Монгол Улсын Ерөнхий прокурорын тушаалаар байгуулагдсан иж бүрэн шалган туслах ажлын хэсэг 2016 оны 05 дугаар сарын 02-ноос 14-ны өдрүүдэд Архангай, Завхан, Говь-Алтай, Хөвсгөл аймгуудын прокурорын газруудад ажиллана.
Шалгалтын хүрээнд Прокурорын байгууллагын тухай хууль болон эрүүгийн хууль тогтоомж тэдгээрийг хэрэгжүүлэхээр гаргасан Улсын Ерөнхий прокурорын тушаал, албан даалгавар, заавар, журмын хэрэгжилтийн байдал, прокуророос хуулиар хүлээсэн чиг үүргээ хэрэгжүүлэхэд учирч буй хүндрэл бэрхшээл, хяналтын ажилд гаргаж буй алдаа зөрчил, дутагдал, түүнд нөлөөлж буй шалтгаан нөхцлийг судалж тогтоох, 2014, 2015, 2016 оны 1-р улирлын байдлаар хийсэн ажилд нь дүгнэлт өгөх, илэрсэн зөрчлийг арилгуулах, удирдлага зохион байгуулалт болон хяналтын ажлын чиглэлээр мэргэжил арга зүйн туслалцаа үзүүлнэ.
Монгол, Хятадын авто замын хилийн боомтууд Олон улсын хөдөлмөрчдийн баярыг тохиолдуулан тавдугаар сарын нэгэнд амарна. Харин тавдугаар сарын 2-ноос эхлэн цагийн хуваарийн дагуу ажиллана. “Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, БНХАУ-ын Засгийн газар хоорондын хэлэлцээр”-т заасны дагуу ийн амрах аж.
УИХ-ын чуулганы үдээс хойшхи хуралдаанаар Иргэний улсын бүртгэлийн тухай шинэчилсэн найруулгын төслийг хэлэлцэх эсэхийг шийдлээ.
Зэвсэгт хүчний нөхөн хангалт, захиалга, тухайн жилд цэргийн жинхэнэ албанд татах иргэдийн тоо, татлага явуулах ээлж, хугацааг тогтоох тухай Монгол Улсын Засгийн газрын тогтоол гардаг. Энэ тогтоолыг үндэслэн аймаг, нийслэл /дүүрэг/-ийн Засаг даргын захирамжийн дагуу хугацаат албаны цэрэг татлагыг зохион байгуулан явуулж байна.
Чингисийн талбайд “Шударга сонгуулийн төлөө” эсэргүүцлийн цуглаан болж байна. Тус цуглааныг МАХН, МҮАН, ИЗНН-аас зохион байгуулж байгаа ба тэд сонгуулийг шударга явуулахад иргэдийн анхаарлыг хандуулахыг зорьжээ. Түүнчлэн МАХН-аас сонгуулийн хуулийн дагуу Үндэсний аудитын газарт намын мөрийн хөтөлбөрөө хүргүүлсэн боловч өчигдөр тус газраас МАХН-ын боловсруулсан мөрийн хөтөлбөр нь Сонгуулийн тухай хууль, Төсвийн тогтвортой байдлын тухай хууль, Хөгжлийн бодлого төлөвлөлтийн тухай хууль, УИХ-ын 2016 оны 19 дүгээр тогтоолоор батлагдсан “Монгол улсын тогтвортой хөгжлийн үзэл баримтлал-2030”, Монгол улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуультай нийцсэн тухай дүгнэлтийг албан ёсоор гаргуулжээ. Дээрхи шийдвэрийг МАХН-аас эсэргүүцэж байгаа ба Үндсэн хуулийн цэц нь улс төрийн нөлөөнд автаж, ижил төрлийн маргаанд хоёр өөр дүгнэлт гаргаж байна хэмээн үзэж ийнхүү жагсаж байна.
Монгол Улс Энэтхэг улстай ялтан
МАХН 2016 оны сонгуульд дангаараа оролцоно гэдэг шийдвэр гаргасан. Тиймээс МАХН-ын дарга Н.Энхбаяр болон тус намын дэд дарга Э.Эрдэнэжамьяан болон холбогдох албаныхан өнөөдөр СЕХ-нд хүрэлцэн ирж 2016 оны сонгуульд оролцох мөрийн хөтөлбөрөө өглөө. Энэ үеэр МАХН-ынхан СЕХ-г шударга ажиллана гэж итгэж байгаагаа илэрхийлсэн байна. СЕХ намуудын мөрийн хөтөлбөрийг хянаад ирэх долоо хоногийн лхагва гаригт сонгуульд оролцох намуудыг зарлах юм.
Ардчилсан нам 2016 оны УИХ, Орон нутгийн сонгуульд оролцох мөрийн хөтөлбөр болон холбогдох бусад бичиг баримтыг өнөөдөр морин цагт Сонгуулийн Ерөнхий хорооны дарга Ч.Содномцэрэнд гардууллаа. 
