Өнгөрөгч шөнө Оросын сөрөг хүчний томоохон лидер ,“РПР Парнас” намын үүсгэн байгуулагч, Ярославль мужийн Думын гишүүн Борис Немцов Москва хотын төв гудамжуудын нэг болох “Большой Москворецкий мост”-оор алхаж яваад буудуулж амь насаа алдлаа. Түүнийг 23-н настай Украинаас ирсэн Анна хэмээх бүсгүйтэй цуг гүүрэн дээр алхаж явах үед цагаан өнгийн хөнгөн тэргээс бууж ирсэн залуу дөрвөн удаа буудаж амийг нь хороогоод зугтсан гэж РИА Новости мэдээлж байна.
Борис Немцов 1959 онд төрсөн, ерээд оны үед Нижегород мужийн амбан захирагчаас ОХУ-ын ерөнхий сайдын орлогч хүртлээ дэвшин Б.Ельцингийн залгамжлагч болох хүн гэтлээ яригдаж байсан нэгэн бөлгөө. Түүний эхнэр Раисагийн хэлснээр бол Немцовыг сүүлийн үед ална, хорооно хэмээн хэн нэгэн заналхийлж байсан бололтой. Москва хотын цагдаагийнхан энэ хэргийг ойрын хугацаанд илрүүлнэ хэмээн амлаж байна.
Б.Хулан
Аль ч улс оронд үндэсний хэмжээний томоохон компаниуд нь дампуурахад хүрэх тохиолдол байдаг. Гэхдээ дампууруулдаггүй юм. Төр засаг нь бодлогоор дэмжээд босгоод ирдэг юм. Зээлийн нөхцөлөөр хөрөнгө оруулалт хийж сэхээнэ. Мөн хувьцаа гаргаж тус компани дахь төрийн зэмшлийн хувь хэмжээг бий болгодог. Тэр бүү хэл ард түмний дунд аян өрнүүлж үндэсний томоохон группээдэмнээд явсан гайхамшигтай түүх ч бий. Эдгээрээс хамгийн ойрын үеийн тод жишээг дурдъя гэвэл АНУ-ын дэлхийд алдартай “Женерал моторс” компани (англи товчлол нь GM) байна. 2009 оныг хүртэл “Женерал Моторс” корпораци гэгддэг байсан нь 1908 онд байгуулагдсан нэршил нь. Дэлхийн 157 оронд үйл ажиллагаагаа явуулдаг. Нийт 220.000 ажиллагсадтай томоохон автомашин үйлдвэрлэгч. Гэвч ямар ч аварга компанийн үйл ажиллагаа доголдож дампуурахад хүрдгийг тэд харуулсан. 2009 он гаруут “Женерал Моторс”-ийн худалдаа Европт 7,4 хувиар бууж эхэлснээр шууд алдагдал хүлээж эхэлсэн. Ингээд 2009 оны зургадугаар сарын 8-ны өдөр тус компани дампуурлаа зарлахаа мэдэгдсэн юм. Дэлхий дээрх манай мэтийн улс орны иргэд “Ингээд агуу Женерал моторс дууслаа” хэмээсэн. Харин америкчууд бол тэгж хараагүй. Ердөө нэг сарын дараа нь буюу 2009 оны долдугаар сарын 10-нд АНУ-ын засаг захиргаанаас үндэсний энэхүү том компанидаа тусламж үзүүлэхээ мэдэгдсэн болой. Энэ үед GM компани нь 4.3 тэрбум долларын алдагдалд орсон байжээ. Засгийн газрынхаа дэмжлэгийг авсан тэд 2010 он гэхэд компанидаа зохион байгуулалт, бүтцийн бүрэн шинэчлэл хийсэн. Одоо “Женерал моторс” компанийн 61 хувийг АНУ-ын Засгийн газар эзэмшдэг. Гэхдээ тодорхой цаг хугацааны дараа, үе шаттайгаар төрийн зүгээс хувь эзэмшлээ бууруулсаар