Month: October 2018

УИХ-аар ирэх оны төсвийн төслийг хэлэлцэж эхлээд байгаа билээ. Төсвийн задаргааг харж байхад хамгийн түрүүнд олон жил царцсан барилга, бүтээн байгуулалтуудын ажил анхаарал татав. Заримд нь цөөхөн хэдэн төгрөг дусааж, заримыг нь ор тас мартсан бололтой. Жил дамнан царцаж байгаа барилгын жагсаалтад хэд хэдэн барилга багтжээ. Өнөөх улиг болтлоо яригддаг төрөх эмнэлэг, спортын ордон зэрэг барилгууд нэрлэгдэж байна лээ. Уг нь манай улс хүн ардынхаа эрүүл мэндэд үнэтэй хөрөнгө оруулалт хийхийн 14тулд эмнэлэг, эрүүл мэндийн үйлчилгээ, спорт сургалтын төвүүдийг нэмэгдүүлнэ гэсэн бодлоготой биш бил үү. Гэтэл төсөв мөнгө хуваарилахдаа энэ бодлогынхоо эсрэг байдаг нь бас сонин. Үнэхээр эдийн засаг хүнд болохоор аргагүй эрхэнд барилгуудыг царцаагаад байна уу гэвэл тэрэн шиг худлаа юм байхгүй. Ардаа том мотортой, лоббидож чадсан барилгууд богино хугацаанд сүндэрлээд байна. Гэтэл үнэн шударгаараа тендерт ялсан, ар өврийн хаалгагүй компаниудын ажил урагшилж өгдөггүй нэг зовлонтой. Яагаад ингэж хэлээд байна вэ гэвэл нэгэн инээдтэй болсон явдлыг та бүхэнтэй хуваалцъя.

Монгол Улсын Их Хурлаас 2017 оны 12 дугаар сарын 07-ны өдөр Төрийн албаны тухай хууль /Шинэчилсэн найруулга/-ийг шинэчлэн баталж, улмаар 2019 оны 01 дүгээр сарын 01-ний өдрөөс мөрдөхөөр болсонтой холбоотой Шударга өрсөлдөөн, хэрэглэгчийн төлөө газраас Төрийн албаны зөвлөлтэй хамтран агентлагийн нийт албан хаагчдыг хамруулан сургалт зохион байгууллаа.

Сургалтын үеэр Төрийн албаны зөвлөлийн Ажлын албаны дарга Д.Баатарсайхан шинэчлэгдэн батлагдсан Төрийн албаны тухай хууль /Шинэчилсэн найруулга/-иас гадна “Удирдах ажилтаны улсын зөвлөгөөн 2018”-д хэлэлцэгдсэн илтгэл, мэдээллүүдийн талаар дэлгэрэнгүй мэдээлэл өгсөн юм.

Мөн сургалтаар төрийн албаны шинэтгэлийн хүрээнд анхаарах зүйлсийн талаар чиглэл өгч, албан хаагчдийн сонирхсон асуултад хариулт өгсөн нь сургалтыг ихээхэн үр дүнтэй болгосон юм.

Эрчим хүчний хэмнэлт, дулаан алдагдалгүй хэрэглээ, ногоон худалдан авалтыг дэмжин иргэд, байгууллагын хандлагыг өөрчлөх замаар агаар, орчны бохирдлыг бууруулах, олон нийтийн оролцоог хангах зорилгоор “Бид нэг агаартай” байгаль орчинд ээлтэй дэвшилтэт техник, технологийн үзэсгэлэнг 2018 оны 10 дугаар сарын 11, 12-ны өдрүүдэд Сүхбаатарын талбай дээр зохион байгуулах тул иргэд олон нийт ба бүхнийг хүрэлцэн ирэхийг урьж байна.

Холбогдох утас:11-314876

Нийслэлийн Агаарын бохирдлыг бууруулах газар

БСШУСЯ-наас Монголын болон дэлхийн багш өдрийг тохиолдуулан 1000 багш оролцсон баярын хүндэтгэлийн арга хэмжээг Корпорейт Конвейшн төвд өнөөдөр зохион байгууллаа.

