Бүгд найрамдах Өмнөд Судан улсад НҮБ-ын мандаттай энхийг дэмжих ажиллагаанд үүрэг гүйцэтгэх Монгол Улсын Зэвсэгт хүчний зургадугаар ээлжийн мотобуудлагын батальоны сонгон шалгаруулалтын бүртгэл эхлээд байна. Тиймээс сонгон шалгаруулалтад хамрагдах албан хаагчдын дэлгэрэнгүй бүртгэлийг 2016 оны дөрөвдүгээр сарын -ний дотор ирүүлэхийг ОБЕГ-ын Захиргааны удирдлагын газраас сануулжээ.
Сонгон шалгаруулалтад оролцох албан хаагчдад онцгой байдлын албанд тогтвор суурьшилтай ажиллаж байгаа 18-30 настай эрэгтэй байх бөгөөд биеийн өндөр 165 см ба түүнээс дээш байх, эрүүл мэндийн хувьд суурь өвчингүй, Англи хэлний дунд шатны мэдлэгтэй, гэмт хэрэг зөрчилд холбогдож байгаагүй, зан суртахууны хувьд доголдолгүй, ар гэрийн зүгээс үүрэг гүйцэтгэхэд асуудалгүй байх гэсэн шалгуурыг хангасан байх ёстой ажээ.
Гуравдугаар сарын 29-ний байдлаар ХӨСҮТ-д 400 өвчтөн хандсаны 337 буюу 84.2 хувь нь улаанбурхан өвчний эмнэлзүйн шинж тэмдэгтэй, 73 буюу 21.6 хувь нь хэвтэж, 180 хүнд гэрээр зөвлөгөө өгчээ. Улаанбурхан өвчний улмаас 457 өвчтөн эмчлүүлж буйгаас 22 нь сэхээн амьдруулах эрчимт эмчилгээний тасагт эмчлүүлж байгаа аж. Улаанбурханы өвчлөлтэй тэмцэхээр Засгийн газраас 980 сая төгрөгийг гаргахаар болсон билээ. 2016 он гарсаар улсын хэмжээнд улаанбурхан өвчний сэжигтэй нийт 13007 тохиолдол бүртгэгджээ. Үүнээс 2801 буюу 21.5 хувь нь лабораторийн шинжилгээгээр батлагдсан байна гэж ХӨСҮТ-ээс мэдээллээ.
Жил бүр аймгийн аварга шалгаруулах үндэсний бөхийн барилдааныг зохион байгуулдаг уламжлалтай. Энэ сарын 24-ний өдөр тус тэмцээнийг зохион байгуулсан бөгөөд сүүлийн дөрвөн жил “Тавантолгой” ХК ивээн тэтгэн оролцож байгаа юм. Аймгийн аварга шалгаруулах Үндэсний бөхийн барилдаанд 48 аймаг сумын цолтой хүчит бөхчүүд уран мэхийг уралдуулан барилдсанаас аймгийн арслан Э.Нямаа түрүүлж, аймгийн харцага Т.Төгсдөлгөөн үзүүрлэсэн юм. Энэ жилийн хувьд аймгийн аварга шалгаруулах хүчит бөхийн барилдаанд бүх сумдаас ирсэн төдийгүй хамрах цар хүрээ өргөжиж, барилдааны чансаа чанар дээшилсэн байгааг зохион байгуулагчид онцолж байлаа.
БНСУ-ын виз мэдүүлэхэд 18-60 насныхан Цагдаагийн газрын тодорхойлолт авах шаардлагатай байдаг. Тэгвэл одоо уг тодорхойлолтыг авах шаардлагагүй болсон байна.
Монголын хүндийн өргөлтийн холбооноос өсвөр үеийн УАШТ-ийг маргаашнаас эхлэн гурван өдөр “Спортын төв ордон”-д зохион байгуулах гэж байна. Хүндийн өргөлтийн үндэсний шигшээ багийн зааланд болох энэхүү тэмцээнд 1999 оноос хойш төрсөн тамирчид оролцох юм.
Гацууртын ордыг ашиглах гэрээ байгуулахаар хэлэлцэж байгаа талаар Уул уурхайн яамнаас мэдээллээ. УИХ-аас Гацууртын ордын төрийн эзэмшлийн хувийг 34 хувиар тогтоож, УИХ-аас Гацууртын ордын тусгай зөвшөөрөл эзэмшигчтэй Ашигт малтмалын тухай хуулийн дагуу хэлэлцээ хийж шийдвэрлэхийг Засгийн газарт үүрэг болгосон. Үүний дагуу Ерөнхий сайдын захирамжаар Орд ашиглах гэрээ байгуулах Ажлын хэсэг болон Хөрөнгө оруулалтын гэрээ байгуулах Ажлын хэсгийг байгуулжээ.
Ерөнхий сайд Ч.Сайханбилэг өнөөдөр Дорноговь аймгийн төв Сайншанд хотод хүрэлцэн очлоо. Тэрбээр эхний ээлжинд аймгийн удирдлагуудтай уулзаж цаг үеийн ажил байдалтай танилцах аж. Улмаар энэхүү албан томилолт “Бизнес инкубатор” төв болон Хамрын хийд орчмын аялал жуулчлалын бүсийн үйл ажиллагаатай танилцаж, иргэдтэй уулзсанаар өндөрлөх юм.
Манай улсад хар тамхи мансууруулах бодистой холбоотой гэмт хэргийн тоо жил бүр өссөөр байна. Цагдаагийн байгууллага 2014 онд 61 хэргийн 213 үйлдэлд холбогдуулан 53 хүн шалгаж байжээ. Гэтэл 2015 онд 79 хэрэгт холбогдуулан 169 хүнд хэрэг үүсгэсэн аж. Тэгвэл он гарснаас хойш нэгдүгээр улирлын байдлаар 25 хэргийн 81 үйлдэлд 46 хүнийг шалгаж байгаа юм. Цагдаа нар өнгөрсөн онд 9.8 кг каннабис 24.51 гар гашиш, 344.164 гр мөс хурааж авсан байна.