Монгол Улсын Засгийн газрын гишүүд 2018 онд аймаг, нийслэлийн Засаг дарга нартай хамтран ажиллах гэрээнд гарын үсэг зурж баталгаажууллаа.
Гэрээ нь шударга, ил тод, хариуцлагатай төрийн албыг төлөвшүүлж, орон нутгийн удирдлагын бүх шатны байгууллагад ажлын хариуцлага, сахилга, дэг журмыг чангатгаж, хуулиар хүлээсэн чиг үүргийн хүрээнд хамтран ажиллах, харилцан хүлээх үүрэг, хариуцлагыг тодорхой болгож, үр дүнг нь үнэлж дүгнэх, иргэдэд хүргэх, төрийн болон нийгмийн үйлчилгээний чанар, үр ашгийг дээшлүүлэх зорилготой юм.
“Энэ жил төрийн байгууллагын бүх шатанд сахилга, дэг журмыг чангатгаж, хариуцлагатай байхыг орон нутгийн удирдлагаас шаардана. Хариуцлагатай байна гэдэг нь иргэддээ элдэв хүнд суртал, чирэгдэлгүй үйлчилдэг, иргэдээ сонсдог, асуудлыг нь богино хугацаанд шийдвэрлэж хариу өгдөг чадвартай байх гэсэн үг. Засгийн газраас боловсруулсан “Гурван тулгуурт хөгжлийн бодлого”-ын хүрээнд хийх ажлыг орон нутагтаа үр дүнтэй зохион байгуулах ёстой” гэж Монгол Улсын сайд, Засгийн газрын Хэрэг эрхлэх газрын дарга Г.Занданшатар хэлэв гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Монголын үндэсний мөсний шагайн холбоо /МҮМШХ/-ноос “Мөсний шагайн харваа”-ны УАШТ-ийг энэ сарын 2-4-нд “Улаанбаатарын өвлийн наадам”-ын хүрээнд Үндэсний цэцэрлэгт хүрээлэнд зохион байгуулна.
Монгол Улсын Засгийн газар болон 
Тус уулзалтад Татварын ерөнхий газрын дэд дарга Б.Заяабал болон бусад удирдах ажилтан мөн ОУВС-ийн 
ОЛОН УЛСЫН АЧ ХОЛБОГДОЛ БҮХИЙ УС, ЧИЙГ БҮХИЙ НАМГАРХАГ ГАЗАР, ЯЛАНГУЯА УСНЫ ШУВУУД ОЛНООР АМЬДАРДАГ ОРЧНЫ ТУХАЙ КОНВЕНЦ /РАМСАР/-ИЙГ БАТАЛСАН ХОЁРДУГААР САРЫН 2-НЫ ӨДРИЙГ “УС НАМГАРХАГ ГАЗРЫН ДЭЛХИЙ ӨДӨР” БОЛГОН ЖИЛ БҮР ТЭМДЭГЛЭДЭГ УЛАМЖЛАЛ ТОГТСОН.
Өнөөдөр Газар хөдлөлтийн гамшгийн эрсдэлийг бууруулах ажлын хүрээнд хийгдсэн “аймаг сум, суурингуудын нутаг дэвсгэрт газар хөдлөлийн бичил мужлалын зураглал хийх, газар хөдлөлтийн эрсдэлийг тодорхойлоход чиглэсэн инженер-геологи, гидрогеологи, газар хөдлөлт, техникийн судалгаа”, “инженерийн барилга байгууламж, шугам сүлжээний мэдээллийн санг” хүлээлгэн өгөх ёслолын ажиллагаа боллоо.
