“Майкросфт” корпорацын програм хангамжуудыг албан ёсны лицензтэйгээр ашиглах гэрээнд “Мандал Даатгал” ХХК-ийн Гүйцэтгэх захирал Б.Жавхлан, “Майкрософт” корпорацыг төлөөлж Б.Баярсайхан нар тус тус гарын үсэг зурлаа.
Программ хангамжийг лицензгүй ашиглах нь зохиогчийн эрхийг зөрчих төдийгүй, мэдээллийн аюулгүй байдлын эрсдэл үүсэх нөхцөлийг бүрдүүлдэг билээ. Иймд “Мандал Даатгал”-ын хувьд даатгалын салбартаа лицензтэй программ ашиглах сайн туршлагыг анхлан нэвтрүүлсэн нь бусад байгууллагуудад зөв үлгэр дууриалал болно гэдэгт итгэлтэй байна.
Уг гэрээг хэрэгжүүлснээр “Мандал Даатгал”-ын нийт ажилчид албан ёсны лицензтэй үйлдлийн систем ашиглахаас гадна үүлэн шийдэл буюу Cloud үйлчилгээнд суурилсан Microsoft Office 365 багц програмыг ашиглаж өдөр тутмын үйл ажиллагаандаа нэвтрүүлэх юм. Microsoft office 365 ашигласнаар байгууллагын ажлын бүтээмж, хурдыг эрс нэмэгдүүлээд зогсохгүй оффисын ширээний араас бус, хүссэн газраасаа хүссэн төхөөрөмжөөр ажиллах боломжийг бий болгож байгаа юм. Өндөр хүчин чадалтай серверийн шаардлагагүйгээр мэдээлэл, өгөгдлийг найдвартай хадгалах бөгөөд үргэлж хамгийн сүүлийн үеийн дэвшилтэд оффис програмыг ашиглана.
Үүлэн технологид суурилсан Microsoft Office 365 багцад оффисын хэрэглээний програмуудаас гадна имэйл, мессенжер, онлайн уулзалт, байгууллагын дотоод олон нийтийн сүлжээ гэх мэт 20 гаруй аппликэйшн багтдаг бөгөөд эдгээр бүх боломжийг веб хандалт болон ухаалаг утсаар нэвтэрч байгууллагын харилцаа холбоо, хамтын ажиллагаа, шийдвэр гаргалтын хурдыг эрс нэмэгдүүлэх юм. Дэвшилтэд шийдэл бүхий үүлэн технологи шилжилтийн хүрээнд цахим мэдээллийн аюулгүй байдал, хамгаалалтыг мөн Майкросфтын шийдлээр бүрэн хамгаалж ажиллана.
Энэхүү гэрээний хүрээнд албан ёсны нийлүүлэгчээр Майкрософт корпорацийн албан ёсны LSP/LAR эрх бүхий лицензжүүлэлт, нэвтрүүлэлтээр тэргүүлэгч “Инфосолюшн” ХХК-ийн хамт олонтой хамтарч ажилласандаа баяртай байна.
Улс орон даяараа “Босоо” хэмээн алдаршсан Г.Самдан аваргын нэрэмжит барилдаан Хэнтий аймгийн Дадал сумын спорт зааланд болж, Монгол Улсын арслан Э.Оюунболд түрүүллээ.
Санхүүгийн зохицуулах хороо өнгөрөгч тавдугаар сарын 23-ны хуралдаанаараа Торонтогийн хөрөнгийн биржид бүртгэлтэй “Эрдэнэ Ресурс Девелопмент Корпорэйшн” (ERD.TSX) компанийн Монгол Улсад гаргах 4,000,000 ширхэг энгийн хувьцааг бүртгэсэн. Ингэснээр Монгол Улсын хөрөнгийн зах зээлд анх удаа дэлхийн нэр хүнд, нөлөө бүхий томоохон хөрөнгийн биржид бүртгэлтэй компанийн хувьцаа давхар арилжаалагдах боломж бүрдсэн юм. Тэгвэл тус хувьцааны арилжааг эхлүүлж, нээлтийн цан цохих ёслолын ажиллагаа “Монголын хөрөнгийн бирж” ТӨХК-ийн арилжааны танхимд боллоо.