Багш нарт хүндэтгэл үзүүлэх ёслолын үеэр УИХ-ын дарга М.Энхболд, Ерөнхий сайд У.Хүрэлсүх нар монголынхоо нийт багш нарт тусгайлан мэндчилгээ хүргүүлсэн юм. Хүндэтгэлийн арга хэмжээнд урилгаар УИХ-ын даргын М.Энхболдын зөвлөх Т.Ганди, Ерөнхий сайд У.Хүрэлсүхийн зөвлөх Н.Хүрэлбаатар, НИТХ-ын дарга С.Амарсайхан, Улаанбаатар хотын захирагч С.Батболд нар оролцож багш нарт баяр хүргэж үг хэлэв.

БСШУСЯ2018-2019 оны хичээлийн жилийг Багшийн хөгжлийг дэмжих жил болгон зарласан. Жилийн хүрээнд болон багш нарын өдрийг угтан 2018.09.05-2018.10.05-ны хооронд “Багшийн хөгжил-2018” аяныг орон даяар өрнүүлэн таван бүтээлч уралдааны шилдгүүдийг тодруулан баярын энэ өдөр шагналыг нь гардууллаа. Цэцэрлэгийн багачуудын дунд зарласан гар зургийн уралдаан, Ерөнхий боловсролын сургуулийн сурагчдын дунд зарласан фото зургийн уралдаан, сэтгүүлчдийн дунд зарласан нийтлэл, эцэг эхчүүдийн дунд зарласан эссэ бичлэгийн уралдаан, бүтээлч санааны уралдаанд ирсэн бүтээлүүдийг нийтэд дэлгэн үзүүллээ.

БСШУСЯ-ны захиалгаар өнөөгийн багшийн амьдрал, багш хүний жаргал, саад бэрхшээлийг харуулсан бүрэн хэмжээний “БАГШ” уран сайхны киног бүтээж, энэ өдөр мөн нээлтийг нь хийлээ.

Боловсролын салбарын хүний нөөцийн чадавхийг сайжруулах, багшийн нийгмийн асуудлыг шийдвэрлэх, хүүхэд, оюутан, сурагчдын хөгжил, хамгааллын чиглэлээр урт хугацааны туршид идэвх санаачилга, үр дүнтэй хамтран ажиллаж ирсэн байгууллагуудад анх удаа “Боловсролд ээлтэй байгууллага”-аар тодруулан өргөмжиллөө.

2018 оны хичээлийн жилийг сурагчид урьд өмнө байгаагүй амжилтаар эхлүүлж байна. Тухайлбал, олон улсын таван олимпиадад манай хүүхдүүд оролцсон төрөл бүрээсээ медаль хүртлээ. Анх удаа олон улсын математикийн олимпиадад багаараа оролцож медаль авсан, оюун ухаан, ой тогтоолтоор монгол хүүхдүүд дэлхийн дээд рекорд тогтоож Генисийн номд бүртгэгдсэн зэрэг амжилтыг дурдаж болно. Сурагчид олон улсын олимпиадаас нийтдээ 3 мөнгө, 12 хүрэл, 3 тусгай байр эзэлж түүхэн дээд амжилт тогтоосон нь багшийн ажлын үр шим юм. Мөн Улсын тэргүүний сургууль, боловсролын гол түнш болох төрийн бус байгууллага, онцгой амжилт гаргасан багш нараа мөн энэ өдөр шагнаж урамшуулна.

УИХ Багшийн хөгжлийг дэмжих хуулийг хэлэлцэн баталсан. Энэ хууль ирэх оны нэгдүгээр сарын 1-нээс хэрэгжиж эхэлнэ. Ингэснээр багшийн нийгмийн баталгаа, хөгжлийн асуудал, мэргэжил дээшлүүлэх, ёс зүйн талаар олон таатай боломж бүрдэх юм. Жишээ нь Багшийн хөгжлийн төвд нийт сургууль цэцэрлэгийн хувьсах зардлын 2 хувийг зарцуулдаг байхаар хуульд тусгагдсан. Ойролцоогоор жилд 11.6 тэрбум төгрөгийг багшийн хөгжлийг дэмжихэд зарцуулах юм. Мөн багшийн мэргэжлийн зэргийг заавал ажилласан жил харгалзахгүйгээр гаргасан амжилт, сурагч эцэг эхийн сэтгэл ханамжид үндэслэн олгодог байхаар туссан. Үүнийг дагаад багшийн цалин хөлс, урамшуулал нэмэгдэх боломж бүрдэж байна.

