Замын хөдөлгөөний хэт ачааллыг бууруулах зорилгоор авто машины улсын дугаарын сүүлийн орон тэгш тоогоор төгссөн бол 2015 оны 1 дүгээр сарын 31, 2 дугаар сарын 7, 14-ний бямба гаригуудад зорчих зохицуулалт хийсэн.
Үүний дагуу өнөөдөр улсын дугаарын сүүлийн орон тэгш тоогоор төгссөн автомашин замын хөдөлгөөнд оролцоно. Мөн ирэх хоёрдугаар сарын 7, 14-ний бямба гаригуудад зорчих юм. Харин автомашины улсын дугаарын сүүлийн орон сондгой тоогоор төгссөн бол 2015 оны 2 дугаар сарын 1, 8, 15-ны ням гаригуудад өглөөний 10.00 цагаас 20.00 цагийн хооронд авто замын хөдөлгөөнд оролцуулах түр зохицуулахаар болсон.
Мөн дугаарын хязгаарлалтын бүсийг Сонгинохайрхан дүүргийн Саппорагийн уулзвараас Таван шарын уулзвар хүртэлх замд 10:00-20:00 цагийн хооронд авто замын хөдөлгөөнд оролцохыг хязгаарлаж, энэ хугацаанд гэр хорооллоос Нарантуул Олон улсын худалдааны төвийн чиглэлд буухиа автобус явуулахаар зохицуулсан.
Манай зарим томоохон эмнэлгүүдэд 1998 оноос Японы Засгийн газрын буцалтгүй тусламжаар тоног төхөөрөмжийн иж бүрэн шинэчлэлийн төслүүд хэрэгжиж эхэлсэн. Тухайн тоног төхөөрөмжийг ашиглах, ажиллуулах талаарх олон сургалт дадлагыг Япончууд өөрсдөө явуулж ирсэн юм. Түүнчлэн эмнэлгийн сувилахуйн ухаан, арга ажиллагаагаараа дэлхийд өндрөөр үнэлэгддэг Японы сувилагч нар Монголын хөдөө орон нутагт ажиллаж өөрсдийн туршлагаасаа хуваалцсан билээ. Тэдний нэг Миюүки Хоригүчи Жайка олон улсын Байгууллагын хүмүүнлэгийн хөтөлбөрийн хүрээнд Монголд ирсэн бөгөөд Эрдэнэт хотын нэгдсэн эмнэлэгт мэргэжлээрээ хоёр жил ажиллаж эрүүл мэндийн салбар тэр дундаа орон нутгийн эмнэлгийн сувилагчдад өөрийн туршлага мэдлэгээсээ харамгүй хуваалцсан нэгэн аж. Тэрээр энд ажилласныхаа дараа ч монгол сувилагчдыг Японд урт, богино хугаацаагаар ажиллуулан, мэргэжлээ дээшлүүлж туршлага хуримтлуулах боломжийг эрэлхийлэхийн сацуу олон зүйлийг санаачлан хэрэгжүүлж байгаа нэгэн. Өнгөрсөн арванхоёрдугаар сард түүнийг Улаанбаатар хотод ирэх үеэр нь уулзсан юм.
