“МОНГОЛ УЛСЫН ХӨРӨНГӨ ОРУУЛАЛТЫН ЦАХИМ ХӨТӨЧ СИСТЕМ” өнөөдрөөс ажиллаж эхэлж байна. Нээлтийн ажиллагаанд Монгол Улсын Ерөнхий сайд Ч.Сайханбилэг оролцлоо.
Олон улсын тавцанд ялангуяа, эдийн засгийн хувьд манай орон гадаадын хөрөнгө оруулагчдын сонирхлыг татсан хэвээр байна. Засгийн газар гадаадын шууд хөрөнгө оруулалтыг эдийн засгийн тогтвортой хөгжлийн гол түлхүүр хэмээн үзэж, хөрөнгө оруулалтыг бүх талаар дэмжих бодлого баримталж байна. 2013 онд Хөрөнгө оруулалтын тухай хууль баталсан, энэ хуулиар хөрөнгө оруулагчдыг хамгаалах, дэмжих тогтолцоог бий болгож, татварын болон татварын бус хөнгөлөлтүүдийг үзүүлж, зах зээлийг чөлөөлж, бизнес эрхлэх зардал, хүнд суртлыг багасгасан. Дэлхийн банкнаас гаргадаг Бизнес эрхлэх нь 2016 тайланд дэлхийн 189 улсаас манай улс 56 дугаарт жагсаж, хөрөнгө оруулагчийг хамгааллах тогтолцоогоороо 18 дугаарт бичигдэж байгаа нь манай хуулийн орчинд олон улсаас өгч буй өндөр үнэлгээ юм Ерөнхий сайд хэллээ.
Оюутолгой төсөл Монголын эдийн засгийг тэлэхэд ихээхэн чухал үүрэг гүйцэтгэсэн. Цаашид гүний уурхайн бүтээн байгуулалт мөн л эдийн засагт эерэг нөлөө авчрахын зэрэгцээ гадаадын хөрөнгө оруулагчдыг чиглүүлэгч гол төсөл байх болно гэдгийг тэмдэглэлээ.
Дэд бүтцийн салбарт олон олон бүтээн байгуулалтууд бий болж байна. Төслүүд нэмэгдэх хэмжээгээр гадаадын хөрөнгө оруулалт татах, хөрөнгө оруулагчдад дэмжлэг үзүүлэх шаардлага зайлшгүй тавигдах болсон. Хөрөнгө оруулалтын хуулийн хүрээнд 2015 оны байдлаар Хөрөнгө оруулалтын 3 гэрээ байгуулж, тогтворжуулах 8 гэрчилгээг хөрөнгө оруулагчдад олгожээ. Эдгээр төслийн хөрөнгө оруулалтын дүн 3 тэрбум ам.доллар байна. Түүнчлэн концессын 20 гаруй гэрээ байгуулсан бөгөөд эдгээрийн хувийн хэвшлээс хөрөнгө гаргаж, улсын төсвөөс огт дэмжлэг авахгүйгээр хэрэгжүүлэх /BOT/ төслүүдийн хөрөнгө оруулалтын дүн 4 орчим тэрбум ам.доллар байгаа юм
Монгол Улсын Засгийн газар эдийн засгаа төрөлжүүлэхэд ихээхэн анхаарал тавьж байна. Уул уурхайн салбар манай эдийн засгийн гол хөдөлгөх хүч гэдэг нь ойлгомжтой ч, худалдаа, аж үйлдвэрийн салбараа хөгжүүлэх нь нэн тулгамдсан асуудал болоод байна.
Хөдөө аж ахуй, органик, байгалийн жинхэнэ бүтээгдэхүүн бүхий хүнсний үйлдвэрлэл, асар их нөөц бүхий сэргээгдэх эрчим хүч, өсөн дэвжиж буй банк санхүүгийн салбар, хэрэгцээ шаардлага нь ихэссэн эрүүл мэндийн салбар, нөөц бололцоо ихтэй аялал жуулчлалын салбар, асар хурдтай хөгжиж буй мэдээлэл технологийн салбар, өндөр ашиг бүхий дэд бүтцийн салбар зэрэг олон бизнесийн салбаруудад хөрөнгө оруулалт шаардлагатай байна гэж Ерөнхий сайд хэллээ.
