Month: January 2018

Categories
мэдээ нийгэм

Үл таних этгээдүүдээс “тэсрэх бөмбөг суурилуулсан” гэх худал мэдээлэл ирэх болжээ

ЗурагМосква хотын Лавочкина гудамжид байрлах “Пятерочка” супермаркетад тэсрэх бөмбөг байрлуулсан гэх дуудлагын дагуу шуурхай албаныхан тус байгууламжийг шалгаж байгааг ТАСС агентлаг мэдээлэв. Тус супермаркетад байсан хүмүүсийг нүүлгэн шилжүүлсэн эсэх нь тодорхойгүй байна.

Оросын 30 хотод тэсрэх бөмбөгүүд суурилуулсан гэх 50 гаруй дуудлагыг Оросын шуурхай албаныхан өнгөрсөн 24 цагийн хугацаанд үл таних этгээдүүдээс хүлээн авсан байна. Сүүлийн үед Орост “Тэсрэх бөмбөг суурилуулсан” гэх худал мэдүүлгүүд өгөх нь олширчээ. Өнгөрөгч оны есдүгээр сарын 11-нээс хойш иймэрхүү худал мэдүүлгүүдийн улмаас нийт 4000 гаруй объектоос 2,6 сая гаруй хүнийг нүүлгэн шилжүүлсэн байна.

Categories
мэдээ нийгэм

Шинэ нисэх буудлаа энэ жил ашиглалтанд оруулна

Зам тээврийн хөгжлийн сайд Ж.Бат-Эрдэнэ энэ сарын 2-ны өдөр Төв аймгийн Сэргэлэн сумын нутаг дахь “Хөшигийн хөндий”-н Олон Улсын нисэх шинэ нисэх буудал, хурдны замын барилгын явцтай танилцлаа.

Эхлээд БНХАУ-ын Экзим банкны зээлийн хөрөнгө оруулалтаар БНХАУ-ын авто зам барих стандартын дагуу өнгөрсөн хавар эхэлсэн 140 сая ам.долларын өртөгтэй монголын анхны хурдны замын ажилтай танилцав. Тус ажил өнөөдрийн байдлаар 54,2 хувьтай явагдаж байна.

Нэгдсэн төсөл хэрэгжүүлэгч төслийн зохицуулагч Ц.Түмэнбаяр: “Улаанбаатараас Олон улсын шинэ нисэх онгоцны буудал холбосон хурдны замын нийт урт 32,2 километр, өргөн 31 метр бүхий зургаан эгнээ, хоёр урсгал бөгөөд 60 см зузаантай байна. Хурдын зам холбох барилга байгууламжийн зургаан гүүр, 49 хоолойн гүйцэтгэлийн ажил одоогоор 98 хувьтай явж байна. Хурдны замын ажлыг энэ оны 10 сар гэхэд бүрэн ашиглалтад оруулах төлөвлөсөн” гэв.

“Одоо ашиглаж байгаа замаар олон улсын нисэх буудал хүрэхэд 30-35 минут зарцуулах бол хурдны зам ашиглалтад орсноор 20-25 минутыг зарцуулна. Хурдны замаар зорчиход зам ашиглалтын төлбөр авна, одоогоор энэ тодорхой болоогүй байна” гэдгийг тэрээр нэмж хэлэв.

Мөн хурдны зам барих ерөнхий гүйцэтгэгчээр БНХАУ-ын Төмөр замын дөрөвдүгээр товчоо, туслах гүйцэтгэгчээр монголын талаас “Эрдэнэ зам”, “Бадрах оил”, “Арж капитал” зэрэг компаниуд ажиллаж байгаа юм. Зам гүйцэтгэлийн ажилд хятадын талаас 280 гаруй, Монголын талаас 570 гаруй ажилчин ажиллаж байна.

Үүний дараа Зам тээврийн хөгжлийн сайд Ж.Бат-Эрдэнэ Төв аймгийн Сэргэлэн сумын нутаг дахь “Хөшигийн хөндий”-н Олон Улсын нисэх шинэ нисэх буудалтай танилцлаа.

Энэ жил “Чингис хаан” олон улсын нисэх буудал 1200 мянган зорчигчдод үйлчилсэн. Тэгвэл шинэ олон улсын нисэх буудал ашиглалтад орсноор ойрын гурваас таван жилд гурван сая зорчигчдод үйлчлэх хүчин чадалтай болно. Түүнчлэн хуучин нисэх буудал нисэх зурвас зөвхөн нэг талаасаа буух, хөөрөх зурвастай байсан бол удахгүй ашиглалтад орох нисэх буудал хоёр талаас бууж, хөөрөх зурвастай болно гэдгийг албаны хүмүүс тодотгов.

Нисэх онгоцны шинэ буудал иж бүрэн цогцолбор бөгөөд 30 гаруй барилга байгууламжийг барьж байгуулахаар төлөвлөснөөс дээрх үндсэн гэрээний ажил бүрэн биелсэн. Нэмэлт гэрээний ажлууд үлдсэн. Тухайлбал нисэх онгоцны ангаар буюу агаарын хөлөг хадгалах байр, зорчигч болон ажилчдын унаа тэрэг хадгалах дулаан гарааш барих зэрэг бусад жижиг ажлууд хийгдэхээр байна. Уг ажлыг зээлийн гэрээнээс хэмнэж үлдсэн 40 орчин сая ам.доллароор хийж дуусгана. Үүнээс гадна эдийн засгийн чөлөөт бүс болон 100 мянган хүнтэй нисэх буудлын дагуул хот буюу “Айр порт сити”-ийг байгуулна. Энэ нь шинэ нисэх онгоцны буудлаас 11 км зайд орших Төв аймгийн Зуунмод хотод бизнесийн том боломжийг бий болгоно гэж Улаанбаатар хотын Олон Улсын нисэх онгоцны шинэ буудлын төслийн захирал Н.Энхбат хэлсэн юм.

