Month: February 2019

Монголын хөрөнгийн бирж өнөөдөр өдөр I, II, III ангиллын 23 хувьцаат компанийн 233,746,984 төгрөгийн үнийн дүн бүхий 532,363 ширхэг хувьцаа арилжигдсан байна. Үүнээс 5 хувьцаат компанийн хувьцааны ханш өсч, 13 хувьцаат компанийн хувьцааны ханш буурсан бол 5 компанийн хувьцааны ханш тогтвортой байлаа. Үүнээс “АйТүүлс” ХК (ITLS+6.10%) болон “Женко Тур Бюро” ХК (JTB+5.88%) -ийн хувьцааны ханш хамгийн өндөр өсөлттэй байсан бол “Жинст Увс” ХК (JIV-8.11%) болон “Сүү” ХК (SUU-2.04%) -ийн хувьцаа хамгийн их уналттай байлаа.

ЗГҮЦ-ны хоёрдогч зах зээлийн багцын арилжаагаар 1,350 ширхэг үнэт цаасыг 136,390,500 төгрөгөөр арилжаалагдсан байна. “TOP 20” индекс 0.18 хувиар буурч 20968.03 нэгжид хүрсэн бол зах зээлийн үнэлгээ 2,479,252,513,985.03 төгрөг боллоо.

Шударга өрсөлдөөн, хэрэглэгчийн төлөө газрын дарга Б.Лхагва, холбогдох газрын дарга, мэргэжилтнүүд, Зам, тээврийн хөгжлийн яамны Төрийн нарийн бичгийн дарга С.Батболд, Иргэний нисэхийн ерөнхий газар, “Автотээврийн үндэсний төв” ТӨҮГ, “Улаанбаатар төмөр зам” ХХН, “МИАТ” ХК-иудын “Хэрэглэгчийн эрхийг хамгаалах үндэсний хөтөлбөр”-ийн хэрэгжилтийг хангах орон тооны бус салбар зөвлөлийн гишүүдтэй 2019 оны 2 дугаар сарын 27-ны өдөр уулзалт хийлээ.

Уулзалтаар Монгол Улсын Засгийн газраас 2019 оныг “Иргэн төвтэй төрийн үйлчилгээний жил” гэж, тус газраас “Хариуцлагатай хэрэглээ – Хэрэглэгчийн эрхийн жил” гэж тус тус зарласан ажлын хүрээнд Шударга өрсөлдөөн, хэрэглэгчийн төлөө газар, Зам, тээврийн хөгжлийн яамтай хамтран зам, тээврийн салбарын үйлчлүүлэгчдэд зориулан зөвлөмж, зөвлөгөө бэлтгэн гаргах, хэрэглэгчийн эрхийг хамгаалах талаар хамтран ажиллахаар боллоо.

Зам, тээврийн хөгжлийн яамны Төрийн нарийн бичгийн дарга, тус яамны “Хэрэглэгчийн эрхийг хамгаалах үндэсний хөтөлбөр”-ийн хэрэгжилтийг хангах орон тооны бус салбар зөвлөлийн дарга С.Батболд: Зам, тээврийн салбараар үйлчлүүлэгчдэд зориулан 2018 онд авто вокзалуудад “Эх, нялхасын өрөө”-г тохижуулж ашиглалтад оруулсан, авто үйлчилгээний мэдээллийн цахим систем autobox.mn сайтыг бий болгосон гэх мэт ажлуудыг хийсэн, 2019 онд тус яамны “Хэрэглэгчийн эрхийг хамгаалах үндэсний хөтөлбөр”-ийн хэрэгжилтийг хангах орон тооны бус салбар зөвлөлийн ажлын төлөвлөгөөг танилцуулж, цаашид Монгол Улсын хэмжээнд зам, тээврийн салбараар үйлчлүүлэгчдийн “ХЭРЭГЛЭГЧИЙН ЭРХИЙГ ХАМГААЛАХ” талаар шинэлэг, үр дүнтэй ажлуудыг зохион байгуулж ажиллахаа илэрхийлэв.

“Орон нутагт гэмтэл согогийн тусламж үйлчилгээний чанар, хүртээмжийг сайжруулах” төслийн нээлт Өвөрхангай аймагт болж байна. Төслийн нээлтэд Эрүүл мэндийн сайд Д.Сарангэрэл болон бусад албаныхан оролцлоо. Тус төслийг Гэмтэл согог судлалын үндэсний төв /ГССҮТ/ санаачилан Эрүүл мэндийн яам болон Өвөрхангай аймаг дахь Бүсийн оношлогоо эмчилгээний төвтэй хамтран хэрэгжүүлж байгаа юм.Орон нутгийн эмчилгээ үйлчилгээний чанар хүртээмжийг нэмэгдүүлж сайн туршлага, шинэ инновацийг орон нутгийн эмчилгээнд нэвтрүүлж сургалт арга зүйгээр хангаж ажиллах зорилготой энэхүү төслийг ирэх зургаадугаар сар хүртэл хэрэгжүүлэх юм.