Өнөөдөр найман хос тоглолтоор Английн Прьемер Лигийн 23-р тойрог эхэлнэ. Мэдээж эдгээр тоглолтууд дотроос Челси-Ман. Сити гэх тулаан бусдаасаа онцгой байж анхаарал татах нь зүйн ёс билээ. Учир нь энэ хоёр баг одоогийн байдлаар хүснэгтийг тэргүүлж яваа бөгөөд тэд гурван онооны төлөө бус зургаан онооны төлөө тоглож буй гээд хэлэхэд хилсдэхгүй буй заа. Дээр нь олон жилийн туршид Челсигийн бэлгэ тэмдэг болон гялалзаж байсан Ф.Лэмпард анх удаа төрөлх талбайдаа өөр багийн өмсгөлтэй гарч Ман.Ситигийн ялалтын төлөө зүтгэх гэж байна. Өнөөдрийн тоглолтын оноолтыг танилцуулья: 
АНУ-аас Монгол Улсад суугаа ЭСЯ-наас Жастин Каплад холбогдох хэргийг шүүж, шүүхийн шийдвэр гарсантай холбогдуулан мэдэгдэл гаргажээ. Уг мэдэгдэлд “2015 оны 1 сарын 30-ны өдөр Монгол Улсын шүүх бүрэлдэхүүн АНУ-ын иргэн Жастин Каплаг татвараас зайлсхийсэн хэрэгт буруутгалаа. АНУ-аас Монгол Улсад суугаа Элчин сайд Пайпэр Кэмбэлл болон ЭСЯ-ны хэд хэдэн албан хаагчид шүүх хуралд оролцсон ба шүүх хурлын үеэр орчуулгатай холбоотой асуудал үүсэж байсныг ажигласан. Энэ асуудлаас улбаалан шүүгдэгчид шүүх хурлын үеэр орчуулгыг ойлгохгүй байгаагаа мэдэгдэж, өөрсдийгөө ч мөн ойлгуулж чадахгүй байгаагаа илэрхийлсэн. Ноён Каплагийн хэрэг гурван жил орчим үргэлжиллээ. Шүүх хурлын товыг олон дахин хойшлуулсан, хилийн хориг тавьсан зэрэг нь ноён Каплад ихээхэн бэрхшээлүүдийг дагуулсан.
Ерөнхий сайд асан Н.Алтанхуяг өнөөдөр Ерөнхий сайд Ч.Сайханбилэг, УИХ-ын дарга З.Энхболд нарт шаардлага хүргүүлжээ. Тэрбээр Ч.Сайханбилэг сайдад илгээсэн мэдэгдэлдээ “Шинээр байгуулагдсан Засгийн газар Төрийн албан хаагчдыг олноор цомхотгож, халж эхэллээ. Төрийн албан хаагчид намуудын наймаанд өртөх учиргүй” гэж онцолж, цаашид халаа сэлгээ хийхгүй байхыг шаардсан байна.
Хан-Уул дүүргийн наймдугаар хороонд 209 дүгээр цэцэрлэг шинээр ашиглалтад орж байгаа билээ. Энэ цэцэрлэгт хүүхдээ оруулах гэсэн эцэг эхчүүд өчигдөр оройн 20:00 цагаас эхлэн гадаа -30 хэмийн хүйтэнд хонон байж дугаарлаж байна. Урьд шөнө гэхэд л цэцэрлэгийн гадаа 160 гаруй эцэг, эх дугаарлан хоносон. Машинтай хүмүүс цэцэрлэгийн гадаа дугаараа алдахгүйн тулд ээлжилж байсан бол машингүй нь бусдын машинд 10 мянган төгрөг төлж дулаан хоносон тухай эцэг эхчүүд хэлж байна.
Австрали тивд нэгдүгээр сарын 9-нөөс эхлэн наадаж байгаа хөлбөмбөгийн тивийн цомын тэмцээн дуусах дөхөж байна. Нийтдээ 16 баг оролцон тоглосоор өнөөг хүрэхэд шилдэг дөрөв нь үлдсэн бөгөөд тун сая Ирак ба АНЭУ-ын багууд хүрэл медалийн төлөө тоглож ялагчаа тодруулав. Энэ тоглолтод Эмиратын арабчууд өрсөлдөгчөө 3:2-ын харьцаагаар буулган авч 16 дахь удаагийн Азийн цомын хүрэл медалийн эзэд болцгоолоо. Маргааш Өмнөд Солонгосын шигшээ баг нутгийн эзэн Австралийн шигшээтэй аваргын төлөө тоглох болно.
Налайх дүүргийн Засаг дарга Х.Болдбаатарыг хууль бусаар газар олгосон, жилийн дотор 40 шахам удаа гадаадад аялсан, гэнэт хөрөнгөжсөн зэрэг шалтгаанаар АТГ-т шалгуулахаар болсон дуулдав.
Ази тивийн аварга шалгаруулах марафон гүйлтийн 15 дахь удаагийн тэмцээн энэ сарын 25-нд Хонконгт болсон байна. “Алдар” спорт хорооны тамирчин, ОУХМ Б.Мөнхзаяа энэ тэмцээнд 42 км 195 метрийн зайг 2.38.48 цагт туулж, IV байрт оржээ. Ингэснээр Рио де Жанейрогийн олимпод оролцох болзлыг хангажээ.