Улаанбаатар хотын олон улсын нисэх онгоцны шинэ буудал барих төсөл”-ийг хэрэгжүүлэхээр 0,2 хувийн хүүтэй, 40 жилийн хугацаатай зээлийг Монгол Улсын Засгийн газар Япон улсын Олон Улсын хамтын ажиллагааны банкнаас 2008 оны тавдугаар сард авсан. Энэ өдрөөс зээл эргэн төлөлтийн хугацаа эхэлж, 10 жил үндсэн зээлийн төлбөрөөс чөлөөлөгдөж, зээл төлөөгүй. Харин энэ оноос чөлөөлөгдсөн зээлийн хугацаа дуусч, эхний эргэн төлөлт буюу 20 тэрбум төгрөгийг төлөхөөр эхэлж байна. Уг асуудал ЗТХЯ, ИНЕГ, Сангийн яам, Засгийн хурлаар яригдаж байна гэж Иргэний нисэхийн ерөнхий газрын дарга Л.Бямбасүрэн онцолж байв.

Зам тээврийн хөгжлийн сайд Ж.Бат-Эрдэнэ: “Шинэ нисэх буудал барихаар Японы талаас зээлсэн 500 сая ам.долларыг буцаан төлөх, шинэ нисэх буудал ашигтай ажиллах 32 жилийн концесс буюу түрээсийн гэрээ хийхээр “Чингис хаан” нисэх буудлын захиргаа Японы талтай 51, 49 харьцаатай Япон тал тэргүүлсэн хамтарсан менежментийн баг байгуулахаар төлөвлөж байна. Энэ жил багтаан нисэх буудлыг ашиглалтад авах төлөвлөгөөтэй байгаа ч менежментийн асуудлаас шалтгаалж ирэх онд багтаан ашиглалтад авахаар төлөвлөж байна. Үүний зэрэгцээ, цаашид олон улсын нисэх буудал дагасан жижиг хотхон, ачаа тээврийн томоохон тээвэр ложистикийн төв байгуулна. Улаанбаатар, Төв аймгийн суурьшлийг тэлэх, ажлын байр олноор бий болгох ажлууд хийгдэнэ. Мөн цаашид хуучин нисэх буудлыг МИАТ-ийн агаарын үйлчилгээний төв, Агаарын сургууль байгуулах болон БОАЖЯ эсвэл БХБЯам нүүж орно гэсэн урьдчилсан хувилбарууд яригдаж байна. Энэ талаар ажлын хэсэг гараад ажиллаж байгаа. Асуудлыг Засгийн газарт танилцуулж эцэслэн шийдвэрлэнэ” гэлээ.
Categories
мэдээ нийгэм

ХЭЛЭХ ЭРХИЙН ИНДЭР: Хэрэг хуучирдаггүй

СБД-ийн XV хорооны иргэн Б.Гэлэнхүү

Одоогоос 26 жилийн өмнө Монгол оронд Ардчилсан хүчнүүдийн шахалт шаардлагаар Намын төв хорооны Улс төрийн товчоо бүрэн бүрэлдэхүүнээрээ огцров. Ардчилсан шинэ нийгмийн эхлэл тавигдав.

1992 онд Д.Бямбасүрэн тэргүүтэй анхны хамтарсан Засгийн газар байгуулагдаж, Ардчилсан хүчнээс Да.Ганболд Тэргүүн шадар сайд, Д.Дорлигжав Шадар сайд болов. Мөн энэ үед Монгол банкны ерөнхийлөгчөөр Н.Жаргалсайхан, Монголын хөрөнгийн биржийн гүйцэтгэх захирлаар түүний төрсөн дүү Н.Золжаргал нар ажиллаж байлаа.

1. Тэр үед өмч хувьчлах тухай Засгийн газрын тогтоолыг ямар ч урьдчилсан бэлтгэлгүйгээр яаран сандран гаргаж “ягаан цэнхэр тасалбар”-ыг иргэн бүрт тарааж улсын өмч болох тухайн үед хэвийн ажиллаж байсан томоохон үйлдвэр завод, барилгын трестүүдийг үрэн таран хийж балгас болгон олон мянган иргэдийг ажил амьдралгүй болгосон юм. Үүгээр миний бие өмч хувьчлал явуулсныг үгүйсгэх гэсэнгүй. Өмч хувьчлалын мөн чанар, тараасан тасалбарыг яаж хэрэглэх аргачлал зэргийг ард түмэнд сайтар тайлбарлаж бэлтгэл ажлыг зохион байгуулаагүйг буруутгаж байгаа юм. Харин өмч хувьчлалаар далимдуулж өөрсдөө хөрөнгөжсөн тэр үеийн эрх баригчдын шийдвэрээр Монголын шинэ олигархуудын эхлэл тавигдсан болов уу.

2. Д.Бямбасүрэнгийн тэргүүлсэн тэр үеийн засаглалын үед ЗХУ-ын СОТ-1,2,3 гэсэн гурван том барилгын трест ажиллаж байв. Манай орны хот хөдөөгүй олон сайхан барилга байгууламж тэд барьж бүтээсэн дээ. Хамгийн сүүлд нийслэлд спорт цогцолбор буюу одоогийн “UB pаlace” , Налайхад төвлөрсөн дулааны станц гэх мэт том байгууламжуудыг ид барьж байхад нь дуусгалгүй нутгаасаа яаравчлан хөөж гаргав. Ядаж тэдгээрийг дуустал бариулж ашиглалтад аваад явуулсан бол…

3. Дээрхтэй зэрэгцээд Зөвлөлт Орос улсын цэргийн ангиудыг нутгаасаа хөөж гаргасны үр дүнд тэдний сайтар тохижуулсан олон суурингууд төрийн ямар ч хараа хяналтгүй үлдсэнээр тоногдож сүйтгэгдсэн балгас болж билээ. Эдгээр нь хоёр орны уламжлалт сайхан харилцаа, хамтын ажиллагаанд сэв оруулах анхны алхам болсон байх. Ингэж Монгол орны эдийн засагт онцгой хохирол учруулсан тэр үеийн Засгийн газрын Ерөнхий сайд Д.Бямбасүрэн, Тэргүүн шадар сайд Да.Ганболд, Шадар сайд Д.Дорлигжав нартай одоо хариуцлага тооцоход оройтохгүй.

