“Хэвтүүл” хөдөлгөөнөөс ЖДҮХС-гаас зээл авсан албан тушаалтнуудтай хариуцлага тооцохыг шаардан бүх нийтийн жагсаал зохион байгуулах талаар өнөөдөр мэдээлэл хийлээ. Тэд жижиг дунд үйлдвэрийг хөгжүүлэх сан, 60 тэрбумын хэрэг, концесс тендерийн хэрэгтэй холбоотой албан тушаалтнуудад хуулийн өмнө, ард түмний өмнө хариуцлага хүлээхийг шаардах зорилготойгоор 2019 оны гуравдугаар сарын 2-ны өдөр Сүхбаатарын талбайд тайван жагсаал зохион байгуулахаар болсон тухайгаа ярилаа
“Хэвтүүл” хөдөлгөөний тэргүүн Э.Тамир “ЖДҮХС-ийн асуудалтай хэргийг намдаахын тулд 60 тэрбумын хэргийг ярьж, ЖДҮ-г орхигдуулж, энгийн нэг жижиг зээл мэтээр ард иргэдэд ухуулж байна. Тэд бага хүүтэй зээл авч болж байхад бид яагаад жирийн ард иргэд авч болдоггүй юм. Тэр утгаар ЖДҮХС -ийн асуудал сөхөгдсөн цагаас эхлэн идэвхтэй тэмцсээр ирсэн хэсэг залуус нэгдсэн “Хэвтүүл” хөдөлгөөнийг эхлүүлж байна. Цаашдаа ч энэ хөдөлгөөнөө үргэлжлүүлнэ” гэв.
“Хэвтүүл” хөдөлгөөний удирдах зөвлөлийн гишүүн Б.Ган-Эрдэнэ “Өөрийн эрхийг хууль бусаар авах оролдлого гэж тооцогдох болсон 60 тэрбумын сүлжээ, концессийн луйвар, хувийн өмчийг нийгэмчлэхиийг илтэд уриалж байгаа энэ нөхцөл байдал ард түмний бухимдлыг маш ихээр төрүүлж байна. Мөн ардчиллын суурь үнэт зүйлсэд илтэд заналхийлсэн үг, үйлдлийг эрх баригчдын зүгээс гаргах боллоо. Эрх баригчдын зүгээс ЖДҮХСанг хувьдаа завшсан улс төрчидтэй хариуцлага тооцох нь бүү хэл, харин ч хаацайлж, өмгөөлж хамгаалсаар өдий хүрлээ. Ингээд зогсохгүй ЖДҮ хулгай болон, 60 тэрбумын сүлжээгээр барьцаалагдсан УИХ, Засгийн газрын гишүүдээрээ дамжуулан ШХАБ-д элсэх урвагч санаагаа гүйцэлдүүлэхээр улайрч байна. Энэ байдлыг энэ хэвээр нь дуусгаж болохгүй. Тэр зээл авсан 20 гаруй гишүүн саналаараа огцрох ёстой. Тиймээс ард иргэд та бүхнийг тэмцэлд нэгдэн, төр дэх хулгайчдыг хуулийн өмнө, ард түмний өмнө хэвтүүлтэл тэмцэхийг уриалж байна” байна хэмээн хэллээ.
АТГ-аас сар бүрийн 25-нд хийдэг ээлжит хэвлэлийн хурлыг хийлээ. АТГ-т шалгагдаж байгаа хэрэг болон бусад асуудалд тайлбар хариулт өгөв. АТГ-ын Тамгийн хэлтсийн дарга, Эрхэлсэн комиссар З.Баасанням, АТГ-ын мөрдөн шалгах хэлтсийн ахлах мөрдөгч, Ахлах комиссар Ч.Жаргалбаатар, Хяналт шалгалт дүн шинжилгээний хэлтсийн дарга, Эрхэлсэн комиссар Хашбаатар нар тус хэвлэлийн хуралд оролцож сэтгүүлчдийн асуултад хариуллаа.
