2015 оны арванхоёрдугаар сарын 25-ны өдөр УИХ-ын нэгдсэн чуулганаар батлагдсан Монгол Улсын Сонгуулийн тухай шинэ хууль Улсын Их Хурал, Монгол Улсын Ерөнхийлөгч, түүнчлэн аймаг, нийслэл, сум, дүүргийн иргэдийн Төлөөлөгчдийн хурлын сонгуулийн үндсэн зарчим, журмыг тодорхойлж, эдгээр сонгуулийг зохион байгуулж явуулахтай холбогдсон харилцааг зохицуулна. Энэ удаа орон нутгийн сонгуульд нэр дэвшигчдэд зориулсан хуулийн зарим заалтыг Сонгуулийн ерөнхий хорооноос тодрууллаа.
Тус хуулийн 125-ын 5-д “Төрийн жинхэнэ албан хаагч болон төрийн үйлчилгээний албаны удирдах албан тушаалтан, төрийн болон орон нутгийн өмчит, төрийн болон орон нутгийн өмчийн оролцоотой хуулийн этгээдийн дарга, дэд дарга, захирал, дэд захирал нь Улсын Их Хурлын гишүүнд нэр дэвших бол сонгуулийн жилийн нэгдүгээр сарын нэгний өдрөөс өмнө төрийн албанаас болон ажил, албан тушаалаасаа чөлөөлөгдөх тухай хүсэлтээ эрх бүхий этгээдэд гаргасан байх тухай заасан байна. Өнгөрсөн сонгуулиас эхлэн УИХ болон аймаг, нийслэлийн Иргэдийн Төлөөлөгчдийн хурлын сонгууль зэрэг болдог болсон.
Сонгуулийн тухай хуулийн 68-ын 1-д сонгуулийн сурталчилгааг санал авах өдрөөс 18 хоногийн өмнө эхлүүлж санал авах өдрөөс нэг хоногийн өмнө дуусгана гэж заасанчлан нэр дэвшигч түүнээс өмнө өөрийн сурталчилгааг ямар нэгэн хэлбэрээр явуулахыг хориглох юм байна. Өөрөөр хэлбэл, хуульд заасан хугацаанаас бусад хугацаанд нэр дэвшигчид ямар нэгэн байдлаар нэр дэвшиж байгаагаа сурталчилбал хуулиар хариуцлага хүлээнэ.
НҮБ-ын Ерөнхий Ассамблейн 62/139 тоот тогтоолоор 2008 оноос жил бүрийн дөрөвдүгээр сарын 2-ны өдрийг “Аутизмыг таниулах дэлхийн өдөр” болгон тэмдэглэж иржээ. Монгол Улсад энэ өдрийг гурван жилийн өмнөөс “Аутизм Монгол-АНД” ТББ-ын санаачилгаар анх тэмдэглэж эхэлсэн.
Дохио!!! Цаг агаарын аюултай үзэгдлээс сэрэмжлүүлэх мэдээ:
Монголын Засгийн газар олон улсын зах зээлд 500 сая долларын бонд гаргасан байна. Өнгөрсөн нэгдүгээр сард Засгийн газраас 800 сая доллар бүхий үнийн дүнтэй “Мазаалай” бонд гаргахаар төлөвлөж байсан ч Г.Уянга болон МАН-аас хийсэн Ч.Сайханбилэгийг огцруулах улстөржилтөөс болж бондын хүү өссөн. Тиймээс тодорхойгүй хугацаагаар бонд гаргах төлөвлөгөөгөө хойшлуулсан Засгийн газар ийнхүүт 500 сая долларын бондыг олон улсын хөрөнгийн зах зээлээс босгожээ.
Ц.Элбэгдорж: Цацраг идэвхт бодистой холбоотой асуудлаар хоёр тийшээ хараад суучихсан байгаа. Үүний оронд Хариуцлагын, Төрийн албаны тухай хуулиа ярь л даа.
УИХ-ын дарга захирамж гарган ээлжит бус чуулганыг гуравдугаар сарын 29-31-ний хооронд зарлан хуралдуулахаар болсон. Өнөөдөр сүүлийнх нь өдөр, өглөө 09.00 цагаас эхлэн ээлжит бус чуулганыг нээхийг оролдсон ч дахин ирц бүрдсэнгүй. Иймээс УИХ-ын дарга гишүүдийг ээлжит бус чуулганы хуралдаанд ирэхийг уриалж, 14.00 цагт дахин цаг товлон чуулганыг нээх оролдлого хийхээр болов.
Сонгинохайрхан дүүргийн ерөнхий боловролын сургууль, цэцэрлэгийн орчинд ухаалаг гар утас, хэрэглэхийг хориглох тухай Тэргүүлэгчдийн тогтоол гарчээ. Тус асуудлыг дүүргийн Иргэдийн Төлөөлөгчдийн Хурлын дарга Х.Нямбаатарын санаачилсан байна. Тогтоолд хүүхдүүд сургуулийн орчинд ухаалаг гар утас, ай падыг авчрахгүй байх бөгөөд хичээлийн бус цагаар хэрэглэж болохоор зохицуулжээ. Мөн дүүргийн ерөнхий боловсролын сургууль, цэцэрлэгүүд дотооддоо журам боловсруулан хэрэгжүүлэх бөгөөд сургууль, цэцэрлэгийн орчинд товчлууртай, энгийн утсыг хэрэглээнд хэвтрүүлэхээр тусгажээ.
БСШУЯ, ЭМСЯ, Шинжлэх ухаан технологийн сангаас элэгний хавдартай, элэгний хатууралтай өвчтөнд элэг шилжүүлэн суулгах хагалгааг дэмжих төслийг гурван жилийн хугацаатай хэрэгжүүлэхээр болжээ. Энэхүү төсөл нь 2016-2018 оны хооронд хэрэгжинэ. Төслийн хүрээнд элэгний хавдартай, хатууралтай 20 хүнд элэг шилжүүлэн суулгах мэс засал болон эмчилгээг үнэ төлбөргүй хийхээр болсон юм.
Улаанбаатар хотын ЗДТГ-аас “Найрсаг Улаанбаатар” хөтөлбөрийг уламжлал болгон зохион явуулдаг. Энэ жил тус хөтөлбөрийн хүрээнд наймдугаар сарын 6-ны өдөр Чингисийн талбайд 350 уран нугараач зэрэг нугарч, “Гиннес”-ийн номонд бүртгүүлэхээр зэхэж байгаа аж. Одоогийн байдлаар Улаанбаатар болон орон нутагт байдаг уран нугаралтын студи, дугуйлангийн сурагчид дунд шалгаруулалт явуулж байгаа бөгөөд удахгүй тэд нэгдсэн бэлтгэлдээ орох юм байна.
Олимпийн эрх олгох дугуйн спортын тэмцээн Швейцарь улсад болж өнгөрлөө. Тус тэмцээнд Монгол Улсаас төрөн гарсан Ази тивийн анхны аварга Олон улсын холбооны мастер Т.Энхжаргал Олон улсын дугуйн холбоо, Монголын Үндэсний олимпийн хорооны дэмжлэгээр дэлхийн дугуйн сургалтын төвийн багийн бүрэлдэхүүнд багтан Европ тивийг зорисон юм. Тэрээр энэ сарын 26-д болсон эхний тэмцээндээ амжилттай оролцож, хүрэл медаль хүртсэн бол Франц, Швейцарийн тамирчид алт, мөнгөн медалийн эзэн болсон байна.