Month: October 2018

Нийслэлийн Амгалан амаржих газрын Эмэгтэйчүүдийн эмгэгийг эмчлэх тасаг байгуулагдсаны хоёр жил, дурангийн мэс засал хийж эхэлсний нэг жилийн ойн хүрээнд зохион байгуулагдсан “Нээлттэй хаалганы өдөрлөг” энэ сарын 30-ны өдөр боллоо. Энэхүү үйл ажиллагааг нээж амаржих газрын дарга Ц.Батболд үг хэлсэн бөгөөд ЭЭЭТ-ийн тасгийн эрхлэгч, клиникийн профессор, Анагаах ухааны магистр, тэргүүлэх зэрэгтэй эмч Л.Долгоржав эмэгтэйчүүдийн төрөлжсөн нарийн мэргэжлийн тусламж, үйлчилгээ болон тус тасгийн хоёр жилийн хугацаанд хийсэн ажлын ололт амжилт, цаашдын зорилтын талаар танилцууллаа.

“Нээлттэй хаалганы өдөрлөг”-т НЭМГ-ын төлөөлөл, эмч, эмнэлгийн мэргэжилтнүүд, резидент эмч бүхий нийт 120 хүн оролцлоо. Өдөрлөгийн үйл ажиллагааг найман өртөөгөөр зохион байгуулж эмч, мэргэжилтнүүд болон үйлчлүүлэгчдэд зориулсан шинэлэг арга, бүтээлч санааг илтгэсэн өвөрмөц тохижилтыг хийжээ.

Тухайлбал:

·Өртөө 1-Амаржих газрын эмч, мэргэжилтнүүдийн үйл ажиллагаа, амралт чөлөөт цагийг харуулсан түүхэн гэрэл зургийн булан

·Өртөө 2 -Үйлчлүүлэгчдийн санал хүсэлт, сэтгэл ханамжийн зурвасыг дэлгэсэн чөлөөт булан

·Өртөө 3 -Венийн судасны бүдүүрлийг эмчлэх “Veinoplus” төхөөрөмжийн танилцуулга

·Өртөө 4 – Өвчтөнд зориулсан зөвлөгөө, мэдээллийн булан

·Өртөө 5 -“Сайн туршлага-2018” арга хэмжээнд шилдгээр шалгарсан бүтээлүүд

·Өртөө 6 -Стресс менежмент буюу хөдөлгөөн засал, иогийн өрөө

·Өртөө 7 -Зөв зохистой хооллолтын илчлэгийг тооцож, модел байдлаар харуулсан танилцуулга

·Өртөө 8 -Үдийн хоолны хэсэг гэх мэт эмч, мэргэжилтнүүд болон иргэд үйлчлүүлэгчдийн тав тух, тохилог орчинд ажиллаж, үйлчлүүлэх боломжийг бүрэн хангасан томоохон ажлууд хийгдсэн байна.

Амгалан амаржих газрын даргын 2016 оны наймдугаар сарын 08–ны өдрийн А/65 тоот тушаалаар “Эмэгтэйчүүдийн эмгэгийг эмчлэх тасаг” байгуулагдсан бөгөөд нийт 30 ортойгоор үйл ажиллагаагаа явуулж эхэлжээ.

Өнгөрсөн хоёр жилийн хугацаанд 2000 гаруй үйлчлүүлэгчийг хэвтүүлэн эмчилж, эмэгтэйчүүдийн мэс засал 439 хагалгаа хийснээс хэвлийн хөндийн нээлттэй мэс засал 376, дурангийн мэс засал 63 тохиолдлыг хийжээ.

Гадаад харилцаа, хамтын ажиллагааны хүрээнд:

Сургалт:

1.Эх барихын яаралтай тусламжийн сургалт- 2 эмч, 1 сургагч багш

2.-Эмэгтэйчүүдийн дотоод шүүрлийн булчирхайн эмгэг – 1

3.-Дурангийн мэс заслын гадаад сургалт-1

4.-Төгсөлтийн дараах резидентын сургалтын чиглүүлэгч багш – 1

Шагнал урамшуулал:

2017 оны ШИЛДЭГ ИННОВАЦИ нэвтрүүлсэн тасгаар шалгарсан.

2017 онд эмнэлгийн тусламж, үйлчилгээний “САЙН ТУРШЛАГА-2017” шалгаруулалтанд идэвхи санаачлагатай оролцон, вазопрессин тариа болон тарилгын ивүүрээр батламж авсан.

