Month: June 2015

Өнөөдөр Чингэсийн талбай дээр болж буй хүүхдийн баярын нэгдсэн арга хэмжээ рүү та хүүхдээ авч очихоор бол иргэдийн ихээр үйлчлүүлдэг томоохон талбайн ойролцоох төлбөртэй эдгээр зогсоолууд үнэ төлбөргүй үйлчлэх юм байна.

-Спортын төв ордны зогсоол

-Хангарьд ордоны зогсоол

-Үндэсний цэцэрлэгт хүрээлэнгийн зогсоол

-Дүнжингарав худалдааны төвийн зогсоол

-Эрх чөлөөний талбай буюу Чингэлтэй дүүргийн Засаг даргын тамгийн газрын хойд зогсоол үнэгүй үйлчилж байгаа бөгөөд Чингэсийн талбайн хоёр талын зогсоол ажиллаж байгаа байна.

Мөн энэ үеэр Чингэсийн талбайд хүүхдийн баярын арга хэмжээг зохион байгуулна. Хагас болон бүтэн өнчин хүүхдүүдэд гарын бэлэг гардуулах юм байна .

Олон улсын хүүхдийн эрхийг хамгаалах өдрийн босгон дээр Зуунмод сумын 35 эх Алдарт эхний нэг, хоёрдугаар одонгоор энгэрээ мялаасан байна.

Алдарт эхчүүдээ хүндэтгэх үйл ажиллагаанд Зуунмод сумын Баруун Зуунмод багаас 7, Нацагдорж багаас 5, Зүүндэлгэр багаас 7, Баянхошуу багаас 2, Ланс багаас 8,Номт багаас 5 нийтдээ 35 эх оролцож, сумын Иргэдийн хурлын дарга Д.Бэрцэцэг, Засаг дарга Ж.Цэндсүрэн нарын баярын мэндчилгээ хүлээн авчээ.

Монгол Улсын Ерөнхийлөгчийн зарлиг ёсоор гурван эх, нэгдүгээр одон, 32 эх хоёрдугаар одон хүртсэн ба хамгийн залуу нь 29 настай Болдбаатарын Байдраг, хамгийн ахмад нь 54 настай Лувсанчүлтэмийн Цэрэнлхам байв.

Одон медалиар энгэрээ мялааж, үр хүүхдийнхээ талархалыг хүлээсэн хүндэт ээжүүдэд Монгол туургатан театрын уран бүтээлчид ая, дууны мэндчилгээ дэвшүүлжээ.

Эхийн одонгийн болзлыг бууруулсанаас хойш Зуунмод суманд 2010-5, 2011 онд 778, 2012 онд 34, 2013 онд 36, 2015 онд 35 эх алдарт хэмээн өргөмжлөгдсөн байна.

Монголын хөлбөмбөгийн холбоо өнөөдөр тохиож буй “Хүүхдийн баярын өдөр”-ийг “ХҮҮХЭД-ХӨЛБӨМБӨГ-ИРЭЭДҮЙ” хөтөлбөрийн хүрээнд “Хүүхдийн хөлбөмбөгийн баяр” болгон тэмдэглэж байна.

Энэ өдөр МХБХ-ны “Цэнгэлдэх хүрээлэнд”-д хүрэлцэн ирсэн бага насны хүүхэд бүхэн хөлбөмбөгийн анхан шатны арга техник болон олон төрлийн элемент, дасгал хөдөлгөөн хийж, анхны гоолоо хаалганд оруулж, хөлбөмбөгийн гайхамшиг, баяр баяслыг мэдрэх боломжтой.

“Хүүхдийн хөлбөмбөгийн баяр” 12.00 цагаас МХБХ-ны “Цэнгэлдэх хүрээлэн”-д эхлэх тул “Хүүхдийн хөлбөмбөгийн баяр”-т эцэг, эхчүүд охид, хөвгүүдээ дагуулан ирж, хүүхдийн баярын өдрийг хөлбөмбөгтэй хамт, зугаатай сайхан өнгөрүүлэхийг урьж байна.

Хөлбөмбөгийн баярт оролцсон хүүхэд бүрт МХБХ-ноос гарын бэлэг гардуулах аж.

Монгол Улсад хүүхдийн хөдөлгөөн, байгууллага үүсч хөгжсөний 90 жилийн ойг тохиолдуулан зохион байгуулах хүүхдийн баярын арга хэмжээ “Вива Сити” хороололд болж байна.