Шинэ хуулийн дагуу багшийн хөгжлийн хөтөлбөрийг таван жил тутамд батлан гаргах юм. Албан ёсны хөтөлбөртэй байснаар багшийн хөгжилд оруулах хөрөнгө оруулалт хөтөлбөр төлөвлөгөө тодорхой болно. Багшийн мэргэжил дээшлүүлэх институт зөвхөн цэцэрлэг сургуулийн багшийн мэргэжил дээшлүүлээд зогсохгүй, насан туршийн боловсрол, мэргэжлийн сургалт үйлдвэрлэл, дээд боловсролын багш нарын мэргэжлийг дээшлүүлэх ажлыг хариуцдаг болсон зэрэг олон шинэ зохицуулалт багшийн хөгжлийг дэмжих жилийн хүрээнд хэрэгжинэ.

Нийслэлийн Эрүүл мэндийн газар байгуулагдсаны түүхт 80 жилийн ой тохиож байна. Ойн арга хэмжээнд нийслэлийн Засаг дарга бөгөөд Улаанбаатар хотын Захирагч С.Батболд мэндчилгээ дэвшүүлж үг хэллээ.

Эрхэм хүндэт зочид, төлөөлөгчид өө

Эрүүл мэндийн сайд хатагтай Сарангэрэл ээ

Эгэлгүй буянт үйлсийн эзэд эмч, эмнэлгийн мэргэжилтэн, ажилтнуудаа

Эрүүл энхийн ээлжгүй манаанд зогсож, өргөсөн тангарагтаа үнэнч зүтгэн, нийслэлчүүдийнхээ элэг бүтэн амьдралын төлөө цаг наргүй ажиллаж ирсэн та бүхэндээ дэлгэр намрын билэгтэй, баяр дүүрэн энэ өдрийн мэндийг дэвшүүлье.

Нийслэл хотод эрүүл мэндийн салбарын хөгжлийн бодлогыг тодорхойлох, хүн амд эмнэлгийн тусламж үйлчилгээг шуурхай, чанартай хүргэхэд анхаарах, орчин үеийн дэвшилтэт технологи, ангаах ухааны ололтыг нэвтрүүлэх бодлого, зорилтыг хэрэгжүүлэх чиг үүрэг бүхий төрийн захиргааны төв байгууллага үүсч, хөгжсөний 80 жилийн тэгш дүүрэн ой тохиож байна.

Ардын хувьсгалын он тооллоос удаагүй арав гаруйхан жилийн дараа буюу 1938 онд Улаанбаатар хотыг захирах яамны дэргэдэх Эрүүлийг хамгаалах хэлтэс нэртэйгээр 5 орон тоотойгоор батлагдаж, үйл ажиллагаагаа эхлүүлж байсан Нийслэлийн эрүүл мэндийн газар найман арван жилийн хугацаанд боловсон хүчний хувьд бэхжиж, чадавхижсан төдийгүй хүн амд эрүүл мэндийн тусламж үйлчилгээ хүргэх хүртээмж нь нэмэгдсэн нь энэ байгууллагын цар хүрээ өргөжин тэлснийг илтгэн харуулж байгаа билээ.