Зургаан сарын хугацаанд хэрэгжүүлэх энэхүү төслийн хүрээнд сүүлийн үеийн нотолгоонд суурилсан удирдамж журмыг баримтлан ур чадварыг нэмэгдүүлэх сургалтадбүсийн оношлогоо эмчилгээний төвийн эмч, мэргэжилтнүүдийг хамруулах юм. Мөн анагаах ухааны эмчилгээний орчин, шинэ технологийг нэвтрүүлж орон нутгаас ирж үйлчилгээ авч байгаа иргэдийн урсгалыг багасгаж, цаг хугацаа, эдийн засгийн хувьд хэмнэлттэй байх нөхцөлийг бүрдүүлэх зорилт дэвшүүлжээ.

Төслийг хэрэгжүүлж дууссаны дараа хэд хэдэн үр дүн гарна гэж тооцсон байна. Тухайлбал, БОЭТ-ийн гэмтэл согогын тусламж үйлчилгээний чанар, хүртээмж нэмэгдэж гэмтлийг цаг алдалгүй оношлож, эмчлэх боломжтой болно гэдгийг албаныхан онцлов. Мөн бүсийн оношлогоо эмчилгээний төвийн өрсөлдөх чадвар нэмэгдэхээс гадна ГССҮТ-ийн эмчилгээ үйлчилгээг, бүсийн оношлогоо эмчилгээний төвд нэвтрүүлж иргэдэд үйлчилгээг ойртуулахаас гадна орон нутгийн эмч, мэргэжилтнүүд ажлын байран дээрээ хөгжих боломж бүрдэх юм байна. Хамгийн гол нь бүсийн оношлогоо эмчилгээний төвийн эмч, мэргэжилтний ур чадвар, мэдлэг сайжирч төвийн хэмжээнд хийдэг мэс ажилбаруудыг орон нутагтаа хийж, нас баралтыг бууруулах юм..

Тус төслийн хүрээнд үндсэн гурван чиглэлийн хөрөнгө оруулалтыг хийхээр төлөвлөөд буйг нээлтийн үеэр дуулгалаа. Тодруулбал, эмчлэх хүний нөөц, тоног төхөөрөмж, мэс заслын блок, гэмтлийн тасгийн зарим палатыг засварлан шинэчлэхэд шаардлагатай хөрөнгө оруулалтыг ГССҮТ, Өвөрхангай аймгийн БОЭТ хамтран ЭМЯ болон холбогдох төрийн байгууллагуудын оролцоотойгоор шийдвэрлэхээр төлөвлөжээ.

Өвөрхангай аймгийн БОЭТ хүний нөөцийн чадамж болон газарзүйн байршлийн хувьд төсөл хэрэгжүүлэхэд боломжтой гэж үзэн тус аймгийг сонгосон байна. Тус аймгийн БОЭТУлаанбаатар хотоос 420 км зайд оршдог бөгөөд баруун бүсийн хөгжлийн тулгуур төв, баруун дөрвөн аймаг дамжин өнгөрдөг хатуу хучилттай замтай тул эмчилгээ үйлчилгээг хөгжүүлэхэд тохиромжтой гэж үзсэн байна.

2018 онд эхлүүлж байсан Коломбо хөтөлбөрийн гурав дахь удаагийн сургалтыг АНУ-ын Төрийн департмент, Хууль зүй, дотоод хэргийн яамны Гэмт хэргээс урьдчилан сэргийлэх ажлыг зохицуулах зөвлөлийн санхүүжилтээр 2019 оны хоёрдугаар сарын 18-ний өдрөөс 26-ыг дуустал амжилттай зохион байгуулж дууслаа. “Коломбо хөтөлбөр” нь Дэлхийн 47 орныг эгнээндээ нэгтгэсэн Мансуурлын эмчилгээ, урьдчилан сэргийлэлтийн Олон улсын хөтөлбөр юм. Уг хөтөлбөр нь суурь түвшний 8 курс, ахисан түвшний 22 курстэй. Энэ оны тавдугаар сард үлдсэн 1 модул(UTC4) сургалтыг зохион байгуулснаарсуурь түвшний бүх сургалтыг Монгол улсад албан ёсоор нэвтрүүлж дуусна. Үүний дараа ахисан түвшний сургалтыг эхлүүлэх боломж бүрдэнэ.Коломбо хөтөлбөрийн сургалтанд ЦЕГ-ын Эрүүгийн цагдаагийн газрын 2 албан хаагч, Хууль сахиулахын их сургуулийн 1 багш, Шүүхийн шинжилгээний үндэсний хүрээлэнгийн 2 шинжээч, Сэтгэцийн эрүүл мэндийн үндэсний төвийн 12 эмч, мэргэжилтэн, Нийслэлийн наркологийн эмнэлэгийн 1 эмч, Нийслэлийн 28 дугаар сургуулийн нийгмийн ажилтан, 47 дугаар сургуулийн сургалтын менежер зэрэг олон мэргэжлийн төлөөлөл оролцож байна.Үндэсний сургагч багшаар бэлтгэгдэж буй 21 мэргэжилтэнцаашид Нийслэлийн 9 дүүрэг, 21 аймагт Олон улсны хөтөлбөрөөр Үндэсний сургагч багш нарыг шат дараатай бэлдэх зорилт тавин ажиллаж байна.

Олон нийтийн сүлжээнд хүүхдүүдтэй харьцаж, тэднийг өөрийгөө гэмтээх, буруу үйлдэл хийх, амиа хорлох гэх мэтэд уруу татаж байгаа гэх Момо хэмээх дүрсийн тухай мэдээлэл хэвлэл мэдээллийн хэрэгслүүдээр гарч байна.