Нийслэлийн гэмт хэргээс урьдчилан сэргийлэх ажлыг зохион байгуулах зөвлөлийн өчигдрийн хуралдаанаар “Ухаалаг цагдаа” төсөл хэрэгжүүлж, хэв журмын урамшуулалт эргүүл ажиллуулахаар шийдвэрлэсэн юм. Төсөл хөтөлбөрүүдийн талаар өнөөдөр Улаанбаатар хотын цагдаагийн газраас мэдээлэл хийлээ.
Улаанбаатар хотын цагдаагийн газрын Төлөвлөлт, зохион байгуулалтын хэлтсийн дарга, цагдаагийн хурандаа Ж.Баясгалангийн мэдээлснээр хэв журмын урамшуулалт эргүүл маргаашнаас ажиллаж эхэлнэ. Энэ онд нийт 2500 иргэнийг эргүүлд ажиллуулахаар төлөвлөж байгаа юм. Хулгай, дээрмийн гэмт хэргийг бууруулахад засаг захиргаа, иргэний нийгмийн байгууллагууд, иргэд, оршин суугчдын хамтын хүч, оролцоог сайжруулах зайлшгүй шаардлагатай. Тиймээс гэр хорооллын гудамж, орон сууц бүрт тухайн орчинд амьдардаг, оршин суугчдаа сайн мэдэх иргэнийг сонгон, эргүүл хийлгэхээр болсон. Эргүүлд ажиллах иргэдийг сар бүр 25 мянган төгрөгөөр урамшуулна гэдгийг Улаанбаатар хотын цагдаагийн газрын Төлөвлөлт, зохион байгуулалтын хэлтсийн дарга, цагдаагийн хурандаа Ж.Баясгалан хэллээ.
Хэв журмын эргүүл ажилласнаар нийслэлийн иргэдийн идэвхи санаачлагад суурилсан хяналт бий болж, аюулгүй, айдасгүй орчин бүрдэж, гэмт хэрэг зөрчлийн тоо буурна гэж үзэж байна.
Харин “Ухаалаг цагдаа” төсөл хоёр үе шаттай хэрэгжинэ.
Нэгдүгээр үе шат – 2016 он
Цагдаагийн 152 хороо, дэд хэсгийн байрыг нэгдсэн сүлжээнд холбох
Гэмт хэргийн орон зайн мэдээллийн систем
Барьцаалдан зээлдүүлэх үйлчилгээниий нэгдсэн хяналтын систем
Хоёрдугаар үе шат – 2017 он
Мэдээлэл дамжуулах цогц программ хангамжийн өргөтгөл
“Ухаалаг цагдаа” мэдээлэл дамжуулах ухаалаг төхөөрөмж
Дүн шинжилгээний систем
Хороодын цагдаагийн хэлтэс нэгдсэн системд холбогдоогүй учраас цагдаа нар шаардлагатай мэдээллээ нийслэлийн цагдаагийн газар очиж авах зэргээр цаг алддаг. Ухаалаг цагдаа төсөл хэрэгжиснээр цагдаагийн алба хаагчид хэрэгцээт мэдээллээ мэдээллийн нэгдсэн сангаас цаг алдалгүй авах, гэмт хэргийн мэдээллээ шуурхай өгөх боломж бүрдэх юм. Энэхүү төсөл нь цагдаагийн байгууллагын үйл ажиллагааг сайжруулах, гэмт хэргээс урьдчилан сэргийлэх ажлыг оновчтой зохион байгуулах, иргэн, жолооч, тээврийн хэрэгсэл, эрэн сурвалжлалтын талаарх мэдээллийг шуурхай бэлтгэх, дамжуулах, цагдаагийн байгууллагын үйл ажиллагааг иргэдэд шуурхай хүргэх цогц арга хэмжээ юм. Төслийг Улаанбаатар хотын цагдаагийн газар нийслэлийн мэдээллийн технологийн газартай хамтран хэрэгжүүлнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Засгийн газрын хуралдаан өнөөдөр 15.00 цагт болохоор товлогджээ. Хуралдаанаар доорх асуудлуудыг хэлэлцэх аж.
Энэ оны эхний найман сард улсын хэмжээнд объектын гал түймэр 2625 удаа гарч, 6,0 тэрбум төгрөгийн хохирол учран, 23 хүн нас барж, 25 хүн түлэгдэж гэмтэн 97 толгой мал хорогджээ. Мөн 1072 гэр, орон сууц шатсан байна. Дээрх гал түймрийн аюулаас аврагч гал сөнөөгчид 279 хүний амь насыг аварчээ. Мөн аж ахуйн нэгж, байгууллагын 14,6 тэрбум төгрөгийн өмч хөрөнгийг авран хамгаалсан байна. Объектод гарсан гал түймрийг өнгөрсөн оны мөн үетэй харьцуулахад гал түймрийн тоо 22,9 хувь， учирсан хохирлын хэмжээ 20,7 хувиар тус, тус буурчээ. Нийслэл хотод нийт 1755 удаагийн гал түймэр гарч 2,9 тэрбум төгрөгийн хохирол, орон нутагт 870 удаагийн гал түймэр гарч 2,1 тэрбум төгрөгийн хохирол тyc, тус учирсэн байна.