Дэлхийн эмч нарын өдрийг тохиолдуулсан ЭШ-ний бага хуралд “Өндгөвчний уйланхайт эмгэгшлийн үед хийгдсэн дурангийн мэс заслын үр дүн болон эмгэг судлалын шинжилгээний дүгнэлт” сэдвээр дэд байр эзэлсэн.

2018 онд НЭМГ-ын 80 жилийн ойн хүрээнд зохион байгуулагдсан “САЙН ТУРШЛАГА-2018” арга хэмжээнд эмэгтэйчүүдийн практикт “Single port аргачлалаар умай авах мэс засал” шилдэг 20 бүтээлд шалгарсан.

Мөн дурангийн мэс заслын үед хэрэглэх мэдрэлийн сүлжээний гэмтлээс сэргийлэх ивүүр, Coffee station, стресс менежментийн өрөө нь тус, тус амжилттай оролцсон байна.

Хэнтий аймгийн Мэргэжлийн хяналтын газрын хэлтсийн даргаар ахлуулсан ажлын хэсэг тус аймгийн Батноров сумын Шаварт хэмээх газарт байгалийн өнгөт чулуу хууль бусаар түүж, олборлож байгаа үйл ажиллагаанд хяналт шалгалт хийлээ. Үүгээр дөрвөн машинтай зургаан иргэнийг саатуулан шалгаж, арга хэмжээ авч, хууль бус үйлдлийг таслан зогсоов.

Мөн хууль бусаар өнгөт чулуу түүгч, олборлогч, худалдан авагч иргэдэд хууль, эрхзүйн зөвлөгөө мэдээлэл өгчээ.

Батноров сумын Засаг даргын тамгын газартай хамтран ухаж сүйтгэгдсэн газрыг зориулалтын тээврийн хэрэгслээр түрж тэгшлэх, мод бут тарьж нөхөн сэргээх ажлыг хийх аж.

Улсын бүртгэлийн багц хууль ирэх сарын 1-нээс хэрэгжиж эхэлнэ. Шинээр хэрэгжиж эхлэх уг багц хуульд Улсын бүртгэлийн ерөнхий хууль, Иргэний улсын бүртгэлийн тухай хууль, Эд хөрөнгийн тухай хууль болон Хуулийн этгээдийн улсын бүртгэлийн тухайн хууль зэрэг нь хамаарах аж. Энэ оны зургаадугаар сарын 13-ны өдрийн Засгийн газрын 175 дугаар тогтоолоор Оюуны өмч улсын бүртгэлийн ерөнхий газрыг татан буулгаж, Улсын бүртгэлийн ерөнхий газрыг шинээр байгуулсан юм.

Тус байгууллага иргэний 48, эд хөрөнгийн 49 болон хуулийн этгээдэд 27, архивын 34 төрлийн үйлчилгээг иргэдэд үзүүлдэг аж. Багц хуулийн тухайд “Улсын бүртгэлийн дөрвөн багц хууль хэрэгжиж эхэлснээр бүртгэлийн байгууллага иргэнээс ямар ч мэдээлэл шаардахгүйгээр үйлчилгээ үзүүлнэ. Мөн тоон гарын үсэг гэх шинэ зүйлийг нэвтрүүлж байгаа аж. Үүнийгээ ашиглан иргэд бүртгэлийн газраас 148 төрлийн үйлчилгээг авах боломжтой болно. Ирэх сараас цахим системээр дамжуулах бүртгэлийн арван лавлагаа, хоёр төрлийн бие давхцахгүй өгөгдөл буюу гарын хурууны хээгээрээ хүссэн лавлагаагаа авч, бүртгэлийн үйл ажиллагаа явуулах боломжтой. Өөрөөр хэлбэл, цахим системээр дамжуулан төрийн бүх байгууллагуудаар тухайн иргэн бичиг баримтгүй үйлчлүүлэх боломж бүрдэх юм. Энэхүү багц хууль хэрэгжсэнээр цахим үнэмлэхний хэрэглээ нэмэгдэхээс гадна, иргэд бүртгэлийн мэдээллийгтүргэн шуурхай авч, цаг хугацаагаа хэмнэх боломжтой аж. Мөн төрийн байгууллагуудын хоорондын уялдаа сайжирч, үл ойлголцлоос үүдсэн бүртгэлийн зөрүүтэй тоон мэдээг цэгцлэх юм байна.