“Өдрийн сонин”-ы “Хэлэх эрхийн индэр”-т оролцон үзэл бодлоо илэрхийлэхийг хүсвэл 89998856 дугаарын утсаар холбоо барина уу.

Тэмдэглэл хөтөлсөн О.ДАШНЯМ

Categories
мэдээ нийгэм

“Гамшгийн эрсдэлийг бууруулах Сендайн үйл ажиллагааны хүрээг Монгол Улсад хэрэгжүүлэх стратеги” батлагдлаа

Япон Улсын Сендай хотноо 2015 онд зохион байгуулагдсан Гамшгийн эрсдэлийг бууруулах дэлхийн III бага хурлаас гамшгийн эрсдэлийг бууруулах чиглэлээр хэрэгжүүлэх дэлхийн хэмжээний 7 зорилт, үйл ажиллагааны 4 тэргүүлэх чиглэлийг тодорхойлж, “Гамшгийн эрсдэлийг бууруулах чиглэлээр 2015-2030 онд хэрэгжүүлэх Сендайн үйл ажиллагааны хүрээ” баримт бичгийг дэлхийн 187 орон санал нэгтэй баталсан билээ.

Мөн 2016 оны 11 дүгээр сард Бүгд Найрамдах Энэтхэг Улсын Шинэ Дели хотноо хуралдсан Гамшгийн эрсдлийг бууруулах Азийн сайд нарын бага хурлаар Сендайн үйл ажиллагааны хүрээ баримт бичгийг Азийн бүс нутагт 2016-2030 он хүртэл хэрэгжүүлэх төлөвлөгөөг батлан гаргасны зэрэгцээ Гамшгийн эрсдлийг бууруулах Азийн сайд нарын II бага хурлыг Монгол Улсын Улаанбаатар хотноо 2018 онд зохион байгуулахаар шийдвэрлэсэн.

Энэхүү Азийн сайд нарын II бага хурлаар Сендайн үйл ажиллагааны хүрээ баримт бичгийн эхний гурван жилийн үйл ажиллагаа, Азийн бүсийн төлөвлөгөөний эхний хоёр жилийн хэрэгжилт, гамшгийн эрсдэлийг бууруулах чиглэлээр бүс нутгийн улс орнуудын хүлээсэн үүрэг, амлалт, Сендайн үйл ажиллагааг хэрэгжүүлэх чиглэлээр авч хэрэгжүүлж байгаа арга хэмжээний ахиц дэвшлийг үнэлж дүгнэн 2018-2020 онд Азийн бүс нутагт хэрэгжүүлэх арга хэмжээг тодотгон гамшгийн эрсдэлийг бууруулах “Улаанбаатарын тунхаглал”-ыг гаргах юм.

Үүнтэй холбогдуулан “Гамшгийн эрсдэлийг бууруулах Сендайн үйл ажиллагааны хүрээг Монгол Улсад хэрэгжүүлэх стратеги” (2017-2030)-ийг боловсруулан Засгийн газрын 2017 оны 12 дугаар сарын 27-ны өдрийн хуралдаанаар хэлэлцүүлэн батлууллаа.

Энэхүү стратегийг Дэлхийн тогтвортой хөгжлийн хөтөлбөр-2030, Уур амьсгалын өөрчлөлтийн эсрэг Парисын хэлэлцээр, Сендайн үйл ажиллагааны хүрээг хэрэгжүүлэх Азийн бүсийн төлөвлөгөө, Монгол Улсын тогтвортой хөгжлийн үзэл баримтлал-2030 зэрэг баримт бичгүүдтэй уялдуулан 2018-2030 он хүртэл хэрэгжүүлэхээр боловсруулсан юм.

Түүнчлэн Засгийн газар, яам, агентлаг, нутгийн өөрөө удирдах болон захиргааны байгууллага, иргэний нийгмийн, шинжлэх ухааны байгууллага, хувийн хэвшил, иргэд, олон нийт, олон улсын байгууллагуудын түншлэл, хамтын ажиллагаанд суурилж хэрэгжүүлнэ.

“Гамшгийн эрсдэлийг бууруулах Сендайн үйл ажиллагааны хүрээг Монгол Улсад хэрэгжүүлэх стратеги”-ийг баталж хэрэгжүүлсэнээр гамшгийн эрсдэлийг бууруулах олон нийтийн мэдлэг ойлголт нэмэгдэх, гамшгийн эрсдэлийг бууруулах үндэсний болон орон нутгийн тогтолцоо, эрх зүйн орчин боловсронгуй болох, гамшгийн мэдээллийн нэгдсэн сан бий болох, аймаг, нийслэл, сум, дүүрэг, мэргэжлийн байгууллагын гамшгаас хамгаалах чадавх бэхжиж гамшгийн эрсдэл буурах, ингэснээр улс орны тогтвортой хөгжлийг хангах нөхцөл бүрдэнэ.

Мөн 2018 онд Монгол Улсад зохион байгуулах Гамшгийн эрсдэлийг бууруулах Азийн сайд нарын II бага хурлын бэлтгэл ажлыг хангах, Гамшгийн эрсдэлийг бууруулах дэлхийн III бага хурал, Гамшгийн эрсдэлийг бууруулах Азийн сайд нарын бага хурлаас Монгол Улсын хүлээсэн үүрэг, амлалтыг хэрэгжүүлэхэд чухал ач холбогдолтой болох юм гэж Онцгой байдлын ерөнхий газраас мэдээллээ.

Categories
онцлох-нийтлэл туслах-ангилал

Агаар, хөрсний бохирдлоос салах төгс шийдэл байшин үйлдвэрлэх комбинат

Энэ оноос эхлэн хамгийн чанартай, 100-гаас доошгүй жилийн баталгаатай, хямд орон сууц, байшин барилгуудыг барьж, их бүтээн байгуулалт хийхээр ажлаа эхлээд буй “Эрэл”-ийн “Байшин үйлдвэрлэх комбинат-1”-ийн үйл ажиллагааг өчигдөр очиж сурвалжиллаа. Уг үйлдвэрийн байр нь 16 мянган метр квадрат талбайтай, иж бүрэн автоматжсан юм байна. Тухайлбал, цементээ вагоноор ачаад, шууд үйлдвэрийн гадаах агуулахад буулгана, агуулахаас автомат дамжлагаар зөөгдөн үйлдвэрт орно.