Тэрээр Монгол Улсын Засгийн газар “Газар хөдлөлийн гамшгийн эрсдэлийг бууруулах үндэсний хөтөлбөр”-ийг 2009 оны 157 дугаар тогтоолоор баталсан. Энэхүү төлөвлөгөөнд тусгагдсаны дагуу урьд өмнө судалгаа шинжилгээ хийгдэж байгаагүй 12 аймгийн төвийн инженер-геологи, гидрогеологи, газар хөдлөлийн бичил мужлалын зураглал, газар хөдлөлтийн мэдээллийн санг Барилга, хот байгуулалтын яамны захиалгаар Одон орон, геофизикийн хүрээлэн 2012 оноос 2017 оны хооронд амжилттай хийж гүйцэтгээд байна. Өнөөдрийн хүлээн авч байгаа “газар хөдлөлийн бичил мужлал”-ын мэдээллийн сан нь хот, суурин газрын нутаг дэвсгэрт барилга, байгууламжийг шинээр барих, өргөтгөх, шинэчлэх, засварлах барилгын ажил гүйцэтгэх, зураг төсөл боловсруулахад шаардагдах газар хөдлөлийн балл, хөрсний оргил хурдатгал, хөрсний зонхилох давтамжийг тодорхойлсон нь гамшгийн эрсдэлийг бууруулах, ард иргэдийг эрүүл аюулгүй орчинд амьдруулах боломж бүрдээд байна” гэв.
Энэхүү ажлын хүрээнд Архангай, Баянхонгор, Баян-Өлгий, Дорнод, Сүхбаатар, Хэнтий, Говьсүмбэр, Дорноговь, Дархан-Уул, Дундговь, Орхон, Өвөрхангай нийт 12 аймгийн төвийн газар хөдлөлийн бичил мужлалын мэдээллийн сан үүссэн ба уг мэдээллийн санг ГЗБГЗЗГ-ын “Үндэсний орон зайн мэдээллийн сан”-д нэвтрүүлж хэрэглээнд гаргахад бэлэн болоод байгаа юм байна.
Мөн “Монгол улсад бүртгэл мэдээллийн нэгдсэн тогтолцоо бий болгох үндэсний хөтөлбөр”, Засгийн газрын 78 дугаар тогтоол, “Геодезийн солбицол, өндөр тусгагийн нэгдсэн тогтолцоог батлах тухай” Засгийн газрын 25 дугаар тогтоол зэрэг баримт бичгийг үндэслэн хэрэглэгчдийг шугам сүлжээний нэгдсэн мэдээллээр хангах, “Монгол улсад бүртгэл мэдээллийн нэгдсэн тогтолцоо бий болгох үндэсний хөтөлбөр”-ийн нэг бүрдэл болох “Үндэсний орон зайн мэдээллийн дэд бүтцийн суурь мэдээлэл”-ийн зарим хэсгийг бүрдүүлэх зорилгоор 2013-2017 онд БХБЯ-аас “Газар хөдлөлийн гамшгийн эрсдэлийг бууруулах ажлын хүрээнд инженерийн барилга байгууламж, шугам сүлжээний мэдээллийн сан байгуулах” ажлыг хэрэгжүүлж “Боригтэс”, “Геоценоз” компаниуд 19 аймгийн төвийн суурьшлын бүсийн хэмжээнд газар доорх болон газар дээрх инженерийн шугам сүлжээ, дэд бүтцийн барилга байгууламжийн зураглалыг хийж гүйцэтгэн 2017 онд захиалагчид бүрэн хүлээлгэн өглөө. Уг ажлыг хийж гүйцэтгэсэнээр инженерийн барилга байгууламж, шугам сүлжээний мэдээлэл аймгийн төвүүдийн хэмжээнд холбогдох байрзүйн зураглал, тайлан, судалгааны материалуудын хамт бүрдэж, орон нутгийн байгууллага, холбогдох яам, агентлагуудын төлөвлөлт, мониторингийн ажил гүйцэтгэхэд шаардлагатай инженерийн шугам сүлжээний нэгдсэн мэдээллийн эх үүсвэртэй болж, газар хөдлөлийн гамшиг тохиолдсон үед сэргээн босголтын ажил явуулах төлөвлөгөө боловсруулах, сэргээн босголтын ажил гүйцэтгэхэд баримтлах нарийвчилсан гарын авлага, мэдээллийн сан бүрдсэн нь өндөр ач холбогдолтойг салбарынхан онцолсон юм.
-Цаг одооноос нэлээд тавирах мэдээтэй байгаа. Хоёрдугаар сард 5-7 градус хүртлээ дулаарах урьдчилсан тандалт гарсан нь нэлээд бодитой болов уу. Энэ жил хэдэн мал төллөх вэ?