Засгийн газар нүүрсний ордуудыг эрчим хүч үйлдвэрлэхэд чиглүүлж байна. Тухайлбал, 700 MWT Багануурын цахилгаан станц, 60 MWT Увсын цахилгаан станц, Улаанбаатарын 5 дугаар цахилгаан станц, Тэлмэний цахилгаан станц зэрэг Концессын гэрээнүүдийг байгуулсан байна. Бөөрөлжүүтийн цахилгаан станцын Хөрөнгө оруулалтын гэрээнд өнөөдөр гарын үсэг зурах юм.
Хөрөнгө оруулалтын хуулинд цахим нэг цонхны үйлчилгээ үзүүлэхээр заасан. Энэ ажлын бас нэгэн үргэлжлэл нь өнөөдөр хэрэгжиж байна. Монгол улсад гадаадын хөрөнгө оруулагчдыг татах, таатай нөхцөл бүрдүүлэхэд тэднийг бодит, шинэлэг, зөв, хүртээмжтэй мэдээллээр хангах нь зайлшгүй хийх ёстой ажлуудын нэг юм гэдгийг онцлоод Монгол Улсын Засгийн газар тэр дундаа Хөрөнгө оруулалтын газар ЮНКТАД-тай хамтран хэрэгжүүлж буй “МОНГОЛ УЛСЫН ХӨРӨНГӨ ОРУУЛАЛТЫН ЦАХИМ ХӨТӨЧ СИСТЕМ” үнэтэй хувь нэмэр оруулна гэдэгт итгэлтэй байгаагаа илэрхийллээ.
e-Regulations цахим хөтөлбөр нь Нэгдсэн Үндэстний байгууллагын худалдаа хөгжлийн бага хурал (UNCTAD)-аас гаргасан Засгийн газрын хууль болон үйл ажиллагааг ил тод байлгаж бизнес, худалдаа, хөрөнгө оруулалтыг дэмжих зорилготой хөтөлбөр юм.
WWW.THEIGUIDES.ORG/MONGOLIA/цахим систем нь хөрөнгө оруулагчдад нэн шаардлагатай байдаг Монгол Улсын эдийн засаг, эдийн засгийн тэргүүлэх салбарууд, хууль эрх зүй, хөрөнгө оруулалтын орчин, тэдгээрт хөрөнгө оруулах боломж, бүртгэл тусгай зөвшөөрлийг хаанаас, хэрхэн авах зэрэг нэн шаардлагатай мэдээллээр нэгдсэн нэг цонхноос цахимаар тухай бүрт шинэчилсэн, үнэн бодит мэдээллэр хангах ач холбогдолтой юм.
Цахим системийг нэвтрүүлснээр хөрөнгө оруулагчдыг нээлттэй, түргэн шуурхай мэдээллээр хангах бөгөөд хөрөнгө оруулалтын орчныг сайжруулж улмаар манай улсын эдийн засагт хувь нэмэр болно гэж үзэж байна.
Цахим нэг цонхны үйлчилгээг нэвтрүүлснээр дараах ач холбогдолтой,
- Ил тод байдал – Засгийн газрын хууль тогтоомж, үйл ажиллагааны талаарх мэдээллийг цаг тухайд нь дэлгэрэнгүй хүргэх;
- Хялбар шаталсан тайлбар – дэлгэрэнгүй зураглалтай мэлээлэл нь судалгаа хийх үйл явцыг хялбаршуулж, цаг хугацаа хэмнэх;
- Гадаад, дотоодын хөрөнгө оруулагчид болон, хувийн ба төрийн байгууллагын хоорондох харьцааг бэхжүүлэх зэрэг болно.