Ингээд цементээрээ гадна фасад хийхийн тулд тусгай орц найрлага хэмжээ, өргөн зузаан, өнгө загвар гэх мэт бүх командыг компьютерээр тохируулчихна. Командын дагуу зуурагч машин ажлаа хийж, нэгээс нөгөөд дамжуулна. Хэвэнд оруулна гэх мэтээр дамжлагаар явсаар, өнгөлгөөтэйгээ, ерөөсөө л угсраад, барилга босгоход бэлэн байдлаар фасадууд нь цонхны хэмжээтэйгээ гараад ирдэг юм байна. Дотор хавтанг мөн л ингэж хийнэ. Хаалга цонх, шал бүгдийг нь ийм байдлаар үйлдвэрлээд хэвлээд, гаргачихдаг аж. Шал хана, хаалга, цонх гээд бүгд тусгай хэвтэй, яг л компьютерт өгсөн командын дагуу гардаг гэсэн үг. Хавтангуудын өнгөн хэсэг нь толь шиг гялгар байх аж. Өөрөөр хэлбэл, гар аргаар хийх ажиллагаа ер ордоггүй юм байна. Хэрэв технологийн яльгүй алдаа гарлаа гэхэд уг үйлдвэрийн Герман дахь төвөөс автомат сануулга өгч, хаана, хаана, ямар см, диаметрын ямар алдаа гарсныг хэлээд, тэр дор нь засуулдаг аж. Бүх дамжлага нь маш өндөр стандартын дагуу хийгддэг, хяналттай аж. Бэлэн болсон материалуудыг үйлдвэр доторх төмөр замаар, хавтан зөөх зориулалттай төхөөрөмжүүдээр дамжуулан гадагш нь гаргаад, тэндээсээ шууд ачааны машин, эсхүл вагонд ачаад барилга барих газраа хүргээд л өдөрт нь лего тоглоом шиг угсраад, угсраад барьчихдаг юм байна. Ингээд угсрахынхаа хажуугаар, төвийн шугамтай холбоод, бохир цэврийг нь шийдчихнэ. Нэг өдрийн дотор л сургууль, цэцэрлэг, байшин хаусаа бариулчихаж болох нь. Барилгын компаниуд хэдэн сар, жилээр босгодог хугацаа, мөнгөө хэмнээд, энд захиалга өгөөд, бэлэн бэлдэцүүд хийлгээд авчихаж болох аж. Барилгачдын хийдэг ажлыг бүгдийг нь автомат төхөөрөмж хийдэг болчихжээ гэсэн үг. Мөн айл өрхүүд өөрсдийн хүссэн загвараар, байшин бариулчих боломжтой юм байна. Бариулсныхаа дараа хэдэн ч давхар болгож, өндөрлүүлж, эсвэл өргөтгөж, загвар хэмжээг нь өөрчилж болдог гэнэ. Ийм байдлаар баригдах орон сууц, байшин барилгын нэг метр квадрат нь 800 мянгаас нэг сая төгрөг байх боломжтой гэж байна.

Уг үйлдвэр нь нэг өдөрт 300 ширхэг хавтан гаргах хүчин чадалтай бөгөөд энэ нь сургууль, цэцэрлэгийг цогцоор нь барих эсвэл 12 давхар орон сууц босгох материал гэсэн үг юм байна.

Уг БҮК-ийн үйл ажиллагаатай танилцахаар очиход “Эрэл” ХХК-ийн Ерөнхий захирал Б.Эрдэнэбат “Бизнес эрхлэгч хүнд тулгарах бүх л зовлон бэрхшээл, шаналалыг бие сэтгэлээрээ туулж байна” гэсээр угтаж байна. Учир нь хэдэн жилийн турш баригдаад, яг үйлдвэрлэхэд бэлэн болоод, нээлтээ хийгээд, эхний бүтээгдэхүүнүүдээ гаргаад эхэлчихсэн ч төрийн дэмжлэг, зохицуулалт, захиалга өчигдрийн байдлаар ирээгүй байгаа юм байна. Тиймээс түүнээс дараахь зүйлсийг тодрууллаа.

-“Байшин үйлдвэрлэх комбинат 1”-ийн бүтээн байгуулалтууд эхэлчихвэл, гэр хорооллын асуудал шийдэгдээд, агаар хөрсний бохирдлоос бараг салчих болов уу гээд хүлээж байна. Юу нь болохгүй байна. Хэзээнээс байшин, барилгууд босоод жигдрэх вэ?

-Чингис бондоос 14 сая.ам.долларын санхүүжилтээр энэхүү төсөл хэрэгжиж эхлэх болоход манай хот одоо л хөрс, агаарын бохирдлоос салах юм байна гэж итгэсэн. Дээрх асуудлыг шийдэх төгс арга бол барилгажуулалт. 14 сая доллараар босно гэдэг бол байж болох хамгийн бага үнэ. Хуучин үйлдвэрийн суурин дээр тоног төхөөрөмжийн иж бүрэн шинэчлэл хийсэн учраас ийм бага зардал гарч байгаа юм. Байшин бариад, дэд бүтэц шийдээд цогцоор нь босгосон бол маш их хөрөнгө гарна. Хэдэн жилийн турш тэсч, тэвчиж, зүтгэж хөдөлмөрлөж хичээж байж байшин үйлдвэрлэх комбинатыг ашиглалтанд орууллаа. Нээлтээ хийлээ. Одоо төр засгийн зохицуулалт, дэмжлэг л хэрэгтэй байна.

-Энэ үйлдвэрийн бусад барилгын компаниудаас ялгарах, давуу талууд нь юу юм бэ?

