“Өдрийн сонин”-ы пүрэв гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
2016 оны УИХ-ын болон аймаг, нийслэлийн ИТХ-ын сонгууль өчигдөр болж өндөрлөлөө. Энэ удаагийн сонгуульд МАН үнэмлэхүй ялалт байгуулж УИХ-д 65 суудал авсан. Сонгуулийн эргэн тойрны сурвалжлагыг нэг, тав болон зургадугаар нүүрнээс уншиж сонирхоорой.
“Өдрийн сонин”-ы нийтлэлийн бодлогыг тодорхойлогч гуравдугаар нүүрэнд нэрт нийтлэлч Б.Цэнддоогийн “Сонгууль чамдаа баярлалаа” нийтлэл хэвлэгдэн уншигчдынхаа гарт хүрлээ.
Баримт үйл явдлын долдугаар нүүрнээс 27 кг мөнгөн ус хилээр нэвтрүүлэх гэж байгаад баригдсан тухай болон “Playtime” хөгжмийн фестивалийн үеэр хар тамхи авч явсан хэргийн талаар уншаарай. Мөн сонгуулийн үеэр цагдаагийн байгууллага хэрхэн ажилласан болон сонгуультай холбоотой ямар ямар хэрэг зөрчлүүд гарсан тухай нийтэллээ.
Монголын уул уурхайн үндэсний ассоциацийн ерөнхийлөгч Н.Алгаатай хийсэн ярилцлагыг наймдугаар нүүрнээс уншаарай. Тэрээр Эрдэнэт үйлдвэрийн Оросын талын эзэмшиж буй 49 хувийг Худалдаа хөгжлийн банкийг төлөөлж “Монголын зэс” компани эзэмших нь тодорхой болоод байгаа тухай мэдээлэл өгсөн юм.
Элсэлтийн ерөнхий шалгалтын хариу шалгалт болохоос өмнө задраагүй хэмээн Цагдаагийн ерөнхий газар болон Боловсролын үнэлгээний төвөөс мэдээлсэн билээ. Энэ тухай аравдугаар нүүрнээс унших боломжтой.
“Өдрийн сонин” энэ удаагийн дугаараас эхлэн нэгэн шинэ булан нээлээ. “Багш” булангийн анхны зочноор Монгол Улсын гавьяат багш Л.Гавалмааг урилаа. Энэ тухай 11 дүгээр нүүрнээс уншина уу.
Хөгжим бүжгийн коллежийн захирал, Монгол Улсын гавьяат жүжигчин Г.Эрдэнэбаттай хийсэн ярилцлагыг 12 дугаар нүүрнээс унших боломжтой. 13 дугаар нүүрэнд домогт аварга Д.Хадбаатарын үеэл эгчтэй ярилцсан сонирхолтой яриаг нийтэллээ.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920, 88085029, 90191890 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ
2016 оны УИХ болон аймаг, нийслэлийн сонгуулийн урьдчилсан дүнгийн талаар Ардчилсан нам мэдээлэл хийлээ. АН-ын дарга З.Энхболд “Манай нам сонгуулийн дүнг хүндэтгэж байна. Өнгөрсөн дөрвөн жил туйлын хүнд дөрвөн жил байлаа. Гэхдээ бүтээн байгуулалтын ажлаасаа ухрахгүй. МАН-д амжилттай ажиллахыг уриалж байна. Ялалт байгуулсан арваад нэр дэвшигчдээ баяр хүргэе. Намын дүрмийн дагуу сонгуульд амжилтгүй оролцсон хариуцлагаа хүлээнэ” гэлээ.
УИХ-ын сонгуулийн урьдчилсан дүнгээр МАН үнэмлэхүй ялалт байгуулж УИХ-д 63 суудал авлаа гэж СЕХ-ноос мэдээлсэн билээ. Дөнгөж сая МАН-ын зүгээс мэдээлэл хийж, МАН-ын дарга М.Энхболд үг хэллээ. Тэрээр “2016 оны УИХ, аймаг, нийслэлийн ИТХ-ын сонгуулийн санал хураалтын үйл ажиллагаа улс орон даяар амжилттай явагдаж дууссан тухай СЕХ сая мэдээллээ хийлээ. Энэ сонгуульд МАН-аас УИХ-д нэр дэвшсэн нэр дэвшигчдээс одоогийн бидэнд ирээд байгаа мэдээллээр 63 нэр дэвшигч ялалт байгуулсан байна. Аймаг, нийслэлийн ИТХ-ын дүн гарч Завхан аймгаас бусад 20 аймагт болон нийслэл хотод МАН-ын нэр дэвшигчид олонхи болсон байна. Энэ сонгуульд ирц өндөртэй ирж оролцсон нийт ард түмэндээ МАН-ын нэр дэвшигчдийг дэмжсэн бидний намын гишүүд идэвхтэн сонгуультангууд, намын нэр дэвшигчдийг дэмжиж саналаа өгсөн нийт ард түмэндээ МАН чин сэтгэлээсээ талархал илэрхийлж байна” гэлээ. 
Сонгуулийн ерөнхий хороон дээр ажиллаж байгаа манай сурвалжлах хэсгээс мэдээлэл ирлээ. Нэр дэвшигчдийн авсан саналын дүнг удахгүй Сонгуулийн ерөнхий хорооноос албан ёсоор мэдээлэх гэж байна. Бидний авсан урьдчилсан мэдээллээр дараахь нэр дэвшигчид илүү саналтай явж байна.
УИХ-ын гишүүд болон аймаг нийслэлийн иргэдийн төлөөлөгчдийг сонгох 2016 оны улстөрийн сонгуулийн санал хураалт өнөөдөр улс орон даяар явагдаж өндөрлөлөө. Сонгуулийн санал хураалт өнөөдөр өглөөний 07:00 цагаас эхэлж, үдшийн 22:00 цагт дуусгавар болж буй юм. Өнгөрсөн 2012 оны улстөрийн сонгуулийн ирц 62 хувьд хүрсэн бол өнөөдөр 17:00 цагийн байдлаар ирц 55 хувьд хүрсэн нь сонгогчид сонгуульд идэвхтэй оролцож буйг харуулж байна. 
УИХ болон аймаг, нийслэлийн ИТХ-ын 2016 оны ээлжит сонгууль Монгол орон даяар өнөө өглөөний 07:00 цагт эхэлсэн. Сонгогчдын ирцийн эхний мэдээллээр Сонгуулийн ирц Нийслэлийн хэмжээнд 18.3 хувь байгаа бол Монгол орон даяар 23.3 хувь байсан. Тэгвэл яг одоогийн байдлаар Сонгуулийн ирц Нийслэлийн хэмжээнд 517.149 сонгогч буюу 61.30 хувьтай байгаа талаарх мэдээллийг Нийслэлийн сонгуулийн хорооноос дөнгөж сая мэдээллээ.