Энэхүү арга хэмжээнд Ерөнхий сайд Ч.Сайханбилэг, Засгийн газрын Хэрэг эрхлэх газрын дарга С.Баярцогт, НҮБ-ын Хөгжлийн хөтөлбөрийн суурин төлөөлөгч Биате Транкманн нар оролцлоо гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
Хойд Америкийн Аляска мужид байрлах Талкеетна сууринд аялал жуулчлалын зориулалтаар монгол гэр байрлуулжээ. Уг гэрийг үзмэрийн зориулалтаар дамжин өнгөрөх жуулчдад үзүүлдэг аж. Түүнчлэн уг суурин газарт монгол гэртэй төстэй жижиг байгууламжуудад худалдаа үйлчилгээний газрууд үйл ажиллагаа явуулдаг байна. Талкеетна суурин нь Аляска мужид байрлах Америкийн тэргүүн оргил Денали уул руу явах замд таарах хамгийн сүүлийн суурин газар юм. Дэлхийн олон улс орны ууланд авирагчид болон жуулчид уг суурингаар дамжин өнгөрдөг аж. Талкеетна суурингаас цааш автомашин болон явганаар явах боломгүй байдаг ба уг суурингаас айртакси гэх жижиг онгоцоор Денали уул руу нисч хүрдэг байна.
Самбо бөхийн Азийн АШТ Туркменистан улсын
Маргааш Олон улсын хүүхдийн эрхийг хамгаалах өдөр бөгөөд энэ баярыг жил бүр орон даяар тэмдэглэн өнгөрүүлдэг билээ. Соёл урлагийн байгууллагууд, тэр дундаа Улаанбаатар хотын музейнүүд энэ баярыг тэмдэглэхэд идэвхтэй оролцдог. Өчигдөр хэдэн музейгээр орж Олон улсын хүүхдийн эрхийг хамгаалах өдрөөр залуу үзэгчдэдээ зориулан юу хийхээр төлөвлөж байгаа талаар сонирхсон юм. Орсон музейнүүд нэлээд ачаалалтай, хөл хөдөлгөөн ихтэй байлаа.
Үндэсний түүхийн музей нь өнөөдөр буюу тавдугаар сарын 31, зургадугаар сарын 1-ний өдрүүдэд хүүхдүүдэд мөн үнэгүй үйлчилнэ. Жил бүр энэ өдрийг угтан олон арга хэмжээ зохион байгуулдаг уламжлал олон жилийн өмнөөс тогтжээ. Энэ жил “Үлгэрийн баатрын ертөнцөөр аялсан нь” хэмээх сонирхолтой арга хэмжээ болно. Үндэсний түүхийн музейн өмнөх талбайд хүүхдүүдийг үлгэрийн баатрууд угтах бөгөөд хүсвэл тэдэнтэй цуг зургаа авахуулж болох юм байна. Улс орны түүхийг өгүүлсэн уг музейд XIII-XIV зууны үеийн Монголын хаад, хатад, баатруудын хувцас хадгалагдаж байдаг. Түүнийг самбар дээр зурсан бөгөөд толгойгоо хийж зургаа авахуулахад өмссөн мэт харагдах. Монголын үндэсний хорол, үйчүүр, алаг мэлхий зэрэг оюун ухаан хөгжүүлдэг үндэсний уламжлалт тоглоомууд байдаг. Өнөө үед эдгээр нь бараг мартагдсан гэж болно. Тиймээс Үндэсний түүхийн музейн хамт олон тэдгээрийг залуу үедээ эргэн сануулах зорилгоор тэдгээр тоглоомуудыг хэрхэн тоглохыг хүүхдүүддээ зааж өгөх юм байна. Тус музейн боловсролын өрөөнд Монголын уламжлалт ахуй амьдралыг харуулсан бяцхан гэр байдаг. Үүнийг ч үзэх боломж олгож байгаа юм. Боловсрол, соёл шинжлэх ухааны яамнаас залуу үеийг хүмүүжүүлэхэд музейн оролцоо чухал үүрэгтэй хэмээн үздэг аж. Тиймээс тус музейн захиргаа 10 дугаар ангийн хүүхдүүдийг үнэгүй үзүүлдэг болсон байна. Зургадугаар ангиасаа хойш дөрвөн жил түүхийн хичээлийг заалгуулсан хүүхдүүд улс орныхоо өнгөрсөн үеийн тухай тодорхой мэдлэг, мэдээлэлтэй болсон тул тус музейг үзэхэд яг тохиромжтой хэмээн үзжээ. 
