1945 оны Чөлөөлөх дайны ялалтын 70 жилийн ойд зориулсан цэргийн ёслолын жагсаалд оролцох Монголын Зэвсэгт хүчний бие бүрэлдэхүүн бэлтгэлээ амжилттай гүйцэтгэсээр байна.
Манай Зэвсэгт хүчний төлөөлөл гадаадын орнуудын цэргүүтэй хамтарсан
бэлтгэлээ хийхийн сацуу Хятадын Ардын Чөлөөлөх Армийн Дуу бүжгийн
чуулгын тоглолтыг үзэж, Цагаан Хэрэм, Лү Гүү гүүртэй танилцжээ.
Түүнээс гадна энэ сарын 25-нд Монгол Улсын Элчин сайдын яамнаас зохион байгуулсан Жанчхүүгийн даваан дахь “Монгол – Зөвлөлтийн дайчдын гэрэлт хөшөө”-нд цэцэг өргөх ёслол,
дурсгалын музейн нээлтийн арга хэмжээнд ОХУ-ын Элчин сайдын яамны
төлөөлөгчид, Жамбай хотын удирдлагын хамт цэргийн ёслолын жагсаалд
оролцох бүрэлдэхүүнийг удирдан чиглүүлж буй бригадын генерал
Б.Амгаланбаатар, хурандаа Д.Өлзийбаяр, дэд хурандаа Ч.Гандирваа нар
оролцсон байна.
Цэргийн ёслолын жагсаалд 16 орны Зэвсэгт хүчний төлөөлөл оролцоно. Ингэхдээ 10 орны цэргийн хайрцаг жигдрэн жагсч, зургаан орны далбаатай цөөн тооны цэрэг алхах аж.
Монгол, ОХУ, Мексик, Казахстан, Вьетнам,
Пакистан зэрэг 10 орны цэргүүд тус бүр 76 хүний хайрцагтай алхах юм
байна. Ирэх сарын 3-ны өдөр болох жагсаал Бээжин хотын цагаар 09.00 цагт
эсвэл 10.00 цагт эхэлнэ гэсэн хоёр хувилбарыг албаныхан хэлж байна. Энэ
нь эхлэх цагийг БНХАУ-аас нууцалж буйтай холбоотой юм.
Катарт төвтэй “Аль-Жазира” телевизийн гурван сэтгүүлчид Египетийн шүүх 3-3.5 жилийн ял оноожээ. Учир нь тус сэтгүүлчдийг Египетийн нэр хүндэд сөргөөр нөлөөлсөн мэдээ бэлтгэсэн хэмээн ийн ял оноожээ. Тэд 2013 онд Ерөнхийлөгч Мухамед Мурсиг цэргийн эргэлтээр түлхэн унагаасан талаар мэдээлсэн байна. Түүнчлэн Египетийн Засгийн газар хэвлэл, мэдээллийн хэрэгслүүдэд тавих хяналтаа чангатгаж байгаа аж. Саяхан гаргасан шинэ хуульд зааснаар террорист халдлагуудын талаарх албан ёсны мэдээлэлтэй харшилсан мэдээ гаргасан сэтгүүлчдэд их хэмжээний мөнгөн торгууль ногдуулах талаарч заасан байна.
Жил бүрийн хичээлийн нээлтийн өдөр Монгол Улсын Ерөнхийлөгч Ц.Элбэгдорж сурагдад зориулж хичээл заадаг билээ. Өнгөрсөн жил Ерөнхийлөгч “Бүтээлч боловсрол-бүтээлч иргэн”, “Боловсрол-хүүхэд бүрийн төлөө” сэдвээр хичээл заасан. Тэгвэл маргааш эхлэх хичээлийн шинэ жилийн нээлтээр “Санаа зөв бол заяа зөв”, “Бодол” сэдвээр теле хичээл заах юм байна.
Герман улсад пара байт харвааны ДАШТ болж байгаа билээ. Тус тэмцээнд оролцож буй Хөдөлмөрийн баатар, гавьяат тамирчин, паралимпийн аварга Д.Баатаржав “Рио-2016” паралимпийн наадамд оролцох эрхээ авчээ. Д.Баатаржав шигшээ 48-ын харваанд гоц мөргөж, 32-т Малайзын тамирчин Суреш Тангвеллоог 6:2-оор хожиж шигшээ 16-д шалгарчээ. Ингээд шигшээ 16-д БНСУ-ын тамирчин Лее Хонг Гуг 7:1 онооны харьцаагаар хожсон байна. Тэрээр ийн “Рио-2016” паралимпод оролцох эрхээ авлаа.
Есдүгээр сарын 1-нээс Замын хөдөлгөөний шинэ дүрмийн дагуу хөдөлгөөнд оролцохоор болсон билээ. Энэхүү шинэ дүрэм мөрдөгдөж эхэлснээр замын хөдөлгөөнд оролцогч явган зорчигч, жолооч нарын үүрэг хариуцлага нэмэгдэнэ. Түүнчлэн замын хөдөлгөөнд үүсч буй осол аваар, түгжрэл багасна хэмээн үзэж байгаа билээ. Ингээд манай “Өдрийн сонин” шинэ дүрмийн талаар хуулийн хүнд хэцүү үг хэллэггүй, хүмүүст хэрэгтэй хэсгийг энгийн ойлгомжтой байдлаар нийтэлснийг дахин та бүхэнд хүргэе.
Монголд анх удаа ЖДҮ эрхлэгчдийн “Үндэсний нэрийн бүтээгдэхүүн” шалгаруулах үзэсгэлэн худалдааг Аж үйлдвэрийн яам зохион байгууллаа. Үзэсгэлэн худалдаа энэ сарын 28-30-ны өдрүүдэд Чингисийн талбайд зохиогдсон бөгөөд нийт 80 гаруй ААН 88 нэр төрлийн бараа, бүтээгдэхүүнээр оролцсон байна. Эдгээрээс шинжлэх ухаан, инновацийн үйлдвэрлэл бүхий “Монхимо” компани “Адуу” брэндийн кальциараа ЖДҮ эрхлэгчдийн “Үндэсний нэрийн бүтээгдэхүүн”-ээр тодорч, Гран При шагналыг хүртжээ. Мөн энэ үеэр аймаг, дүүрэг тус бүрээс “Шилдэг нэрийн бүтээгдэхүүн”-ийг тодруулав.
УИХ-ын дарга З.Энхболд АНУ-ыг зориод байгаа