дугаартай тээврийн хэрэгсэл хөдөлгөөнд оролцоно. Хязгаарлалттай тээврийн хэрэгсэл хориглосон авто замаар 08.00-20.00 цагт хөдөлгөөнд оролцохгүй байхыг Тээврийн цагдаагийн албанаас анхааруулав. Харин ирэх цагаан сарын бүх нийтийн амралтын өдрүүдэд дугаарын хязгаарлалт үйлчлэхгүй юм.