Нийслэлийн Засаг даргын орлогч П.Баярхүү, Дэлхийн Банкны Монгол Улсад суугаа Суурин төлөөлөгч Жеймс Андерсон нар уур амьсгалын өөрчлөлтийг даван туулах, дасан зохицох чадавхтайгаар Улаанбаатар хотын зам тээврийн дэд бүтцийн хөрөнгийн менежмент, төлөвлөлтийг хийхэд хамтран ажиллахаар харилцан ойлголцлын санамж бичигт өнөөдөр гарын үсэг зурав. Харилцан ойлгоцлын санамж бичигт гарын үсэг зурснаар Даян Дэлхийн Гамшгийн Эрсдлийг Бууруулах, Сэргээх Сангийн буцалтгүй тусламжтайгаар Дэлхийн Банкны шинэ техникийн туслалцааг эхлүүллээ.
“АЛТ-2” үндэсний хөтөлбөрийн хүрээнд 2018 оны 06 дугаар сарын 04-ний өдрөөс эхлэн 5 сарын хугацаатай “Эх орныхоо алтыг Эрдэнэсийн сандаа” аянг эхлүүллээ. Энэхүү аяны зорилго нь аж ахуйн нэгж, байгууллагууд олборлосон алтаа Монголбанк болон арилжааны банкуудад худалдаж, алт тушаалтыг нэмэгдүүлэх, олон нийтийн дунд алт худалдан авах үйл ажиллагааны талаар сургалт, сурталчилгааг эрчимжүүлэх, холбогдох хууль, журмыг таниулахад оршино. Мөн Монгол Улсын гаалиар зөвшөөрөлгүй алт гаргах үйлдлийг бууруулах, хариуцлагатай уул уурхайг дэмжих, тэдний үйл ажиллагааг иргэдэд сурталчлах, Монголбанкны худалдан авч буй алтны үнийн талаар болон бусад мэдээллийг олон нийт, байгууллагад хүргэх, таниулах шаардлагатай гэж үзэж байна. Үр дүнд нь Монголбанкны алт худалдан авалт болон Монгол Улсын гадаад валютын нөөц нэмэгдэж, төрийн болон төрийн бус байгууллагуудын уялдаа холбоо сайжирна.
Нийслэлийн Засаг даргын орлогч Ш.Анхмаа санаачлан “Эрүүл шүд Эрүүл хүүхэд” уриан дор Баянгол дүүргийн 16, 17, 18, 19-р хорооны 3-12 насны 1000 хүүхдэд амны хөндийн үзлэг хийж, шүдний өвчлөлийг үнэ төлбөргүй оношлон, картжуулж, эцэг эхчүүдэд шүдний өвчлөлөөс урьдчилан сэргийлэх талаар мэдээлэл өгч байна.
Монгол Улсын алтны худалдааны эрх зүйн орчныг боловсронгуй болгох, алтны нийлүүлэлтийн сүлжээг албажуулахад олон улсын туршлагаас суралцах зорилготой УИХ-ын гишүүн С.Бямбацогтоор ахлуулсан ажлын баг 2018 оны 5 дугаар сарын 19-өөс 30-ны өдрүүдэд Колумб, Эквадор Улсуудад ажиллалаа.
цэвэршүүлэх байгууламж бөгөөд жилд 10-12 тн алт цэвэршүүлэх хүчин чадалтай ба цэвэршүүлсэн алтаа дотоодын алт мөнгөн эдлэлийн зах зээлд зориулан худалдан борлуулдаг байна. Цэвэршүүлсэн алтны бүртгэлийг нарийн чанд хөтөлдөг дотоод хяналтын хатуу системтэй. Алтыг зөвхөн албан ёсны алт нийлүүлэгчдээс худалдан авдаг байна. Аллой компани нь Улсынхаа Худалдаа, аялал жуулчлалын яамтай нягт хамтран ажиллаж алт мөнгөн эдлэлийн кластерийн төсөлд оролцдог. Мөн Олон улсын Шударга олборлолтын сертификат бүхий алтыг цэвэршүүлэхэд бичил уурхайн байгууллагуудтай хамтран ажилладаг байна. Алт сорьцлох үйл ажиллагаа нь олон улсын стандартын дагуу явагддаг нь Монгол Улсад мөрдөж байгаа аргачлалтай адил. 
Энэ онд нийт 43,846 шалгуулагч ЭЕШ-д бүртгүүлснээс 87 хувь нь буюу 37,950 нь энэ жилийн төгсөгч, 5,896 нь өмнөх оны төгсөгч байгаа юм.
Хууль сахиулахын их сургуулиас жил бүр цагдаагийн алба хаагчдын залгамж халааг бэлтгэн, боловсон хүчнээр хангах, хамтран ажиллах олон талт үйл ажиллагааг зохион байгуулж ирсэн.
