Өчигдөр Украйны Ерөнхийлөгч Петр Порошенко АНУ-ын сенатор Жон Маккейнтэй хамт Донбааст айлчилж бүс нутгийн оршин суугчдад шинэ жилийн баяр хүргэжээ. Энэ үеэр Ерөнхийлөгч Порошенко сенатор Маккейд нэгэн автомат буу бэлэглэсэн байна. Бэлгээ гардуулах үеэр Порошенко “Жон Маккейн бол Украйны ард түмний үнэнч найз. Тэрээр ОХУ эсрэг хориг тавих санаачлагыг гаргаад зогсохгүй, хэрэгжүүлэхэд идэвхитэй лобби хийсэн хүн” хэмээн мэдэгджээ. Мөн “Бид дэлхийн түвшний гайхамшигт зэвсэг үйлдвэрлэж чадахаа үүгээр батал байна” гэж хэлжээ. Гэхдээ зарим эх сурвалж “Хаана хэн үйлдвэрлэсэн ямар зэвсэг болох тухай ямар баримт алга” гэж мэдээлсэн байна. Харин бэлгийн хариуд Америк сенатор Маккейн 2017 онд “Украйны түрэмгийлэгчдэд эзлэгдсэн нутгийг чөлөөлж, булаан эзлэгчид хаанаас ирсэн тэр газар луу буцаана” гэж мэдэгджээ. Судлаачдын үзэж буйгаа энэ нь нэлээд ноцтой мэдэл гэнэ. Учир нь сенатор өөрөө АН-ынх бөгөөд энэ удаа АН-аас Д.Трамп АНУ-ын Ерөнхийлөгчөөр сонгогдсон юм.
Өчигдөр Стабул хотын шөнийн клубт Санта клаусын хувцастай алан хядагч халдлага үйлдсэн тухай мэдээлсэн. Энэ үеэр гэмт этгээд 35 хүн.ийг хөнөөж 40 хүн шархадсан байна. Гардиан сонин тус клубын ажилтны мэдээллээр гэмт халдлагыг аюулгүй болгож цагдаа хэргийн газрыг орхиж байгаа тухай мэдээлжээ. Клубын эзэн АНУ-ын тусгай алба хэд хоногийн өмнө халдлага болох тухай мэдээлж байсныг сануулжээ.
Өчигдөр Японы зорчигч тээврийн алсын зайн нислэг үйлдэж байсан “Боинг-777” онгоц ОХУ-ын Красноярск хотын “Емельяаново” онгоцны буудалд ослын буулт хийжээ. Эх сурвалжийн мэдээгээр онгоцны баруун хөдөлгүүр ажиллагаагүй болсон тул нисэгчид оросуудаас зөвшөөрөл хүссэн байна. Тус онгоц Франкфурт на Майне хотоос Токио руу нисч байсан гэнэ. Тухайн үед онгоцонд 170 зорчигч байсан аж. Онгоц ямар нэгэн гэмтэлгүй газардсан тухай ТАСС агентлаг мэдээлжээ
ОХУ-ын Тж-154 онгоцны сүйрлийн шалтгааныг ажлын хэсэг эхнээсээ тогтоож эхэлжээ. Онгоцны хар хайрцаг бусад биетүүдэд хийсэн мэргэжилтнүүдийн дүгнэлтээр онгоцны хурдыг сааруулах зориулалттай хаалт байдаг юм байна. Тэр нь далавчин дээрээ байрладаг. Манайхны авто замын босдог саадтай төстэй зүйл аж. Энэ төхөөрөмж нь онгоц газардах үед хурдыг огцом сааруулна. Анхны мэдээллээр бол нисгэгчидын хариуцлагагүй ажиллагаанаас болсон тухай яригдаж байсан. Гэтэл сүүлийн олдсон хар хайрцагны мэдээллээр энэ техникийн шалтгаан болж таарч байна. Тус сааруулагчийн онгоц хурдаа авах үед бага зэрэг, харин авч газраас хөөрөх үед бүрэн хаасан байх журамтай. Энэ журам зөрчигдсөнөөс онгоц сүйрсэн гэсэн таамаг анх дэвшүүлж байжээ. Гэтэл сүүлийн үеийн мэдээгээр энэ сааруулагч огт ажиллахгүй байснаас онгоц сүйрсэн гэсэн таамаг дэвшүүлж байна. Энэ таамгийг дэвшүүлэх шалтгаан нь сүүлийн мөчид нэгэн нисгэгч “Новшийн сааруулагч” гэж харааж байсан бичлэг хар хайрцагнаас олдсонтой холбоотой аж.
Хөдөлмөр нийгмийн зөвшилцлийн гурван талт үндэсний хорооны шийдвэрийн дагуу өнөөдрөөс хөдөлмөрийн хөлсний доод хэмжээ 240.000 болж, хэрэгжиж эхэллээ. Өөрөөр хэлбэл, энэ өдрөөс эхэлж, хөдөлмөрийн хөлсний доод хэмжээг дээрх шатлалаас буулгахгүй болох дүрэм мөрдөгдөж эхэлж буй юм.
Өнгөрөгч шөнө он солигдох мөчид Эх хүүхдийн эрүүл мэндийн үндэсний төвд дөрвөн хүүхэд мэндэлжээ. Тэдний гурав нь эх орныхоо дархан хилийг манах хөвгүүд байсан бол нэг нь охин хүүхэд байсан гэж Эх хүүхдийн эрүүл мэндийн төвөөс мэдээлж байна.
Ойрын өдрүүдэд нутгийн хойд хэсгээр бага зэргийн цас орж, явган шуурга шуурна. Бусад нутгаар цаг агаар тогтуун байна.