-Өвөл зунгүй үйл ажиллагаа явуулна. Ингэж байж, Улаанбаатар хотын 200 мянган айл өрхийг, агаар, хөрсний бохирдлоос салгах боломжтой. Газар хөдлөлтийн хамгийн өндөр баллд тэсвэртэй. Дулаан алдалтгүй. Бүх тоног төхөөрөмж автомат учраас хамгийн сүүлийн үеийн өндөр технологитой, чанартай. Байж болох хамгийн хямд өртөгтэй. Хятад, Солонгос, Скандиновын орнууд, Америк, Канад хүртэл яг ийм үйлдвэрүүдийг худалдан авч эхэлж байна. Манайд барилгын хууль байдаг ч үйлдвэр нь байхгүй учраас байшин, барилгуудыг ширхэгийн материалаар, тоосгоор өрж байна. Ингэж барьсан барилга газар хөдлөлтөд хамгийн тэсвэргүй, ширхэгийн материал нураад, сахар шиг үйрчихдэг. Ийм эрсдэлтэй барилгууд манайд маш олноор босч байна. Гурван мянган ширхэг тоосго өрөхийн оронд, ганцхан ширхэг цул бетонон хана хийчихэж байгаа юм. Жишээлбэл, нэг өрөө байшин байлаа гэхэд дөрвөн хана, шал, тааз гэсэн зургаан зүйлээс бүрдэнэ гэсэн үг. Мөн 100-гаас доошгүй жилийн насжилттай. Сүүлийн үеийн барилгуудыг босгож буй цемент гэхэд л эрээний үнс, цементтэй хольчихсон зүйл байгаа. Үүнийг энэ үйлдвэр өөрчилнө. Дулаан алдалтгүй гэдгийг тодруулах юм бол өглөө тасалгааны температур 24 хэм байхад халаалтаа хаачихаад орой ирэхэд ихдээ л 23 хэм болж, нэг градусаар буурсан байх юм. Үүнээс гадна манайх карказан барилгыг ч барих бүрэн боломжтой. Үйлдвэрийн хийц эдлэлээр, эх үүсвэр нь мэдэгдэхгүй, хичнээн зуун хүний гараар барьсан барилга, автомат үйлдвэрийн барилга хоёр ер нь тэнгэр, газар шиг зөрүүтэй шүү дээ. Ийм орон сууц, хот тосгоныг өнөөдөр улс орондоо барих хэрэгтэй байна. 1990 оны Бээжин ямар байлаа, 2000 оны Бээжин ямар байв. Гэтэл өнөөдрийн Бээжин ямар болчихов. Үүнээс харах хэрэгтэй. Хот, тосгоны хөгжил зам гүүрийн байдлаар нь тэр улсын хөгжлийг хардаг. 1990 он хүртэл манай хот төлөвлөлтийн бодлого маш сайн явж байсан. Өмнө нь хорооллуудыг уг нь шинжлэх ухааны үндэслэлтэй барьж байгуулж байсан. Тэр үеийн оросын угсармалын шинэчилсэн хамгийн сүүлийн үеийн герман технологийн үйлдвэр л энд бэлэн болчихоод байна.

-Ийм стандартын хамгийн сайн барилгуудыг хаанах барьж байна?

-Зүүн өмнөд Ази, Англичууд, Европчууд, Сингапур барьж байна. Тэднийх шиг өндөр барилга бол Монголд шаардлагагүй. Дөрвөөс, таван давхар байхад л манай нөхцөлд хамгийн тав тухтай орон сууцнууд болно.

-Ард иргэдийн сонирхлыг татаж буй танай гол зүйл нь үнэ юм билээ. Айлууд хэзээ баригдах бол, энэ үйлдвэрээс орон сууц авчихъя гэж байна. Хэзээнээс бариад эхлэх юм бэ?

-Ерөөсөө л төр засгийн тууштай дэмжлэг хэрэгтэй байна. Бид гэнэтхэн, сэтгэлийн хөөрлөөр, Чингис бондоос мөнгө аваад, үйлдвэр барьчихсан юм биш. Төр засгаас бодлогоор дэмжиж эхлүүлсэн ажил. Өнөөгийн Улаанбаатарыг барьж, байгуулсан технологийг шинэчлээд, орчин цагийн угсармал байшин барих гэж байна. Болдогсон бол 10 жилийн дотор гэр хороолол гэдэг зүйлээс салаад, бүгдийг нь агаар, хөрсний бохирдолгүй болгочихмоор байна. Боломж байвал манайх шиг ийм байшин үйлдвэрлэх комбинатууд өөр ч хэд, хэд байгуулагдчих хэрэгтэй байна. Зураг төсөл материал, барилгын ажилчид гэх мэт тус, тусдаа тооцоогүй болохоор үнэ хямд байх боломжтой байгаа юм. Хаана барих уу гэхээсээ шалтгаалаад, ганцхан тээврийн зардлаараа л ялгаатай байна.

-Саяхан танайхыг нээлтээ хийхэд нь төр засгийн тууштай дэмжлэг аваад эхэлчихэж гэж ойлгосон үгүй байж. Уг нь төрийн төлөөллүүд нээлтэд ирчихсэн харагдсан?

-Нээлтээ хийнэ гээд, 76 гишүүн, Засгийн газрын гишүүдэд бүгдэд нь урилга өгсөн. Нийслэлийн иргэдийн хурлын бүх гишүүдэд хүргүүлсэн. Ер нь би өөрөө гараараа урилгуудаа аваачиж өгсөн. Бүгдээрээ ирнэ гэж байсан боловч ирээгүй. Барилга хот байгуулалтын Х.Бадилхан сайд бусдыгаа төлөөлж ирсэн. Тэр өдөр Хурцын томилгоог хэлэлцэж байсан нь чухал асуудал тул завгүй байсан гэж хэлсэн. Хотоос орлогч дарга Баярхүү оролцоод явсан.

ГЭРЭЛ ЗУРГУУДЫГ Ц.МЯГМАРСҮРЭН

Categories
мэдээ нийгэм

Зам тээврийн салбараас төрийн шагналтнууд төрлөө

Монгол улсын Ерөнхийлөгчийн зарлигаар Зам тээврийн салбарт олон жил үр бүтээлтэй ажиллаж, тус салбарын хөгжилд үнэтэй хувь нэмэр оруулсан үе үеийн шилдэг ажилтануудад төрийн дээд одон, медаль гардуулах ёслолын ажиллагаа өнөөдөр Зам тээврийн хөгжлийн яаманд боллоо.