“My Little Pony” сэдэвтэйгээр зохион байгуулагдах энэ баярт Pony баатруудыг хамгийн сайн дуурайж хувцасласан хүүхдэд багачуудыг шагнаж урамшуулдаг аж.

Түүнчлэн “Вива Сити” хүүхдийн баярын арга хэмжээний үеэр хүүхэлдэйн баатруудын жагсаал, хөгжөөнт тэмцээн уралдаан, хүүхдэд зориулсан бүтээгдэхүүний яармаг худалдаа, урлагийн тоглолт зэргийг зохион байгуулахаар төлөвлөсөн байна.

Олон улсын хүүхдийн Найрамдал төвд “Бид шинэ үеийн хүүхдүүд” үндэсний чуулган үргэлжилж байна. Хүүхдийн төлөө үндэсний газраас зохион байгуулж буй энэхүү чуулган нь Монгол Улсад хүүхдийн байгууллага үүсч хөгжсөний 90 жилийн ойн хүрээнд ирээдүйн манлайлагч, улс эх орны хөдөлгөгч хүч болсон хүүхдийн дуу хоолойг олон нийтэд хүргэх, манлайллыг дэмжих зорилготой юм.

Тус үндэсний чуулганд нийслэл, хөдөө орон нутгийн 500 гаруй хүүхэд оролцож байна. Чуулганы төлөөлөгч хүүхдүүд “Хүүхдэд нээлттэй микрофон” хэлэлцүүлгээр Өсвөр үеийн хүүхдийн хөгжлийн давуу чанарын үзүүлэлтийг хувь хүн, нийгэм, гэр бүл, сургууль, олон нийт гэсэн агуулга бүхий 5 дэд хэсгээр хэлэлцэн өөрсдийн дуу хоолой, үзэл бодлоо шийдвэр гаргагч, олон нийтэд хүргэх юм байна.

Чуулганы үйл ажиллагаанд ХАХНХЯ-ны сайд С.Эрдэнэ, НҮБ-ын Хүүхдийн сангийн Суурин төлөөлөгч Роберто Бенес, “Дэлхийн зөн монгол” Олон улсын байгууллагын Суурин төлөөлөгч Винсент Эдуардс нар оролцож байна.

Нийслэлд улаанбурхан өвчний тархалт нэмэгдэх хандлагатай байгааг мэргэжлийн байгууллагаас эцэг эхчүүдэд сэрэмжлүүлж байна. Улсын хэмжээнд улаанбурхан өвчний 9200 гаруй сэжигтэй тохиолдол бүртгэгджээ. Нийт тохиолдлын 90 хувь нь есөн сараас доош насны хүүхэд байсан бол одоо 15-24 насны оюутан, сурагчид өвчилж эхэлсэн байна. Тиймээс зөвхөн бага насны хүүхэдтэй эцэг эхээс гадна оюутан, сурагчид ч улаанбурхан өвчний мэдээлэлтэй байж өөрийгөө сэргийлэх хэрэгтэйг эрүүл мэндийн байгууллагынхан анхааруулж байна.

Түүнчлэн баяраар бага насны хүүхдээ нийтийг хамарсан арга хэмжээнд дагуулж явахгүй байхыг сэрэмжлүүллээ. Учир нь, улаанбурхан өвчний дархлаажуулалтын нэмэлт вакцин таригдаад удаагүй байгаа. Эцэг эхчүүд хүүхдэдээ вакцин тариулсан өдрөөс л дархлаа суудаг гэх ойлголттой байдаг. Тэгвэл хүүхэд вакцин хийснээс 30 хоногийн дараа бүрэн дархлаа суудаг бөгөөд энэ хугацаанд халдвар авах эрсдэлтэй байдаг гэнэ. Ингээд мэргэжлийн байгууллагынхны гаргасан улаанбурхан өвчнөөс сэргийлэх зөвлөмжийг хүргэе.

