Month: April 2016

Автотээврийн болон өөрөө явагч хэрэгслийн албан татвар, агаарын
бохирдлын төлбөр, авто зам ашигласны төлбөр хураах ажил нийслэлийн
хэмжээнд үргэлжилж байна. НИТХ-ын Тэргүүлэгчдээс баталсан журмын дагуу тээврийн
хэрэгслийн улсын дугаарын сүүлийн тоогоор ялган албан татвар, төлбөрт хамруулж
байхаар шийдвэрлэсэн.

Энэ журмын дагуу дөрөвдүгээрр сард 4,9 дугаараар төгссөн
тээврийн хэрэгсэл албан татварт хамрагдана. Хэрвээ тээврийн хэрэгсэл эзэмшигч
та хуулийн хугацаандаа амжин албан татвар, төлбөрөө төлөөгүй
тохиолдолд захиргааны арга хэжмээ тооцож, тээврийн хэрэгслийг замын хөдөлгөөнд
оролцуулахгүй болохыг анхаарна уу гэж Нийслэлийн ЗДТГ-ын Хэвлэл
мэдээлэл, олон нийттэй харилцах хэлтсээс мэдээллээ.

Иргэдийн санамсар болгоомжгүй үйлдэл, бага насны хүүхдээ хайхрамжгүй орхиноос үйдэлтэй галын дуудлага их ирдгийг Онцгой байдлынхан хэлж, анхааруулдаг билээ. Өчигдөр гэхэд бага насны хүүхэд ууланд түймэр тавьсан хэрэг тарьжээ.

Тодруулбал, Сонгинохайрхан дүүрэг 25, “Зүүн салааны ууланд түймэр гарч байна” гэсэн мэдээллийг авч шалгахад Одонтод оршин суух есэн настай эрэгтэй хүүхэд шүдэнзээр тоглож байгаад гал алдсан байна. Байшинтын уулын орой хэсгийн 2 га орчим өвс шатсан хэргийн газраас эд мөрийн баримтаар “Спички” гэсэн нэртэй тал хэсэг нь шатсан шүдэнзний хайрцаг, толгой хэсэг нь шатсан шүдэнзний мод зэргийг хураан авч шалгаж эхэлжээ.

Мөн Сүхбаатар дүүргийн 16 дугаар хороонд “Ойчдын гудамжинд гал гараад байна” гэсэн мэдээллийг дөрөвдүгээр сарын 27-нд авч шалгажээ. Шалгахад ШУА-ийн Геоэкологийн хүрээлэнгийн нэг га газрын шар өвс шатаж, тэнд тарьж ургуулж байсан чацаргана, үхрийн нүд, хайлаас модны нийт 800-гаад орчим суулгацын доод хэсэг шатжээ.

УИХ-ын гишүүн Л.Болд, Ц.Оюунгэрэл нар Б.Булганыг Төв аймгийн цагдан хориход байхад нь эргэж очжээ. Энэ үеэр тус хорих ангид хүний эрхийг ноцтой зөрчиж байна гэсэн мэдээллийг түгээсэн.

Энэхүү мэдээлэлтэй холбогдуулан Улсын ерөнхий прокурорын газрын Ял эдлүүлэх ажиллагаанд хяналт тавих хэлтсээс Б.Булганы хорьж буй ангитай танилцаж шалгалт хийсэн байна. Шалгалтын дүнгийн талаар УЕПГ-ын Хэвлэл, мэдээлэл олон нийттэй харилцах хяналтын прокурор Ц.Өлзийжаргал сэтгүүлчдэд мэдээлэл хийлээ. Шалгалтаар УИХ-ын гишүүдийн мэдээлэлд дурьдагдсан”…Б.Булганы хоригдож байгаа өрөөний гэрэл тод бусад өрөөнийх бүдэг…” гэсэн нь үндэслэлгүй байсан бөгөөд тус байрны хорих бүх өрөөний гэрэлтүүлэг жигд түвшинд суурилагдсан байна гэв.