Хөдөлмөрийн гавьяаны улаан тугийн одон, Алтан гадас, Цэргийн гавьяаны улаан тугийн одон, Хөдөлмөрийн хүндэт медаль болон Найрамдал медалиар шагнасан шагналыг Зам, тээврийн хөгжлийн сайд Ж.Бат-Эрдэнэ, дэд сайд Б.Цогтгэрэл, Төрийн нарийн бичгийн дарга Ж.Бат-Эрдэнэ нар гардуулан өглөө.

Тухайлбал “Хөдөлмөрийн гавьяаны улаан тугийн одон”-гоор ЗТХЯ-ны хуулийн хэлтсийн дарга Нэргүйн Бат-Эрдэнэ, УБТЗ ХНН-ийн Дохиолол холбооны 2-дугаар ангийн ахмад ажилтан Доржийн Гүнсэл, “Замын битум” ХХК-ийн ерөнхий инженер Батчулууны Баясгалан, Монгол авто замчдын холбооны тэргүүн Тэрбишийн Бямбаа нарын 10 хүнийг тус тус шагнасан бол “Алтан гадас” одонгоор ЗТХЯ-ны ахлах мэргэжилтэн Нямдоржын Буянт, МТЗ ТӨХК-ийн мэргэжилтэн Борисын Буяннэмэх, ЗТХЯ-ны хуулийн хэлтэст ажиллаж байсан ахлах мэргэжилтэн Дагвын Жавхлан, УБТЗ ХНН-ийн замын аж ахуйн албаны эдийн засагч Даваагийн Даваамөнх нарын 25 хүнийг шагналаа.

Хөдөлмөрийн хүндэт медалиар УБТЗ ХНН-ийн вагоны үйлчлэгч Нямаагийн Баасанхүү, Шинэ нисэх буудлын төслийн нэгжийн менежер Гүрдоржийн Бат, ЗТХ-ийн сайдын зөвлөх асан Намсрайн Батсуурь нарын 28 хүнийг шагнасан юм.

Мөн “Найрамдал” медалиар УБТЗ ХНН-ийн Санхүүгийн асуудал эрхэлсэн орлогч Усольцева Светлана Яковлена, УБТЗ ХНН-ийн хуулийн албаны дарга Яковенко Елена Рудольфовна нарыг тус тус шагналаа. Ёслолын ажиллагааны үеэр Зам, тээврийн хөгжлийн сайд Ж.Бат-Эрдэнэ төрийн дээд одон, медаль хүртсэн нийт гавьяатнууддаа баяр хүргэж, цаашдын ажил үйлсэд нь өндөр амжилт хүслээ.

Өнөөдөр мөн Зам тээврийн салбараас 5-н гавьяат төрснийг Ж.Бат-Эрдэнэ сайд тэргүүтэй яамны удирдлагууд хүлээн авч алд цэнхэр хадаг мөнгө аягатай хүндэтгэл үзүүлэн амжилт бүтээлийн дээдийг ерөөн баяр хүргэлээ.

МУ-ын гавьяат тээвэрчин цол тэмдэгээр ЗТХЯ-ны өндөр настан Намсрайн Нямдаваа, МУ-ын гавьяат нисгэгч МИАТ ХК-ийн Бойнг 767-300 агаарын хөлгийн багш нисгэгч, Готовын Мөнх-Очир, МУ-ын гавьяат эдийн засагч – ЗТХЯ-ны санхүү хөрөнгө оруулалтын газрын дарга асан Зундуйдаваагийн Цэрэнчимэг, МУ-ын гавьяат барилгачин цол тэмдэгээр “Хурдны зам” ХХК-ийн ерөнхий захирал Шагдарсүрэнгийн Бат-Энх, “Арсиэссий” ХХК-ийн захирал Доржцэвээний Баасанхүү нарыг тус тус шагнаж урамшууллаа.

Categories
мэдээ нийгэм

Байгаль хамгаалагчдыг төрийн дээд одонгоор шагнасныг БОАЖ-ын сайд Н.Цэрэнбат гардууллаа

Үндэсний эрх чөлөө, тусгаар тогтнолоо сэргээн мандуулсны 106 жилийн ойн баярын өдөр Монгол Улсын Ерөнхийлөгчийн зарилгаар байгаль орчин, аялал жуулчлалын салбарынхан төрийн дээд одонгоор шагнуулсныг БОАЖ-ын сайд Н.Цэрэнбат гардууллаа. Үйл ажиллагаанд БОАЖЯ-ны Дэд сайд Ц.Батбаяр, Төрийн нарийн бичгийн дарга Ц.Цэнгэл, Төрийн захиргааны удирдлагын газрын дарга Х.Батжаргал нараас гадна БОАЖЯ-ны газар, хэлтсийн дарга нар байлцаж, хүндэтгэл үзүүлж, баяр хүргэлээ.

Хөдөлмөрийн гавьяаны улаан тугийн одонгоор БОАЖЯ-ны Үнэлгээ, аудитын хэлтсийн дарга А.Энхбат, Умард говийн гүвээт халхын дундад сав газрын захиргааны дарга Д.Жаргалцэнгэл нар шагнагдлаа.

Харин Алтан гадас одонгоор БОАЖЯ-ны Хүрээлэн буй орчин, байгалийн нөөцийн удирдлагын газрын ахлах мэргэжилтэн Д.Баярбат, Онон балжийн байгалийн цогцолборт газрын хамгаалалтын захиргааны дарга О.Цэндгомбо, Ойн судалгаа хөгжлийн төвийн дарга Д.Мөнхбат нарыг шагнасан юм.

Хөдөлмөрийн хүндэт медалиар БОАЖЯ-ны Төрийн захиргааны удирдлагын газрын ахлах мэргэжилтэн Д.Шижир-Эрдэнэ, Богдхан уулын хамгаалалтын захиргааны байгаль хамгаалагч Л.Мажиг, Хангайн нурууны байгалийн цогцолборт газрын хамгаалалтын захиргааны нягтлан бодогч Д.Энх-Амгалан, Зэд хантай бүтээлийн нурууны дархан цаазат газрын байгалт хамгаалагч М.Амарбаяр нар шагнуулсан юм.