Өнөөдөр Нийслэлийн Эрүүл мэндийн газар 50 орон тоотойгоор үйл ажиллагаа явуулж, харьяа эрүүл мэндийн байгууллагын тоо 26-д хүрч, 142 өрхийн эрүүл мэндийн төвөөрөө дамжуулан Монгол Улсын хүн амын тал хувь буюу статистикийн тоогоор 1.5 сая иргэнд их эмч, сувилагч, эмнэлгийн ажилтан гээд нийтдээ 7 мянга хүрэхгүй ажиллагсадаараа дамжуулан хүн бүр, айл бүхэнд хүрэхийн төлөө чармайн хөдөлмөрлөж байгааг нийслэлчүүд талархан хүлээн авдаг. Учир нь Нийслэлийн эрүүл мэндийн салбарын бодлогыг ангаах ухааны салбартаа манлайлагч, тэргүүлэгч, мэргэжлийн чадварлаг боловсон хүчнүүд үеийн үед тодорхойлж ирсэнтэй холбоотой юм.

Монгол улсын хүн амын тал хувийнх нь амь, амьдрал, эрүүл мэндийг гартаа атгаж байгаа нийслэлийн эрүүл мэндийн байгууллагынханд маань алдах эрх байдаггүй. Хором бүр үнэ цэнэтэй. Хийх ажил бүр нь хүний эрдэнэт амь настай холбоотой байдаг. Тийм ч учраас “Эмч тандаа баярлалаа” гэдэг сайхан үгийг иргэд маань харамгүй та бүхэндээ хайрладаг.

Хотын даргын зүгээс болон хувь хүний хувьд ч та бүхэндээ баярын энэ өндөр индэр дээрээс “Нийслэлчүүдийнхээ нэрийн өмнөөс баярлалаа” гэдэг үгийг хэлье.

Түүхт 80 жилийнхээ ойг угтан Нийслэлийн эрүүл мэндийн газар шат дараалсан олон ажил хийсний үр дүнг манай иргэд хүртэж байгаа. Тухайлбал, Чингэлтэй дүүргийн “Жишиг өрхийн эмнэлэг”, Налайх дүүргийн “Хүүхдийн эмнэлэг”, 3 дүүрэгт байгуулсан мэс заслын яаралтай тусламжийн тасаг болон өчигдөр үүд хаалгаа нээсэн “Шүд, эрүү нүүрний төв” зэрэг эмнэлгийн бүтээн байгуулалтын ажлыг нэрлэж болно.

Нөгөө талаас эмч, эрүүл мэндийн салбарынхаа боловсон хүчнийг чадавхжуулах, орчин үеийн тоног төхөөрөмж, эмнэлгийн зориулалтын авто машинаар хангах, харьяа эрүүл мэндийн 25 байгууллагын 50 гаруй барилга байгууламжийг үе шаттайг засварлах зэрэг олон асуудалд Нийслэлийн удирдлагын баг онцгой анхааран дэмжиж байгааг дуулгахад таатай байна.

Хоёрхон жилийн дотор Нийслэлийн эрүүл мэндийн салбарт 17 тэрбум гаруй төгрөгний хөрөнгө оруулалт хийгдсэн тоон мэдээлэл бий.

Мөн энэ хугацаанд дүүрэг, нийслэл, улсын тодотголтой 18 эмнэлгийн гадна орчныг тохижуулсан нь та бүхэндээ барьж байгаа бидний бас бэлэг юм.

Эрүүл мэндийн салбарын эмч, эмнэлгийн ажилтнуудын ажиллах орчин нөхцөлийг сайжруулахад Нийслэл хот манлайлан ажиллаж байна.

Түүхт ойн энэ өдөр та бүхэн маань баяраа тэмдэглэхийн зэрэгцээ хүн амын хэрэгцээ шаардлагыг бүрэн хангасан эмнэлгийн тусламж үйлчилгээ үзүүлэх үйл хэрэгт амжилт олохын зэрэгцээ, өмнөө тавьсан зорилтоо амжилттай шийдвэрлэнэ гэдэгт Нийслэлийн төр, захиргааны байгууллага, нийт Улаанбаатарчууд итгэл төгс байна.

Орчин үеийн анагаах ухаан, хүн амын эрүүл мэндийг дэмжих, чиг хандлага, эрүүл мэндийн талаархи Нийслэлийн төрийн захиргааны байгууллагаас баримталж буй бодлого, хөтөлбөрийг хэрэгжүүлэн нийслэлчүүддээ тэдний хэрэгцээ шаардлагыг бүрэн хангасан эмнэлгийн тусламж үйлчилгээ үзүүлэх үйлсдээ их амжилт олохын өлзийтэй ерөөлийг өргөн дэвшүүлье.