Улаанбурхан өвчнөөс сэргийлэх хооллолтын зөвлөгөө:

• Бага насны хүүхдийг эхийн сүүгээр хооллох
• Илчлэг, тэжээллэг хоол өгөх
• Өдөрт 4-5 удаа заавал хооллох
• Хүүхдэд А, С аминдэмээр баялаг хүнс,хоол түлхүү өгөх
• А,Д,С аминдэм болон бусад аминдэмийг нэмэлтээр өгөх
• Хүүхдийг олон нийтийн газар авч явахгүй байх
• Асаргааг сайжруулж, усан чийрэгжүүлэлт хийх
• Гэр орондоо чийгтэй цэвэрлэгээ хийж, 2 цаг тутамд агааржуулалт хийх

Ямар ч насны хүн улаанбурхан өвчнөөс сэргийлэхийн тулд дархлааг дэмжих, биеийн эсэргүүцлийг сайжруулах хоол хүнс хэрэглэх шаардлагатай.

Үүнд:

1. Амьтны гаралтай уургаар баялаг хүнс хэрэглэх. Үүнд: Малын мах, өндөг, сүү сүүн бүтээгдэхүүнийг өдөр бүр хангалттай хэрэглэх
2. Аминдэм, эрдэс бодисоор баялаг жимс, хүнсний ногоог түлхүү хэрэглэх. Олон төрлийн хүнсний ногоог хоолондоо хэрэглэхээс гадна жимсний цэвэр шүүсийг өдөрт доод тал нь 1 аягийг ууж хэвших.
3. Хүнсний ногооноос хулуу, лууван, амтат төмс гэх мэт А аминдэмээр баялаг. улбар, улбар шар ногоонуудыг хэрэглэх ба эдгээрийг нухаш, зутан, шүүс байдлаар хэрэглэх хэрэгтэй. Мөн цэвэр жимс, ногоо С амин дэм болон антиоксидантаар баялаг байдаг.
4. Цай, сүү, ундааг аль болох халуун бүлээн хэрэглэх. Илчлэг сайтай шөлтэй, халуун хоол идэж, аминдэмээр баялаг шингэн зүйлийг халуун бүлээнээр нь түлхүү уух. Тухайлбал буцалсан аарц, чацарганы шүүс, аньсны шүүс, үхрийн нүдний шүүс зэргийг халуунаар нь уух.
5. Сармис, сонгино, цагаан гаань дархлааг сайжруулах үйлчилгээтэй тул хоолондоо тогтмол хэрэглэж хэвших. Зарим хүүхдэд үнэр амт нь таалагддаггүй учраас үл мэдэгдэх болтол нь жижиглэн хэрчиж, үрж хийх. Сармисыг угааж цэвэрлээд чанахгүйгээр шууд хэрэглэх нь илүү үр дүнтэй. 500 грамм халуун усанд нунтагласан 4-5 хумс сармис хийж хандлаад хоолойгоо ойр ойрхон зайлж болно. Мөн нимбэгний уусмал, царван, сод, давсны уусмал байж болно.
6. Ус болон шингэнийг хангалттай хэрэглэх. Хүүхдийн биеийн жингийн ихэнх хувийг ус эзэлдэг. Хүүхдэд шингэн их дутагддаг ба бүрэн хэмжээгээр нөхөж чаддаггүй. Өдөр тутамдаа усыг хангалттай хэрэглэх нь биеийн ерөнхий үйл ажиллагааны үндэс болох ус чийгээр хангах нөхцөл болдог.
7. Сайн унтаж амрах хэрэгтэй. Тогтмол цагт унтах нь дархлааны хамгийн том зэвсэг болдог. Шинэ төрсөн хүүхэд 18 цаг, цэцэрлэгийн насны хүүхэд 12-13 цаг, сургуулийн насны хүүхэд 10 цаг унтах шаардлагатай юм байна.

Зургадугаар сарын нэгэнд буюу өнөөдөр “Чингисийн талбай”-д Хүүхдийн баярын нэгдсэн арга хэмжээ болох тул ойролцоох замыг хаана. Тухайлбал, талбайн зүүн болон баруун талын замын хөдөлгөөнийг 11.00-14.00 цагийн хооронд хязгаарлах юм. Ингэснээр баяраа тэмдэглэж байгаа хүүхдүүдийн аюулгүй байдлыг хангах аж.

Хүүхдийн баярын нэгдсэн хөөтлбөрийг үзэж сонирхохыг хүссэн иргэд “Чингисийн талбай”-н ойролцоох төлбөртэй зогсоолуудаар үнэгүй үйлчлүүлэх юм. Имйд иргэд Хангарьд ордны зогсоол, Спортын төв ордны зогсоолуудаар үнэ төлбөргүй үйлчлүүлж болох нь ээ.