Categories
мэдээ нийгэм

“1000 машины зогсоол”-ыг нүүлгэв

Нийслэлийн Баянгол дүүрэг Төмөр замын хажууд байрлах 1000 машины авто захыг нүүлгэх шийдвэр гарсан ч биелүүлэхгүй өдийг хүрсэн билээ. Харин өнөөдөр Улаанбаатар төмөр зам хувь нийлүүлсэн нийгэмлэгээс цагдаагийн байгууллагатай хамтран авто худалдаа эрхлэгчдийн машиныг ачиж, уг газрыг албадан чөлөөлсөн юм. Шүүхийн шийдвэрээр уг зогсоолын үйл ажиллагааг зогсоох, нүүлгэн шилжүүлэх талаар өмнө нь хэд хэдэн удаа мэдэгдэл өгч байсан аж. Хэрвээ заасан хугацаанаас хойш зогсоолд автомашин үлдсэн тохиолдолд тусгай зориулалтын машинуудаар зөөж талбайг чөлөөлнө гэдгийг иргэд аж ахуйн нэгжид мэдэгдсэн байжээ.

Арван нэгэн цагийн үед уг үйл явдал дээр очиход “1000 машины зогсоолын хойд талын авто замын хөдөлгөөнийг зогсоож, цагдаа нар хамгаалтанд авсан” байлаа. Мөн тухайн газрыг чөлөөлөх явцад худалдаа эрхлэгчдийн эсэргүүцэлтэй тулгарсан байна. Түүнчлэн худалдаа эрхлэгчид болон цагдаа нарын хооронд үл ойлголцол үүсэж, маргалдан, зарим худалдаа эрхлэгчдийг баривчлахад хүрчээ. “1000 машины зогсоол” дээр байсан машинуудыг албаныхан ачигч машинаар зөөж, төв зам дагуух зогсоолд гаргаж байлаа. Уг автомашины зогсоолыг чөлөөлөхөөр 100 гаруй цагдаагийн албан хаагч ажиллаж байна гэсэн албан бус тоо байгаа юм.

Автомашины худалдаа эрхлэгчдийн байрлаж байсан тухайн газар нь Монгол-Оросын хувь нийлүүлсэн “Улаанбаатар төмөр зам” нийгэмлэгийнх юм. Энэхүү газарт Улаанбаатар хотын шинэ зорчигч үйлчилгээний төв буюу орчин үеийн стандарт шаардлагад нийцсэн төмөр замын вокзал барихаар төлөвлөж үүний дагуу Нийслэлийн Засаг даргын захирамжаар олгож байжээ. Төлөвлөсний дагуу шинэ вокзалын барилгын ажил удахгүй эхлэх гэж байгаа аж. Нийслэлийн Газрын алба, Нийслэлийн цагдаагийн газар, “Улаанбаатар төмөр зам” хувь нийлүүлсэн нийгэмлэг хамтран авто машины худалдаа эрхлэгчдийг нүүлгэн шилжүүлж байна. Нийслэлийн Засаг даргын захирамжийн дагуу холбогдох хууль тогтоомжийн хүрээнд газар чөлөөлөх ажлыг зохион байгуулж байгаа гэдгээ албаныхан хэлж байлаа.

Арван хоёр цагийн үед “1000 машины зогсоол”-ыг албаныхан бүрэн чөлөөлсөн байлаа. Мөн авто машины худалдаа эрхлэгчид өөрсдийн машинуудаа шинээр баригдсан “Авто худалдааны цогцолбор”-луу, зарим нь “Да хүрээ” захруу зөөвөрлөж байсан юм.

Б.ҮРЖИГ


Categories
мэдээ спорт

Чөлөөт бөхийн ДАШТ аравдугаар сард болно

ЗурагДэлхийн бөхийн нэгдсэн холбоо /ДБНХ/-ноос 2018 онд зохион байгуулах чөлөөт бөхийн тив, дэлхий, олон улсын тэмцээний хуваарийг гаргажээ.