Харин хорих өрөөний бие засах хэсэг үүдэндээ ил байрласан нь эмэгтэй хүний эрхэмсэг байдлыг алдагдуулж, залхаан цээрлүүлж байгаа гэсэн мэдээллийн дагуу шалгалт хийхэд сантехникийн холболтоос шалтгаалаад ганц Б.Булганы өрөө биш бусад найман өрөөний бие засах хэсэг нь үүдэндээ байрлалтай байжээ. Иймд далдлах хаалт хийлгэсэн аж. Түүнчлэн Б.Булган нь гэрээсээ илгээмжээр ирүүлсэн номыг уншиж байгаа бөгөөд бичгийн цаас, бал оруулаагүй, хорих өрөөний эсрэг талын цонхыг хөшгөөр байнга хаалттай байлгадаг гэсэн мэдээллүүд нь үндэслэлтэй байсан тул бичгийн цаас, бал өгөх, хөшгийг татуулж, цонхыг нээлгэх зэрэг арга хэмжээг авчээ.

Дээрхи зөрчлүүд нь тус хорих байрны албан тушаалтны зүгээс Хууль зүйн сайдын тушаалаар баталсан “Хорих байрны дотоод журам”-ыг зөрчсөн зөрчил байх тул зөрчлийг арилгуулах, давтан гаргахгүй байх, зөрчил гаргасан албан тушаалтанд хариуцлага тооцуулахаар ШШГЕГ-т Прокурорын шаардлага бичиж хүргүүлсэн байна.

Өнөөдөр дараах байршлуудад цахилгаан эрчим хүч түгээдэг шугам тоноглолд урсгал засвар хийх тул Та бүхэн хэрэглээгээ түр зохицуулна уу.

Баянзүрх дүүрэг

10.30-16.00 цагт: 20 дугаар хороо Гачууртын төв, 85 дугаар сургууль, 63 дугаар цэцэрлэг, Гачуурт тосгоны ЗДТГ, Эрүүл мэндийн төв, МЦХК-ийн салбар

10.30-17.30 цагт: 20 дугаар хороо Монгол шилтгээн, Гачуурт, Баяндөхөм, Хар усан тохой орчмоор,

Сүхбаатар дүүрэг

10.30-17.30 цагт: долдугаар хороо 11 дүгээр хорооллын 7, 8, 9, 10-р байр, СБД ЗДТГ, Урчуудын эвлэл, Одкон холдинг, Сэлбэ плаза, 135-р цэцэрлэг, Их засаг ИС-ийн оюутны 2-р байр, ХБК, МУИС-ийн Экологийн сургалтын төв болон ойр орчмоор,

Баянгол дүүрэг

10.00-18.00 цагт: 20, 14 дүгээр хороо Барс-2, НҮУБН, Хар хорин зах, Комплекс импорт орчмоор,

Хан-Уул дүүрэг

10.00-15.00 цагт: III хороо ХТК, ШУТИС МИС, 18 дугаар сургууль, Орчлон орон сууц орчмоор

11.00-18.00 цагт: УСУГ-ын худагууд

15.20-15.40 цагт: Буянт-Ухаа спортын ордон, 6, 7, 8-р хороо 73-р цэцэрлэг, 60-р сургууль, БОСА төв, Жаргалант, Нүхт, Сонсголон, Дэнжийн гудамжууд, Горхи-Тэрэлжийн БЦГ

10.00-18.00 цагт: Горхи, ШУТИС-ийн полигон.

Цахилгаан эрчим хүчээр түр хязгаарлагдах хэрэглэгчдийг байршлаар нь баримжаалан жагсааж байгааг анхаарна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай ба өөрчлөгдсөн тохиолдолд УБЦТС ТӨХК-тай байгуулсан гэрээнд бүртгэлтэй утсаар холбогдож ААН, үйлдвэр, компаниудад мэдээлэх болно.

Түрээсийн орон сууцанд хамрагдах хүсэлтэй иргэдийн материалыг өнгөрсөн сарын 21-нээс энэ сарын 1-ний өдрийг дуустал хүлээн авсан юм. Материал бүрдүүлж өгсөн, журмын шаардлага хангаж бүртгэлд хамрагдсан иргэдийн тоо түрээсийн орон сууцны квотоос давсан учраас иргэдийг сугалаагаар сонгохоор болсон.

Уг цахим сугалаа өнөөдөр явагдана. Тодруулбал, ШӨХТГ, Барилга Хот Байгуулалтын Яам, бүртгэлд хамрагдсан иргэдийн төлөөллийг ил тод шударга байлгах зорилгоор байлцуулж, хэвлэл мэдээллийн хэрэгслээр шууд дамжуулан олон нийтэд хүргэх юм. Түрээсийн орон сууцанд хамрагдахаар нийт 4,000 орчим иргэн хандсанаас 2,262 иргэн бүртгэлд хамрагдсан аж.