Болгарын Софи хотноо энэ 3 дугаар сарын 1-2-нд болсон АСЕМ-ийн гишүүн орнуудын Соёлын сайд нарын VIII хуралдаанд БСШУС-ын сайд Ц.Цогзолмаа тэргүүтэй төлөөлөгчид оролцож, нэгдсэн хуралдаанд БСШУС-ын сайд Ц.Цогзолмаа үг хэлж, оролцогч орнуудын төлөөлөгчдийн зарим тэргүүн нартай уулзав. Мөн Болгарын Соёлын сайд Б.Банов, Боловсрол, шинжлэх ухааны сайд К.Вълчев, Үндэсний түүхийн музейн захирал Б.Петрунова нартай уулзаж хоёр талын соёл, боловсрол, шинжлэх ухааны салбарын харилцаа, “Соёл, боловсрол, шинжлэх ухааны салбарт 2017-2021 онд хамтран ажиллах Засгийн газар хоорондын хөтөлбөр”-ийн хэрэгжилт, музей, соёл урлагийн байгууллага хоорондын хамтын ажиллагааны талаар санал солилцов.
МҮОНТ-ийн албан ёсны спортын “MNB Sport” сувгийн нээлт өнөөдөр Спортын төв ордонд боллоо. Түүхэнд тэмдэглэгдэн үлдэх уг үйл ажиллагааг Монгол Улсын Ерөнхий сайд, Олимпийн наадамд бэлтгэх үндэсний хорооны дарга У.Хүрэлсүх, МҮОНРТ-ийн Ерөнхий захирал Л.Нинжжамц, МҮОНРТ-ийн Үндэсний зөвлөлийн дарга Б.Энхмандах нар үг хэлж нээсэн юм. Түүнчлэн УИХ-ын гишүүн М.Оюунчимэг, Биеийн тамир, спортын газрын дарга, Монгол Улсын гавьяат тамирчин Ц.Шаравжамц нар нээлтэд оролцлоо.
Малын гоц халдварт шүлхий өвчний нөхцөл байдлын талаар Монгол Улсын шадар сайд Ө.Энхтүвшинд өнөөдөр танилцуулга хийлээ.
БНСУ-д хөдөлмөр эрхлэх хүсэлтэй иргэдийн солонгос хэлний түвшин тогтоох шалгалтын 14 дэх удаагийн бүртгэл өнөөдрөөс эхэлж байна. Энэ сарын 7-н хүртэл нийслэлийн есөн дүүрэгт иргэдийг өглөөний 09:30-17:30 цаг хүртэл бүртгэх юм. Албан бус мэдээллээр энэ удаа 7000 гаруй хүн бүртгэнэ гэх тооцоо байна. Хэдийгээр өнөөдрөөс эхлэн бүртгэж байгаа ч Өмнөд Солонгост очиж амьдралаа дээшлүүлэх хүсэлтэй олон мянган залуус өнгөрсөн баасан гаригаас эхлэн дугаарлаж эхэлжээ.
Хавар ирэхүйд хүн бүрийн сэтгэлд хачин гэгэлзсэн, хөнгөн мэдрэмж төрөх нь буй. Тэр гэгэлзсэн мэдрэмжтэй, дууны ая шүлгийн мөртүүд цуг ирэх нь хачирхалтай. Хаврын эхний энэ өдрүүдэд, хайр дурлал, гуниглал баяслыг хөгжөөхөөр яруу найрагч Ц.Хулан шүлгэн цэнгүүнээ та бүхэнд өргөх гэж байна. Түүний дөрөв дэх удаагийн “Хулангийн үдэш” цэнгүүн нь Олон улсын эмэгтэйчүүдийн эрхийг хамгаалах өдрийг угтан тохиож байна. Энд тэндгүй улстөржсөн, үл итгэлцсэн, бүсээ чангалсан амаргүй энэ нийгэмд хурц тод, цангинасан хоолойгоороо үнэнийг өгүүлэн шүлэглэх найрагч бүсгүй маань эерүү сайхан өнгийг авчирах нь ээ. Түүний “Хулангийн үдэш” яруу найрагийн цэнгүүнийг үзэгчид хүлээдэг болоод удсан. Хоёр жил тутамд болдог энэ арга хэмжээгээ нэг алгассан байсан учраас улам их хүлээлт үүсчээ. 2010 онд зохион байгуулж байсан түүний уран бүтээлийн анхны цэнгүүнд Төрийн шагналт, Ардын уран зохиолч Д.Пүрэвдорж гуай оролцож байсан билээ. Тэрээр энэ цэнгүүнд тэр хүн, энэ алдартан оролцоно гэж зарладаггүй. Зүгээр л “Хулангийн үдэш” болно гэсэн зарыг түгээдэг. Харин тэнд хэн, хэн ирсэн бол гэдэг үзэгчдийн хувьд жинхэнэ хүлээлт байдаг. “Болор цом”-ын тайзнаа нэг дор үзэгдэхээ байсан өвгөн найрагчид Хулангийнхаа үдэшт ирж, шинэ цагийн өнгө болох залуусыг Ц.Хулан онцлон урьдаг. Бас өнөө жилийн хувьд гавьяат жүжигчин Төмөрийн Ариунаа “Хулангийн үдэш”-т ирэхээ цахим хуудсаараа дамжуулан зарласан нь тэдний хамтран бүтээсэн сайхан дуунуудаас нь эгшиглэх нь гэсэн хүлээлт бий болгож байна. Тачигнасан өвлийг давсан монголчуудад хаврын урийг салхилуулан мэдрүүлэхээр “Хулангийн үдэш” болох нь. Энэ боломжийг бүү алдаарай. 
ИЗНН-ын дүрмийн нэмэлт, өөрчлөлтийг бүртгүүлэх тухай тус намаас гаргасан хүсэлтийг Дээд шүүх өнөөдөр авч хэлэлцэв.