Энэ хуваарийн дагуу 2018 оны ДАШТ-ийг Унгарын нийслэл Будапешт хотноо 10 дугаар сарын 20-28-нд зохион байгуулах бол Ази тивийн аварга шалгаруулах тэмцээн Киргизийн Бишкек хотод болох юм. Харин энэ оны анхны олон улсын тэмцээн нь нэгдүгээр сарын 25-28-нд Иван Ярыгины нэрэмжит “Алтан Гран при” ОХУ-ын Красноярск хотноо болно. ДБНХ-ноос 2018 онд зохион байгуулах тэмцээний хуваарийг танилцуулж байна.
Хоёрдугаар сар
II.02-03 “Флатц Опен” (Австри, Вольфурт)
II.08-09 – Тахтийн цом (Иран, Табриз)
II.16-18 – Клиппан Опен эмэгтэйчүүдийн ОУТ (Швед, Клиппан)
II.21-23 – Сьерро Пелядогийн нэрэмжит ОУТ (Куба, Гавана)
II.21-25 – Киевийн ОУТ (Украин, Киев)
II.28-III.04 – Насанд хүрэгчдийн Азийн АШТ (Киргиз, Бишкек)
Гуравдугаар сар
III.02-04 – Роман Дмитриевын нэрэмжит залуучуудын ОУТ (ОХУ, Якутск)
III.08-09. Ядегар Имамын цом өсвөр үеийн багийн тэмцээн (Иран, Занжан)
III.09-12 – Буриадын Ерөнхийлөгчийн нэрэмжит ОУТ (ОХУ, Улан-Үд)
III.17-18 – Эмэгтэйчүүдийн Дэлхийн цом (Япон, Такасаки)
III.20-25 – Насанд хүрэгчдийн ЕАШТ (ОХУ, Каспийск)
II.21-25 – Дан Коловын нэрэмжит ОУТ (Болгар, Софи)
III.29-IV.01 – Билл Фареллын нэрэмжит тэмцээн (АНУ, Нью-Йорк)
Дөрөвдүгээр сар
IV.07-08 Эрэгтэйчүүдийн Дэлхийн цом (АНУ, Айова)
IV.12-14. Хамтын нөхөрлөлийн орнуудын наадам (Австрали, Голд Коаст)
IV.23-29 – Өсвөр үеийн ЕАШТ (Украин, Киев)
Тавдугаар сар
V.03.06 – Насанд хүрэгчдийн Европын АШТ (ОХУ, Каспийск)
V.03-06 – Насанд хүрэгчдийн Пан Америкийн АШТ (Перу, Лима)
V.10-13 – Өсвөр үеийн Азийн АШТ (Узбекистан, Ташкент)
V.10-14 – Али Алиевын нэрэмжит ОУТ (ОХУ, Каспийск)
V.14-20 – Цэргийн ДАШТ (ОХУ, Москва)
V.24-26 – Сассаригийн ОУТ (Итали, Сассари)
V.25-27 – Өсвөр үеийн Пан Америкийн АШТ (Гватемал, Гватемал Сити)
Зургадугаар сар
VI.05-10 – 23 хүртэлх насны ЕАШТ (Турк Стамбул)
VI.09-10 – “Монголиа Опен” ОУТ (Монгол, Улаанбаатар)
VI.22-24 – Сурагчдын ЕАШТ (Унгар, Гьор)
VI.22-24 – Эмэгтэйчүүдийн БНХАУ-ын нээлттэй тэмцээн (БНХАУ, Вензоу)
VI.24-30 – Вахтанг Балавадзегийн нэрэмжит ОУТ (Гүрж, Тбилиси)
Долдугаар сар
VII.03-08 – Өсвөр үеийн ДАШТ (Хорват, Загреб)
VII.07-08 – Канадын цом (Канад, Гельф)
VII.14-15 – Испанийн Гранпри (Испани, Мадрид)
VII.19-22 – Залуучуудын Азийн АШТ (Энэтхэг, Шинэ Дели)
VII.27-29 – Яшар Догугийн нэрэмжит ОУТ (Турк, Стамбул)
Наймдугаар сар
VIII.01-05 – Залуучуудын ЕАШТ (Итали, Ром)
VIII.16-19 – Залуучуудын Пан Америкийн АШТ (болох газар нь тодорхойгүй)
VIII.24-26 – Германы Гранпри (Герман, Дортмунд)
VIII.27-29 – Азийн наадам (Индонез, Жакарта)
Есдүгээр сар
IX.05-09 – Оюутны ДАШТ (Бразил, Гойана)
IX.07-09 – Вацлав Циолковскигийн нэрэмжит ОУТ (Польш, Варшав)
IX.14-16 – Александр Медведийн нэрэмжит ОУТ (Беларусь, Минск)
IX.18-23 – Залуучуудын ДАШТ (Словак, Трнава)
IX.21-23 – Ион Корнянугийн нэрэмжит ОУТ (Румын, Бухарест)
IX.27-30 – Ахмадын ДАШТ (Македон, Скопье)
IX.28-30 – Дмитрий Коркиний нэрэмжит ОУТ (ОХУ, Якутск)
10 дугаар сар
X.05-08 – Ахмат Кадыровын нэрэмжит ОУТ (ОХУ, Грозный)
X.12-14 – Залуучуудын хүүхдийн олимпийн наадам (Аргентин, Буэнос-Айрос)
X.18-21 – Бувайсар Сайтиевын нэрэмжит өсвөр үеийн ОУТ (Красноярск)
X.20-28 – Насанд хүрэгчдийн ДАШТ (Унгар, Будапешт)
11 дүгээр сар
XI.07-12 – “Алроса цом” эрэгтэй, эмэгтэйчүүдийн багийн тэмцээн (ОХУ, Москва)
XI.12-18 – 23 хүртэлх насны ДАШТ (Румын, Бухарест)
XI.23-25 – Динмухамед Кунаевын нэрэмжит ОУТ (Казахстан, Тарас)
XI.27-01 – “Martyrs Cup” залуучуудын багийн тэмцээн (Иран, Тегеран)
12 дугаар сар
XII.01-03 – Тив хоорондын цом (ОХУ, Хасавюрт)
XII.13-14 – Эрэгтэйчүүдийн клубын ДАШТ (Иран, Тегеран)

Categories
мэдээ нийгэм

Эрдэнэт үйлдвэрийн ажилчид татвар нэмэхийг эсэргүүцлээ

Related image

Татварын тухай шинэ хуулийг эсэргүүцэн Эрдэнэт үйлдвэрийн Үйлдвэрчний эвлэлийн холбооноос өнөөдөр хэвлэлийн хурал зарлаж “Монгол Улсын Их хурал, Засгийн газраас ХХОАТ-ыг шатлалтайгаар нэмэгдүүлэх хууль батлан хэрэгжүүлж байгаа нь нийт 46000 уурхайчны амьдралд маш хүнд дарамт учруулж байна. Засгийн газар төсвийн алдагдлыг нийт иргэдээс татвар нэмэх маягаар олж байгаа нь буруу” хэмээн мэдэгдлээ.

Өнөөдрийн байдлаар ашигт малтмалын нөөц ашигласны төлбөрийг “Оюу толгой” ХХК тогтмол 5 хувиар, алтны уурхайнууд 2.5 хувиар, “Эрдэнэт үйлдвэр” ХХК 16-18 хувиар төлж байгаа аж.

Иймд “Уул уурхайн чиглэлийн компаниудын татварыг адилтган тэнцүүлэх маягаар буюу Эрдэнэт үйлдвэрээс авч буй хэмжээний Рояалтын татварыг “Оюу толгой” ХХК, алтны уурхайнуудаас авах нь төсөвт хоёр дахин их мөнгийг төвлөрүүлэх боломжтой” гэдгийг Эрдэнэт үйлдвэрийн ХХК-ийн Үйлдвэрчний эвлэлийн холбооноос мэдэгдлээ. Мөн Эрдэнэт үйлдвэрийн ажилчдын цалин дунджаар нэгээс хоёр сая төгрөгийн хооронд байдаг учраас татвар нэмэхийг 6000 уурхайчин эсэргүүцжээ.

Эрдэнэт үйлдвэрийнхэн УИХ-ын даргад шаардлага хүргүүллээ