бие даах бүрэн чадавхитай боллоо гэсэн үед нь 100 хувь хувьд нь шилжүүлнэ. Тус компанийн 220.000 ажилтных нь 70.000 нь Америкийн нутаг дэвсгэрт ажиллаж байна. АНУ-ын 300 сая хүнтэй. Монгол Улс гурван сая хүнтэй. “Монгол газар” компани 1000 ажилтантай. Зүгээр л тоон харьцуулалт шүү. Америкийн Засгийн газарт 70.000 иргэнийх нь ажлын байр чухал. Монголын Засгийн газарт ч мөн адил 1000 иргэнийх нь ажлын байр чухал гээд цаашилбал нийгэмд баялаг бүтээж байгаа үндэсний хэмжээний үйлдвэрлэгчээ дампууруулах нь тухайн улс орны хувьд шившиг юм байна л даа. АНУ-ын Засгийн газраас “Женерал моторс” компаниа ийнхүү дэмжсэнээр GM-ын зүгээс богино хугацаанд амжилттай хувьцаа гаргасан, мөн Хятад дахь борлуулалт нь огцом нэмэгдсэн байдаг. Одоо тус компанийн 2014 оны санхүүгийн тайланг харахад тус оны зургадугаар сарын байдлаар цэвэр ашиг нь 320 сая ам.доллар байна. Зээл авах чадавхи нь хязгаарлалтгүйгээр, бэлнээр 1,4 тэрбум ам.долларт хүрчээ. Өнөө төрийн эзэмшлийн 61 хувь нь таван хувиар буурах хэлэлцээрийг Засгийн газартайгаа хийгээд эхэлсэн байна. Үндэсний компаниа хүнд үед нь ингэж л авч гардаг юм байна.
Манай орны гол мөрөн, нуурын мөсний зузаан өмнөх оны мөн үетэй харьцуулахад 10-50 см-ээр нимгэрсэн гэж ОБЕГ-аас мэдээллээ. Иймд иргэд гол мөрөн дээгүүр явганаар болон автомашин, техник хэрэгсэлтэйгээр явахгүй байж, баталгаат зам, гүүрээр зорчин болзошгүй эрсдэлээс урьдчилан сэргийлж, эрүүл мэнд, амь насаа хамгаалан аюулгүй байдлаа хангахыг анхааруулж байна.
Монголын хөлбөмбөгийн холбооны IV их хурлаар ерөнхийлөгч болон дэд ерөнхийлөгчөө сонголоо. МХБХ-ны ерөнхийлөгчөөр А.Ганбаатарыг сонгосон бол дэд ерөнхийлөгчийн сонгуульд П.Болд 23, Б.Буман-Учрал 22, н.Ганхүү 7 санал авсан байна. Нийт төлөөлөгчдийн 50-иас дээш хувийн саналыг хэн ч аваагүй учраас хамгийн олон санал авсан Болд, Б.Буман-Учрал нарын хооронд дахин санал хураалт явуулснаар МХБХ-ны дэд ерөнхийлөгчийн сонгууль дахин санал хураалт хийж Б.Буман-Учрал 28, П.Болд 23 санал авчээ. Ингээд ОУХМ Б.Буман-Учрал МХБХ-ны Дэд ерөнхийлөгчөөр сонгогдлоо.
“Эрдэнэс-Тавантолгой” компанийн гүйцэтгэх захирал Я.Батсуурийг АТГ-аас баривчилж, ШШГЕГ-ын харъяа хорих 461 зүгээр ангид саатуулаад байна. Түүнийг 72 цагийн хугацаанд саатуулах зөвшөөрлийг АТГ-ынхан шүүхээс авсан бөгөөд маргааш үргэжлүүлэн хорих уу эсвэл суллах уу гэдгийг шийдэх юм. Я.Батсуурийг Эрүүгийн хуулийн 150.3 буюу бусдын эд хөрөнгийг завшиж үрэгдүүлсэн, 265.2-т буюу төрийн бус байгууллагын албан тушаалтан албан тушаалаа урвуулсан гэх үндэслэлээр шалгаж байгаа юм.