Бүртгэлийн дөрвөн багц хууль хэрэгжиж эхэлснээр 100 айлд байрлалтай Улсын бүртгэлийн ерөнхий газрын ачааллыг жижиг нэгжүүд рүү шилжүүлж, ачааллыг бууруулах аж. Иргэний гадаад паспортыг нэг болон таван жилээр олгодог байсан бол арваннэгдүгээр сарын 1-нээс эхлэн Монгол Улсын бүх иргэдэд арван жилийн хугацаатай гадаад паспортыг олгодог болно.

Магнай Трейд” компанийн Баянзүрх дүүргийн хоёрдугаар хороонд байрлах ШТС-д авто машины банкинд шатахуун дүүргүүлэхэд гадуур хальж асгарсан бензиний төлбөрийг иргэнээр төлүүлсэн тухай гомдлын дагуу шалгалт хийжээ. Иргэний гомдлын дагуу МХЕГ-аас шалгахад тус ШТС-ийн АИ-92 бензиний борлуулалтад ашиглаж буй түгээгүүрийн хошууны мэдрэгч ажиллахгүй, банк дүүрэх үед түгээлт автоматаар зогсохгүй хальж асгарах гэх мэт зөрчлийг илрүүлэн, холбогдох хуулийн дагуу арга хэмжээ авсан байна.

Өнөөдрийн хуралдаанаар нийслэлийн эдийн засаг, нийгмийг 2017 онд хөгжүүлэх үндсэн чиглэлийн биелэлт, 2018 оны хэрэгжилтийн явцыг сонсон, 2019 онд Улаанбаатарын эдийн засаг, нийгмийг хэрхэн хөгжүүлэх талаарх үндсэн чиглэлийн төслийг хэлэлцэж, батална.Нийслэлийн эдийн засаг, нийгмийг 2019 онд хөгжүүлэх үндсэн чиглэлийг төлөвлөхдөө үйлдвэрлэлийг шинжлэх ухаанд тулгуурлан хөгжүүлэх нөхцлийг бүрдүүлж, бүтээгдэхүүний чанарыг дээшлүүлэх, бичил бизнес эрхлэгчдэд олгох санхүүгийн дэмжлэгийг нэмэгдүүлэх, гадаадын хөрөнгө оруулагчдад эдийн засгийн үр ашигтай төслүүдийг сурталчлан дотоодын хөрөнгө оруулагчдын оролцоог нэмэгдүүлэх, татах арга хэмжээг авч хэрэгжүүлэх, төр хувийн хэвшлийн оролцоог эрчимжүүлэх, ажлын байр орлого нэмэгдүүлэхэд анхаарчээ. Нийслэлийн эдийн засаг нийгмийг хөгжүүлэх үндсэн чиглэлийн 2017 оны биелэлт, 2018 оны хэрэгжилтийн явц, 2019 оны төлөвлөлтийн талаар өнөөдрийн хуралдаанаар хэлэлцэн үнэлэлт дүгнэлт өгөх юм.

НИТХ-ын 2016 оны 11 сард батлагдсан эдийн засаг нийгмийг 2017 онд хөгжүүлэх үндсэн чиглэлд 334 ажил хэрэгжүүлэхээр төлөвлөжээ. Эдгээр ажлаас 265 арга хэмжээ үр дүнд хүрсэн 100 хувьтай, 32 ажил тодорхой үр дүнд хүрсэн 70 хувьтай, эрчимжүүлэх шаардлагатай буюу 40 хувьтай 4 арга хэмжээ, одоогоор үнэлэх боломжгүй 33 арга хэмжээ байна. Нийслэлийн Эдийн засаг, нийгмийг 2017 онд хөгжүүлэх үндсэн чиглэлийн хэрэгжилт 96 хувьтай байна.

“Яармагийн шинэ гүүр барих, хуучин гүүрийг засварлах” төслийн хүрээнд баригдсан нийт дөрвөн эгнээ шинэ гүүр, хоёр эгнээ хуучин гүүр, нүхэн гарц, рамп гүүр, авто зам, замын байгууламжийн замын хөдөлгөөний нээлт 2018 оны ирэх сарын 2-нд болох гэж байна.