Ирэх есдүгээр сарын 2-ноос ихэнх нутгаар, бусад хугацаанд нутгийн зүүн хагаст бороо, уулаараа нойтон цас орж, хугацааны сүүлчээр цочир хүйтрэхийг Цаг уур, орчны шинжилгээний хүрээлэнгээс малчид, тариаланчид, хадланчдад хандан анхааруулж байна. Тодруулбал, маргааш буюу есдүгээр сарын 1-нд зүүн аймгуудын нутаг, баруун болон төвийн аймгуудын хойд хэсгээр бороо, 2-нд ихэнх нутгаар, 3-нд төв, говь, зүүн аймгуудын нутаг, баруун аймгуудын зүүн хэсгээр, 4-нд зарим газраар бороо, Хангай, Хөвсгөл, Хэнтэйн уулсаар нойтон цас орох аж. Салхи есдүгээр сарын 1, 2-нд зарим газраар, 3-нд говь, талын нутгаар секундэд 12-14 метр хүрч ширүүснэ. Харин ирэх сарын 1-нд нутгийн төв хэсгээр өдөртөө дулаахан байх боловч бусад хугацаанд сэрүүсч Алтай, Хангай, Хөвсгөл, Хэнтэйн уулархаг нутгаар шөнөдөө 2 градус хүйтнээс 3 градус дулаан, цочир хүйтэрнэ, өдөртөө 8-13 градус, говийн бүс нутгийн өмнөд хэсгээр шөнөдөө 8-13 градус, өдөртөө 20-25 градус, бусад нутгаар шөнөдөө 4-9 градус, өдөртөө 14-19 градус дулаан байх аж. Харин Улаанбаатар хотод, есдүгээр сарын 3, 4-нд нийт дүүргээр бороо орно. Салхи ихэнхи хугацаанд секундэд 5-10 метр, зарим үед 12-14 метр хүрч ширүүснэ. Шөнөдөө Багануур, Тэрэлж орчмоор 0-5 градус дулаан бусад дүүргээр 3-8 градус дулаан, өдөртөө нийт дүүргээр 16-21 градус дулаан байна. Улаанбаатар хотод есдүгээр сарын 3-наас сэрүүсэх ажээ.
Монголын дасгалжуулагчдын “Рио-2016” олимпийн наадмын үеэр шүүлтийг эсэргүүцсэн хувцсаа тайлсан зурагтай футболка АНУ-ын онлайн худалдааны сайтад худалдаалагдаж байгаа юм байна. МУГТ Г.Мандахнарангийн хүрэл медалийн төлөө Узбекстаны бөх Наврузовтой хийсэн барилдаан будлиантай болж одоо болтол энэ талаарх маргаан үргэлжилж байгаа билээ. Тэгвэл хоёр дасгалжуулагчийн хувцсаа тайлан нүцгэлсэн зурагтай “Аварга шиг барилд, Монгол шиг тэмц” нэртэй цамц АНУ-ын интернэт худалдаанд гарчээ. Монголын дасгалжуулагчдын эсэргүүцэл үзүүлж буй зурагтай энэхүү футболкийг 
Замын хөдөлгөөний аюулгүй байдлыг хангах үйл ажиллагааг удирдан зохион байгуулах ажлын хэсгийн ээлжит хурал өнөөдөр боллоо. Хурлын үеэр нийслэл хотын ерөнхий боловсролын сургуулиудын сурагчийн автобусанд хийсэн шалгалтын талаар танилцуулав. 2016 оны наймдугаар сарын 25, 26-ны өдрүүдэд Баянзүрх дүүргийн нутаг дэвсгэр Дүнжингарав худалдааны төвийн зогсоолын талбайд шалгалтыг явуулсан шалгалтад нийслэлийн долоон дүүргийн 43 сургууль, хоёр цэцэрлэгийн нийт 103 автобус хамрагджээ. Сургуулиуд сурагчийн автобусны стандартыг төдийлөн баримтлахгүй байгаа нь шалгалтын дүнгээс харагдаж байгааг энэ үеэр онцоллоо. Нийслэлийн Засаг даргын Дэд бүтцийн хөгжлийн асуудал хариуцсан орлогч П.Баярхүү ерөнхий боловсролын сургуулиудад сурагчийн автобусны стандартыг мөрдөх хугацаатай шаардлага хүргүүлэхээр шийдвэрлэлээ.
Маргааш буюу есдүгээр сарын 1-нд байгалийн ховор үзэгдэл болно. Тодруулбал нарны цагираг хиртэлт болно гэдгийг Одон орон, геофизикийн хүрээлэнгээс мэдээллээ. Нарны цагираг хиртэлт нь жилд хоёр удаа зайлшгүй тохиолддог, ховор үзэгдэл юм. Зарим жилүүдэд таван удаа болох тохиолдол ч байдаг гэнэ. Энэхүү ховор үзэгдэл нь Монголд хамгийн сүүлд 2008 оны наймдугаар сарын 1-нд тохиосон юм. Энэ удаагийн хиртэлт Өмнөд Африкийн Габон, Конго, Танзан, Мадагаскар зэрэг улсуудад илүүтэй ажиглагдах ажээ.