Нийслэлийн Засаг дарга бөгөөд Улаанбаатар хотын Захирагч С.Батболд өнөөдөр Японы Тоттори мужийн Захирагч ноён Мияаваки Масамичийг хүлээн авч уулзлаа.
Уулзалтаар Улаанбаатар хотод “Гранд гольф”-ийн спортыг хөгжүүлэх, Тоттори мужийн Юрихама хоттой хамтран ажиллах талаар санал солилцлоо.
Тоттори муж нь “Гранд гольф”-ийн спортыг хөгжүүлэхээр чармайн ажиллаж байгаа бөгөөд энэ спортоор хичээллэдэг хүний тоо 3 саяд хүрсэн талаар ноён Мияаваки Масамичи хэллээ. Мөн “Гранд гольф”-ийн олон улсын холбоо байгуулахаар ажиллаж байгаа төдийгүй 2021 онд дэлхийн аварга шалгаруулах тэмцээнийг Японд зохион байгуулахаар бэлтгэж байгаа юм байна. Дэлхийн аварга шалгаруулах тэмцээнд дэлхийн 40 гаруй орноос оролцох төлөвлөгөөтэй байна гэлээ. “Гранд гольф”-оор хэн ч хичээллэж болдог төдийгүй эрүүл мэндэд тустай спорт гэдгийг тэрээр тодотголоо.
Японы Тотари муж нь Төв аймагтай 1996 оноос эхлэн хамтран ажилласан. Хамтын ажиллагааны хүрээнд “Гранд гольф”-ийн спортын иж бүрэн хэрэглэл бэлэглэж байжээ.
Нийслэлийн Засаг дарга С.Батболд хэлэхдээ “Япон улсын Тоттори муж бол миний сэтгэлд их ойр байдаг. Би Төв аймгийн ЗДТГ-т ажиллаж байхдаа 1997 онд тус мужид болсон “Japan expo”-д оролцож байлаа. Улаанбаатар хотод гольфийн спорт сонирхдог, энэ спортоор хичээллэдэг хүн олон болж байна. Тиймээс “Гранд гольф”-ийн спортыг Улаанбаатар хотод хөгжүүлэхэд та бүхэнтэй хамтран ажиллахад бэлэн байна. Улаанбаатар хотын Туул голын эрэг дагуу гольфийн спортыг хөгжүүлэх боломжтой юм. Цаашид нийслэлийн гадаад харилцааг улам илүү хөгжүүлж, шинэ шатанд гаргахаар ажиллаж байна. Тиймээс танай муж улс болон Юрихама хоттой Улаанбаатар хот найрамдалт харилцаа тогтоож, харилцан туршлага солилцох хүсэлтийг дэмжиж байна” гэлээ гэж Нийслэлийн ЗДТГ-ын Хэвлэл мэдээллэл, олон нийттэй харилцах хэлтсээс мэдээллээ.
Оюутолгойн захирлаар ажиллаж байсан Эндрью Вүүдлэйгийн оронд “Рио Тинто” компанийн Хөнгөн цагааны салбарт ажиллаж байсан Армандо Торрес томилогдон өнөөдрөөс ажилдаа оржээ. Томилгооны ерөнхий жишгээр шинэ захирал урьдахаасаа бараг илүү буюу 
Москвагийн “Патроит” цэнгэлдэх хүрээлэнд Олон улсын армийн тоглолтын нээлт өнгөрсөн сарын 30-ны өдөр болжээ. Өнөөдрийн байдлаар “Армийн тоглолт-2016”-д Европ, Ази, Африк, Латин Америкийн 19 орны 121 баги
Дэлхийн Буддист эмэгтэйчүүдийн “Гэгээрэл рүү замнах нь” сэдэвт гуравдугаар хурал өнөөдөр буюу наймдугаар сарын 1-нд Монголын бурхан шашинтны төв Гандантэгчэнлин хийдэд эхэлжээ.
“Гэгээрэл рүү замнах нь” сэдэвт гуравдугаар хурал хоёр өдөр үргэлжлэх бөгөөд маргааш “Монголын буддист эмэгтэйчүүдийн нийгэмд гүйцэтгэх үүргийг дээшлүүлэх нь ” сэдвийн хүрээнд илтгэл хэлэлцэх аж.
