Month: December 2016

Энэ оны хамгийн сүүлчийн өдөр буюу арванхоёрдугаар сарын 31-ний өдөр ажиллах зах, худалдааны төвүүдийн хуваарийг хүргэж байна. Томоохон захуудаас Нарантуул худалдааны төв дөрөв хоног амарна, бусад нь зөвхөн нэгдүгээр сарын 1-нд амрах юм байна. Мөн томоохон сүлжээ дэлгүүд цагийн хуваарийн дагуу амралтгүй ажиллана.

–“Хархорин” худалдааны төв өнөөдөр 07.00 – 15.00 цаг хүртэл ажиллана. Нэгдүгээр сарын 1, 2-нд амарна

–“Нарантуул” худалдааны төв өнөөдөр 10.00-19.00 хүртэл ажиллана. Нэгдүгээр сарын дөрвөн хүртэл амарна

–“Бөмбөгөр” худалдааны төв өнөөдөр 09.00-20.30 хүртэл ажиллана. Нэгдүгээр сарын 1-нд амарна

–Барс худалдааны төв өнөөдөр 07.00-17.00 цаг хүртэл ажиллана.

–“Сандэй Плаза” худалдааны төв өнөөдөр 10.00-22.00 цаг хүртэл ажиллана. Нэгдүгээр сарын 1, 2-нд амарна

–“Миний сүлжээ дэлгүүрүүд”- ийн салбарууд өнөөдөр 08.30-23.00 хүртэл ажиллана. Нэгдүгээр сарын 1-нд 12.00-22.00 хуртэл ажиллана

–“Номин Холдинг” ХХК-ийн бүх салбарууд 09.00-22.00 цаг хүртэл ажиллана.

–“E Mart” худалдааны төв өнөөдөр 10.00-22.00 ажиллана. Нэгдүгээр сарын 1-нд 12.00-22.00 цаг хүртэл ажиллана

–“Боса” сүлжээ дэлгүүрүүд өнөөдөр 07.00-22.00 цаг хүртэл ажиллана. Нэгдүгээр сарын 1-нд 12.00-22.00 хүртэл ажиллана.

–“Сансар” сүлжээ дэлгүүрүүд өнөөдөр 13.00-22.00 хүртэл ажиллана.

–Меркури худалдааны зах өнөөдөр 10.00-19.00 хүртэл ажиллана. Нэгдүгээр сарын 1-нд амарна.

Шинэ оны нарыг харахаар хүмүүс нэгдүгээр сарын 1-нд Хийморийн овоо, Дөрвөн уулынхаа овоо болон Багахангай дүүргийг зорьдог билээ. Тэгвэл замын цагдаагийн алба энэ үеэр иргэдийг аюулгүй зорчуулах үүднээс батлагдсан төлөвлөгөө, хуваарийн дагуу иргэдэд үйлчлэх юм байна.

Иргэд та бүхэн шинэ оны анхны нарыг угтан ажил үйлсээ даатгаж, ирэх жилийнхээ хийморь сүлдийг урин дуудахаар гэрээсээ гарахдаа замын хөдөлгөөний аюулгүй байдлыг ханган тээврийн хэрэгслийн бүрэн бүтэн байдлыг хангаж, согтуугаар тээврийн хэрэгсэл жолоодохгүй, хурд хэтрүүлэхгүй, хүүхдийг зориулалтын суудалд авч явахыг зөвлөж байна.

Шинэ жилийн баярын мэнд хүргэе! Замын цагдаагийн хамт олон.

О.ӨНӨР

Шинэ жилийн баярын өдрүүдэд иргэд хэрэгцээт мэдээллээ Улаанбаатар хотын шуурхай удирдлага, зохицуулалтын төвийн 310005, 76111005 дугаарын утсуудад хариуцлагатай жижүр ажиллаж байна.

Тухайлбал, Нийслэлийн газрын алба, Нийслэлийн тээврийн газар, Улаанбаатар зам засвар, арчлалтын газар, Нийслэлийн соёл урлагийн газар, Нийслэлийн аялал жуулчлалын газар, Геодези усны барилга байгууламжийн газар, Улаанбаатар цахилгаан түгээх сүлжээ ТӨХК, Улаанбаатар дулааны сүлжээ ТӨХК, Хот тохижилтын газар, Нийслэлийн мэдээллийн технологийн газар, Нийслэлийн эрүүл мэндийн газар,Хэсэгчилсэн инженерийн хангамжийн удирдах газрын дарга нар хуваарийн дагуу хариуцлагатай жижүүрээр ажиллаж байгаа аж.