Нийслэлд Эрүүл мэндийн алба үүсэн байгуулагдсаны 80 жилийн ой тохиож байна. Ойн баярын арга хэмжээнд Эрүүл мэндийн дэд сайд Л.Бямбасүрэн, НИТХ-ын дарга С.Амарсайхан, Нийслэлийн Засаг дарга бөгөөд Улаанбаатар хотын дарга С.Батболд, Нийслэлийн Эрүүл мэндийн газрын дарга Л.Төмөрбаатар, НИТХ-ын хурлын тэргүүлэгч, төлөөлөгчид болон албаны бусад хүмүүс, нийслэлийн эрүүл мэндийн албаны үе үеийн ахмадууд, НЭМГ-ын харьяа байгууллагын удирдлагууд зэрэг нийт 900 гаруй зочид төлөөлөгч оролцлоо.

Нийслэлийн Эрүүл мэндийн газар анх Эрүүлийг хамгаалах яамны сайд, Улаанбаатар хотыг захирах яамны дарга нарын 105 дугаар тушаалын дагуу 1938 оны долдугаар сарын 22-нд Улаанбаатар хотыг захирах яамны дэргэд Эрүүлийг хамгаалах хэлтсийг эмхлэн байгуулж дарга, сургагч, хэлмэрч, тоо бүртгэгч, бичиг хэрэг, жолооч зэрэг таван орон тоотойгоор үйл ажиллагаагаа эхлүүлж байжээ. Ийнхүү нийслэл хотод эрүүлийг хамгаалахын нутгийн захиргааны бие даасан алба байгуулагдсанаас хойш хөгжлийн тодорхой үе шатыг дамжин, бүтэц зохион байгуулалт болон үйл ажиллагааны чиглэлийн хувьд өргөжин бэхжиж ирсэн.

Ардын эмнэлгийн хэлтсийг 1940 онд Эрүүлийг хамгаалах хэлтэс, 1962 онд Эрүүлийг хамгаалах газар, 1991 оноос Нийслэлийн Засаг даргын хэрэгжүүлэгч агентлаг – Эрүүл мэндийн газар хэмээн нэрлэх болсон бөгөөд өдгөө нийт 50 орон тоотойгоор ажиллаж байна.

НЭМГ-ын харьяанд нийслэлийн 9 дүүргийн Эрүүл мэндийн төв, 4 нэгдсэн эмнэлэг, Өргөө, Хүрээ, Амгалан амаржих газар, Жаргалант, Туул, Хонхор, Гачуурт тосгоны Эрүүл мэндийн төв, Нийслэлийн түргэн тусламжийн төв, Нийслэлийн шүд эрүү нүүрний төв, Нийслэлийн зоонозын өвчин судлалын төв, Энэрэл эмнэлэг, Наркологийн эмнэлэг, Сэргээн засах клиник эмнэлэг зэрэг 26 байгууллага, Өрхийн эрүүл мэндийн 142 төвөөс гадна хувийн хэвшлийн 2000 гаруй байгууллага харьяалагдаж үйл ажиллагаагаа явуулж байна.

Сүүлийн 10 жилийн хугацаанд эмнэлгийн тусламж, үйлчилгээний чанар, хүртээмжийг сайжруулах ажлын хүрээнд гэмтэл, ерөнхий мэс засал, хорт хавдрын хими, хөнгөвчлөх эмчилгээ, ерөнхий болон эмэгтэйчүүдийн дурангийн мэс засал, гемодиализ, нүдний лазер зэрэг эмчилгээ, арга технологийг нэвтрүүлэн ажиллаж байна.