УИХ-ын Аюулгүй байдал, гадаад бодлогын байнгын хороонын дарга Ж.Энхбаяр, УИХ-ын гишүүн С.Оюун нар намрын ээлжит чуулганы хугацаанд хийсэн ажлаа тайлагнан сэтгүүлчдэд мэдээлэл өгөв. 
“MVM CLUB”-ийн зүгээс гишүүд болон дэмжигчдээ энэ сарын 28-ны бямба гаригийн 17:00 цагт “SKY” их дэлгүүрийн зогсоол дээр хүрэлцэн ирж, “Хүүхдийн хүчирхийллийн эсрэг” тайван авто жагсаалд нэгдэхийг уриалсан байна. Жагсаалд оролцогчид лаа барин, автомашиныхаа гэрэл, дохиогоо асаан тайван замаар жагсан явна. Тэд энэ үйлдлээрээ монголын ирээдүй болсон хүүхэд багачууд хайр энхийрлэл, халамжин дунд өсөх ёстой байтал хүнд хүчир ажил хийж, архины хамааралтай эцэг эхийнхээ дарамтад өртөн, амь насаа алдаж байгаад харамсан эмгэнэл илэрхийлэх юм. Мөн цаашлаад иймэрхүү үйлдлийг таслан зогсооход иргэдийн дуу хоолойг нэгтгэн ,хүчирхийлэлд өртөгсөд болон хүчирхийлэгчдэд хатуу анхааруулга өгөх зорилготой юм байна. Одоогоор энэхүү үйл ажиллагаанд нэгдэх хүсэлтээ ирүүлсэн хүмүүсийн тоо 5000 гараад байна гэж зохион байгуулагчдын зүгээс мэдээлжээ. 
Америкийн мэргэжлийн сагсан бөмбөгийн “Индиана Пэйсзэрс” багийн довтлогч Пол Жорж өнгөрөгч намар гэмтснээсээ хойш анх удаа олны өмнө багийнхантайгаа хамт дэлгэрэнгүй бэлтгэлд оролцож өөрийгээ эргэн ирэх дөхөж буйг зарлалаа. 
Өнгөрөгч намар Испани улсад зохиогдсон сагсан бөмбөгийн ДАШТ-д бэлдэж байх үедээ хөлийнхээ дунд чөмгийг хугалж асар хүнд гэмтсэн Полыг зарим мэргэжилтэнгүүд энэ жил “орноосоо босохгүй” гэх нь холгүй таамаглаж байсан билээ. Түүнгүйгээр багийнх нь амжилт хүртэл уруудаж ноднин жил бүсийнхээ аваргын төлөө тоглож байсан баг өнөөдөр Дорнод конференцийн 11-т жагсаж плей-оффт багтах эсэх нь эргэлзээтэй болтлоо уруудсан бөлгөө.
Монголын Залуучуудын Холбоо 2015 оныг залуусаа “Бүтээе” уриан дор хариуцлагатай, хошуучлагч, залуу хүн бүр баян болохын төлөө зорилтыг дэвшүүлэн сар бүрийг өөрийн нэршилтэй болгож үйл ажиллагаагаа чиглүүлэн зохион байгуулж байгаа бөгөөд гуравдугаар сарыг “Спортлог” сар хэмээн нэрлэж үйл ажиллагааны чиглэлүүдээ тодорхойлоод байна.
УИХ-ын Аюулгүй байдал, гадаад бодлогын байнгын хорооноос өнөөдөр хэвлэлийн бага хурал хийж, УИХ-ын 2014 оны намрын ээлжит чуулганы хугацаанд хийсэн ажлаа тайлагнан сэтгүүлчдэд мэдээлэл өгөв. Хэвлэлийн бага хуралд тус Байнгын хорооны дарга Ж.Энхбаяр, УИХ-ын гишүүн С.Оюун нар оролцлоо.