Сүхбаатарын талбайд өнөөдөр “Улаанбаатарын мөнгөн үдэш” цэнгүүн 18.00 цагаас эхэлнэ. Үүнтэй холбогдуулан Сүхбаатарын талбайн хоёр талын автомашины урсгалыг хааж, цэнгүүнд оролцогчдын аюулгүй байдлыг хангаж ажиллахаар Замын цагдаагийн газраас шийдвэрлэжээ. Замын хөдөлгөөнийг 18.00 цагаас 01.00 цаг хүртэл хаана. Мөн ойр орчмын зогсоолууд иргэдэд үнэ төлбөргүй үйлчлэх учраас иргэд өөрсдийн тээврийн хэрэгслийг Хангарьд ордон, Улаанбаатар зочид буудал, ДБЭТ, УДЭТ, Спортын төв ордон зэрэг зогсоолуудад байршуулах боломжтой юм байна. Харин автомашингүй очих иргэдэд нийтийн тээврийн их багтаамжийн 658 автобус үйлчлэх бөгөөд Замын цагдаагийн алба, Нийслэлийн онцгой байдлын газар, Улаанбаатар хотын цагдаагийн газрын алба хаагчид иргэдийн аюулгүй байдлыг хангаж ажиллах аж.

Мөн он солигдох мөчид нийслэлийн дөрвөн цэгт буюу Чингисийн талбай, Маахуур толгой, Баянхошуу, Дамбын гүүрнээс ёслолын буудлага хийх юм байна.

Үндэсний эрх чөлөө, тусгаар тогтнолоо сэргээсний түүхт өдрийг тохиолдуулан УИХ-ын гишүүн Самандын Жавхлан дөрвөн сарын цалингаараа тойргийнхоо иргэдэд таван цул авч, тараажээ. Тодруулбал, түүний сүүлийн дөрвөн сарын цалин нь 6 сая 168 мянга 844 төгрөг болсон байна. Тэрээр нийслэлийн Баянзүрх дүүргийн 8, 10, 20, 23, 28-р хорооныхоо өрх толгойлсон, олон хүүхэдтэй эхчүүд, хөгжлийн бэрхшээлтэй иргэд, ахмад настан болон нэн ядуу нийт 300 гаруй өрхөд хонины хуйхалсан толгой, таван цул, сүү, гурил, нүүрс, түлээ өгчээ.

Энэ талаар УИХ-ын гишүүн С. Жавхлан хэлэхдээ “Ард түмний тэн хагасаас илүү нь ажилгүй өлсөж цөхөрч байхад, хэдхэн хүн найрлаж цэнгэж байгааг баяр гэхгүй ээ. Гурван сая хүн бүгдээрээ сэтгэл хангалуун, ижил тэгш баярлавал түүнийг харин баяр гэж хэлж болно. Өнөөдрийн дарга, сайд нарын тэмдэглээд буй олон баярыг эсэргүүцэж байна. Өнөөдөр оргилуун дарс, бялууны өртөгөөр ч мах, гурил аваад өгөхөд яг амьдрал дээрээ багадхааргүй байна. Улаанбаатар хотод бор хоног, шар өдрийг идэх хоол, түлэх түлээгүй өнгөрөөж буй ажил орлогогүй, хөдөлмөрийн чадваргүй айл маш олон байна” гэжээ.

Тэрээр шинэ жилийн баяраас татгалзаж буйгаа мэдэгдэж, баярлаж цэнгэх мөнгөөрөө ядарсан түмэндээ туслацгаая хэмээн бусад гишүүдийг уриалсан билээ. Дээрх тараасан таван цул, хонины толгойг С.Жавхлан гишүүний ажлын албаныхан хуйхалж, цэвэрлэн иргэдэд хүлээлгэн өгсөн байна.

Баярын ширээний бас нэгэн зоог шарсан тахиа зайлшгүй байх байхаа. Тахианы мөч шарах олон арга байдаг ч , энэ удаад хамгийн энгийн гарын доорх орцоор амталж, маш хялбарханаар болгох аргыг санал болгож байна.

Орц:

6 ширхэг төмс

20 гр ургамлын тос

Давс

Нэг цайны халбага орегано

Нэг цайны халбага базилик

Тахиа амтлагч

Шингэн утаа

Hunt’s BBQ соус

Хар перец

5 хумс сармис

Шарах шүүгээнд 180 градуст 30-40 минут болгоно.

Тараг-5 а/х ( амны халбага)

Майонез-5 а/х

Кетчуп-2 а/х

2 а/х гич

2 а/х зөгийн бал

Доорх бичлэгээс хийх аргыг нь
үзнэ үү.

О.ӨНӨР