Энэ өдрийн хамгийн сэтгэл хөдөлгөм төрлүүдийн нэг бол гарцаагүй “Шилдэг эрэгтэй гол дүрийн шагнал” билээ. Тус төрөлд асар олон шилдэг жүжигчид нэр дэвшсэн бөгөөд Рами Малек ялагчаар тодорлоо!
91 дэх удаагийн Оскарын шагнал гардуулах ёслолын шилдэг киногоор “Green book” шалгарч шагналаа гардан авлаа. Хүн болгон шилдэг киноны төрөлд янз бүрийн санал, бодолтой байсан нь мэдээж. Гэхдээ ийнхүү “Green Book” оны шилдэг кино болж, бусад кинонуудаас онцгойрч чадлаа. Тус киноны найруулагчаар Питер Фаррелли ажилласан билээ. Green book ийнхүү шилдэг найруулагч, шилдэг туслах дүр, эх зохиол гэсэн 3 Оскар хүртлээ.
KFC түргэн хоолны газрын “Зайсан” дахь салбараа үйлчлүүлсэн иргэд хоолны хордлогод орсон байна гэх мэдээлэл гарсан. Хоолны хордлогод орсон иргэд хоёрдугаар сарын 8-аас ХӨСҮТ-д хандан, эмчилгээ үйлчилгээ авч эхэлсэн юм. ХӨСҮТ-д эмчлүүлж байсан иргэд өнгөрсөн долоо хоногт бүгд эмнэлгээс гарсан байна. ХӨСҮТ-ийн хэвлэл мэдээллийн ажилтан Г.Энхбаатараас тодруулахад, “KFC” түргэн хоолны газраас хордсон иргэд ХӨСҮТ-д эмчлүүлж байгаад сүүлийн хүмүүс өнгөрсөн долоо хоногт эмнэлгээс гарсан. Биеийн байдал нь сайжирч, бүгд эмнэлгээс гарсан” гэлээ. Нийслэлийн Мэргэжлийн хяналтын газраас хяналт шалгалт хийж, 39 төрлийн хоолны дээж, 41 нэр төрлийн хүнсний түүхий эд бүтээгдэхүүн, ундны усны 2, агаарын 5 сорьц, 4 ундааны сорьц авч лабораторид нян судлалын шинжилгээнд хамруулсан. Шинжилгээгээр ус болон бүтээгдэхүүнээс өвчин үүсгэгч илэрсэн төдийгүй тус байгууллагын хоёр ажилтан цусан суулга өвчний халдвартай байсан нь тогтоогдсон. Болсон явдалтай холбоотойгоор “KFC” сүлжээ хоолны газрын салбаруудад НМХГ-аас хяналт, шалгалт явуулж байна.
Лос Анжелес хотноо зохион байгуулагдаж буй 91 дэх удаагийн “Оскар”-ын шагнал гардуулах ёслолын “Шилдэг баримтат кино” номнацийн ялагч тодорсон талаар “www.cnet.com” сайт мэдээллээ. “Шилдэг баримтат кино” номнацийн эзнээр “Free Solo” бүтээл тодорч, анхны “Оскар”-ын шагналаа хүртсэн байна. Ямар ч хамтрагчгүйгээр дэлхийн өндөр оргилуудад гардаг залуугийн тухай уг бүтээлд гардаг билээ.
Энэ жил A Star is Born кино дуу хөгжмийн ертөнцөд төдийгүй кино ертөнцөд ч маш их нэр хүндийг олоод байгаа билээ. Энэ бол Лейди Гагагийн хувьд Оскар хүртэж буй гайхалтай торгон мөч юм.
Лос Анжелес хотод болж буй 91 дэх удаагийн Оскарын шагнал гардуулах ёслолын “Гадаад хэл дээрх шилдэг кино” төрөлд Мексикийн найруулагч Альфонсо Куароны “Рома” кино шагнал хүртжээ.