УИХ-ын анхдугаар чуулганыг энэ долоо хоног буюу наймдугаар сарын 4-нд Төрийн албаны зөвлөлийн орон тооны гишүүнийг чөлөөлөх, томилох тухай асуудлыг хэлэлцсэнээр хаах аж. Өнгөрөгч долоо хоногт анхдугаар чуулганыг хаах төлөвлөгөөтэй байсан ч Төрийн албаны зөвлөлийн гишүүнийг чөлөөлөх, томилох асуудлаар УИХ дахь АН-ын бүлэг ажлын гурав хоногийн завсарлага авсан юм.
МАН-ын гишүүд дэмжигчид “Цэгцрэх хөдөлгөөн”-ийг байгуулжээ. Тэд өнөөдөр мэдээлэл хийж, цаашид мэргэжлийн Засгийн газарт хөндлөнгөөс шүүмж өгч, дэмжиж ажиллах болсон тухай мэдээллээ. Хөдөлгөөнийхний хэлж буйгаар тэд МАН-ыг дэмжигч, жирийн иргэдийн төлөөлөл гэлээ. Ерөнхий зохион байгуулагчаар П.Өлзийнаран ажиллаж байгаа аж. Харин нарийн бичгийн даргаар Ч.Гүнжидмаа ажиллаж эхэлжээ. Жирийн иргэдийн дундаас, олон нийтийн сүлжээгээр дамжуулан нэгдсэн гэх тус хөдөлгөөнд нийслэлээс гадна Эрдэнэт, Сэлэнгэ, Багануур, Налайхаас залуус нэгдсэн байна.
Японы батлан хамгаалахын сайд асан Юрико Койкэ Токио хотын засаг даргаар сонгогдож өчигдөр баяраа тэмдэглэжээ. Юрико Койкэ нь өнгөрсөн ням гаригт 2.9 сая хүний саналыг авч өрсөлдөгчөө илт давуу байдлаар ялсан бөгөөд Токио хотын хамгийн анхны эмэгтэй захирагч болж буйгаараа онцлог аж. 
Ю.Койко нь улстөрч Хирояа Масуда, сэтгүүлч Шинтаро Ториго нартай өрсөлдөж ялалт байгуулжээ. Х.Масуда ойролцоогоор 1.8 сая хүний санал авсан бол Ш.Ториго нь 1.3 сая хүний санал авсан гэж Токиогийн сонгуулийн хорооноос мэдэгдсэн байна. 
Триатлоны насанд хүрэгчдийн Улсын аварга шалгаруулах тэмцээн Архангай аймгийн Өгийнуурт долдугаар сарын 29-31-ны өдрүүдэд боллоо. Энэ жилийн улсын аваргад хот, хөдөөгийн 70 гаруй тамирчин тэсвэр хатуужлаа сорин өрсөлдөв. Энэ жилийн УАШТ-д багийн буухиа, акуатлоны төрлийг нэмж, сонирхогчдын насны ангиллыг олон болгосон нь онцлог байлаа. Тэмцээний хамгийн ахмад оролцогч нь Итали улсын иргэн Лучиано Космо (52 настай), “Хангарьд” клубийн тамирчин П.Гантулга (49 настай) нар байсан юм. Эрэгтэйчүүдийн элит төрөлд “Хангарьд”-ын Ч.Гансүх түрүүлсэн бөгөөд тэрбээр анх 2006 онд аваргалсан түүхтэй. Эмэгтэйчүүдийн элит төрөлд мөн “Хангарьд”-ын Э.Сүрэнням алтан медаль хүртсэнээр спортын мастерийн болзол хангав. Элит төрөл нь 600 метр усанд сэлж, 10 км дугуйгаар, таван км гүйж барианд ордог аж. Энэхүү тэмцээнийг эрүүл мэнд спортын яамнаас зохион байгуулж 4 сая төгрөгийг гаргасан байна. Мөн тэмцээний үеэр тусгай шүүгч нар ажиллажээ.
“Рио-2016” олимпод Монгол тамирчдын оролцох тэмцээнүүдийн хуваарийг хүргэж байна.