Нийслэлийн эрүүл мэндийн салбарт 1980-аад оноос хойш стандартад нийцсэн эмнэлгийн барилгыг 30 шахам жил бариагүй нь тусламж, үйлчилгээний чанарт сөргөөр нөлөөлж байсан. Энэ байдлыг харгалзан төр засгаас анхаарал хандуулан улсын болон нийслэлийн хөрөнгө оруулалтаар 2010 оноос хойш Өрхийн эрүүл мэндийн төвийн 62 цогцолбор барилга, Өргөө, Амгалан амаржих газар, Баянгол Эрүүл мэндийн төвийн барилга, салбар эмнэлэг, Хонхор тосгоны Эрүүл мэндийн төв, Нийслэлийн түргэн тусламжийн Баянзүрх, Сонгинохайрхан, Хан-Уул салбарууд, Чингэлтэй дүүргийн 12 дугаар хороонд жишиг Өрхийн эрүүл мэндийн төв, Чингэлтэй болон Налайх дүүрэгт Хүүхдийн эмнэлгийн барилгыг ашиглалтанд оруулсан байна.

Түүнчлэн ойрын жилүүдэд ашиглалтанд орохоор бүтээн байгуулалтын ажил нь эхлээд байгаа СХД-ийн жишиг нэгдсэн эмнэлэг, Багахангай дүүргийн нэгдсэн эмнэлэг, Улаанбаатар хот Турк улсын Стамбул хоттой байгуулсан хамтын ажиллагааны хүрээнд Өрхийн эрүүл мэндийн 9 төв, Туул тосгоны Эрүүл мэндийн төв, 300 ортой төрөх болон Хүүхдийн эмнэлэг, Баянзүрх дүүргийн Хүүхдийн эмнэлгийн барилга угсралт, бүтээн байгуулалтын ажил ид өрнөж байгаа юм.

2018 онд нийслэлийн төсвөөс НЭМГ-ын харьяа эрүүл мэндийн 15 байгууллага, Өрхийн эрүүл мэндийн төвийн 61 төвд их засвар хийж, ӨЭМТ-үүдэд 710 сая төгрөгийн өртөг бүхий шаардлагатай тоног төхөөрөмжийг өгсөн. Мөн улсын төсвөөс нийслэлийн эрүүл мэндийн байгууллагуудад эмнэлгийн зориулалттай 784 сая төгрөгийн өртөг бүхий 11 автомашиныг хүлээлгэн өгчээ. Цаашид эрүүл мэндийн 4 байгууллагад эмнэлгийн зориулалтын автомашиныг өгөхөөр төлөвлөөд байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Улаанбаатар хотын төвлөрлийг задалж, хүний нөөц, ажиллах хүчний ашиглалтыг сайжруулах, эдийн засгийн болон захиргааны арга хэрэгслийг ашиглан суурин газруудыг бүсчлэн хөгжүүлэх “Хөгжлийн алтан гурвалжин” бодлогыг Нийслэлийн Засаг дарга бөгөөд Улаанбаатар хотын Захирагч С.Батболд санаачлан Төв, Сэлэнгэ, Дархан, Эрдэнэт, Булган аймгуудтай хамтран ажиллахаар санамж бичиг байгуулсан. Энэ хүрээнд хотын даргаар ахлуулсан ажлын хэсэг Төв, Дархан, Сэлэнгэ аймгуудад ажиллаад ирсэн. Хамтын ажиллагаатай бүсийн хөгжлийг дэмжих хүрээнд өнөөдөр Сэлэнгэ аймгийн ЗДТГ-ын төлөөлөлд орчин үеийн иж бүрэн компьютер гардуулан өглөө гэж нийслэлийн ЗДТГ-ын Хэвлэл мэдээлэл, олон нийтийн олон харилцах хэлтсээс мэдээллээ.

1990 онд онц хэрцгий байдлаар хүний аминд хүрч, гэмт хэрэг үйлдсэн О.Тамир 20 гаруй жил хүнд дэглэмтэй хорих ангид ял шийтгэлээ эдэлж дуусчихаад чөлөөлөгдсөн ч дахин гэмт хэрэгт холбогдсон байна. Тодруулбал тэрбээр суллагдсанаасаа хойш Эрүүгийн цагдаагийн газрын хяналтад байсан бөгөөд энэ сарын 2-ны өдөр хамтран амьдрагчаа хэвлий тус газарт нь хутгалсан хэрэг үйлджээ.