НҮБ-ын Байгаль орчны ассемблейн (НҮББОА) хоёрдугаар чуулган өнгөрсөн долоо хоногийн турш үргэлжилж Бямба /2016.05.28/ гаригийн өглөө өндөрлөлөө. Чуулганд дэлхийн 174 орны 2000 гаруй төлөөлөгч оролцсоны дотор 120 гаруй орон сайд нарын хэмжээнд төлөөлөгчөө илгээжээ. Чуулганы сүүлийн хоёр өдрийн хуралдааныг Сайд нарын өндөр хэмжээнд болсон байна.
Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Нөхөх олговрын хөрөнгө гаргах тухай” А/421 дүгээр захирамж гаргалаа. Захирамжаар Нийслэлийн Засаг даргын дэргэдэх “Гудамж” төслийн хөрөнгөөр хийж байгаа Хан-Уул дүүргийн 3 дугаар хороо Эрчим хүчний гудамжийг Ажилчны гудамжтай холбох 0.7 км авто замын ажлын трасст өмчлөлийн газар нь орсон иргэн, аж ахуйн нэгж, байгууллагын үл хөдлөх эд хөрөнгийн нөхөх олговрын хэмжээг батлав.
МАХН-ын дарга Н.Энхбаяр өчигдөр орой 22:00 цагийн үед Тусгаар тогтнолын талбай дахь өлсгөлөнгөө зогсоолоо. Учир нь Сонгуулийн ерөнхий хорооноос тус намын нэр дэвшигчдийн талаарх материалыг 21:00 цагийн үед хүлээж авсан байна. Түүнчлэн тус талбай дээр удахгүй Хүүхдийн баярын үйл ажиллагаа болох гэж байгаа гэх зэрэг шалтгаанаар өлсгөлөнгөө зогсоосон аж.
УИХ-ын 2016 оны сонгуульд оролцохоор бүртгэгдсэн 11 нам, гурван эвсэл хуульд заасан хугацаанд багтаан нэр дэвшигчдийнхээ баримт бичгийг Сонгуулийн Ерөнхий Хороонд хүлээлгэн өглөө. Нам, эвсэл нэр дэвшигчдийнхээ нэр дэвшүүлсэн тухай хуралдааны шийдвэр, тэмдэглэл, нэрийн жагсаалт, нэр дэвшигч бүрийн бичгээр өгсөн зөвшөөрөл, нэр дэвшигчийн хөрөнгө, орлогын мэдүүлэг, өр төлбөргүй болох тухай нэр дэвшигчийн мэдүүлэг, өр төлбөргүйг нотолсон татварын болон шүүхийн шийдвэр гүйцэтгэх газрын тодорхойлолт, төрийн албан тушаалаас чөлөөлөх шийдвэр зэрэг баримт бичгийг өгсөн байна. 
Зорилго: Олон улсын хүүхдийн эрхийг хамгаалах өдрийг тохиолдуулан “Ном”, “Авьяас”, “Багшийн хөгжил” хөтөлбөрийн үр дүнг олон нийтэд тайлагнах, багш, хүүхдийн авьяас, ур чадвар, амжилтыг сурталчлах, алдаршуулах