Өнгөрсөн гуравдугаар сард Куала-Лумпур-Бээжингийн чиглэлд нисч яваад сураггүй болсон Малайзын”Боинг777″онгоцыг дахин хайх ажлыг дахин эхлүүллээ. Энэтхэгийн далайн өмнөд хэсэгт эхлүүлжээ.Хайгуулын ажилддуу авиа хэмжигч төхөөрөмжөөр тоноглогдсон тусгай хөлөг онгоц оролцож байгаа юм.Өчигдөр GO Phoenix хайгуулын хөлөг онгоц 1800 километр газар хайгуул хийжээ. Эрлийн ажлыг удирдаж байгааАвстралийн тээврийн аюулгүй байдлын агентлагийн тэргүүн хэлэхдээ “Энэ эрлийн ажлыг Малайз болон Австрали улс санхүүжүүлж байгаа учир алга болсон онгоцны байршлыг зайлшгүй олж тогтоох болно” гэжээ. 239 зорчигчтой явсан Боинг777 онгоц нь өнгөрсөн гуравдугаар сарын 8-нд ор сураггүй алга болсон юм.Австралийн албаныхан онгоц сүйрэх үедээ автомат жолоодлогтойбайсан гэсэн таамаглалдэвшүүлсэн бөгөөд Австралийн баруун хойд хэсэг болох Перт хотын ойролцоо Энэтхэгийн далайд осолдсон байж магадгүй гэнэ.Өмнөх хайгуулын ажил 4 сарын өмнө зогссон бөгөөд 110,000 ам дөрвөлжин талбайд далайн гүний судалгаа шинжилгээний ажил хийсэн юм.
Монголын Залуучуудын Холбооноос санаачлан Шүүхийн Шийдвэр Гүйцэтгэх Ерөнхий Газартай хамтран Нарантээл ХХК – ний санхүүжилтээр “Номоор нээе” төслийг ирэх 12-р сараас хэрэгжүүлж эхлэхээр болсон байна. 
Тайландынхаан 86 настай Пхумилон Адульядет мэс засал хийлгэн цөсөө авахуулсан байна. Өнгөрсөн баасан гаригт тэрээр эмнэлэгт хэвтэж өчигдөр ордондоо буцаж иржээ. Засгийн эрхийг хүчээр авч Засгийн газрыг тэргүүлэх болсон Прают Оча-Чан хааны эмнэлэгт байхад нь эргэсэн байна. Тайландын хаан Пхумилон Адульядет нь 1946 онд хаан ширээнд заларсан юм. 
Н.Энхбаярыг Солонгосын иргэн болсон гэх мэдээлэлтэй холбогдуулан МАХН-ын дарга удирдлагууд сая хэвлэлийн бага хурал хийлээ. Тэд “Ерөнхийлөгч асан Н.Энхбаяр иргэншлээ солих хүсэлт гаргасныг БНСУ-ын тал хүлээн авсан гэх мэдээлэл худлаа. Энэхүү ташаа мэдээллийн талаар тодорхой хариу өгөхийг хүсч, БНСУ-аас Монгол Улсад суугаа Элчин сайдын яаманд хандсан” гэлээ.
МАН-ын Шинэчлэлийн хороо, “Хүсэл зорилгоо нэгтгэе” хөдөлгөөн хамтран Чингисийн талбайд өнөөдөр тайван жагсаал хийв. Тэд өнгөрсөн долоо хоногоос “Засгийн газар болон Засгийн газрын тэргүүн ажил үүргээ хийж чадаж байна уу” гэсэн асуултаар бүх нийтийн санал асуулгыг авч эхэлсэн юм. Судалгаанд нийслэлийн есөн дүүрэг, 11 аймгийн нийт 5130 хүн хамрагдсан гэнэ. Өнөөдрийн тайван жагсаалаар дээрх судалгааныхаа дүнг танилцуулснаас гадна Ерөнхий сайд Н.Алтанхуягт хандан аравдугаар сарын 13-ны 10:00 цагаас өмнө өөрийн хүсэлтээр, Монгол эр хүний ёс жудгийг харуулж албан тушаалаасаа огцрохыг шаарджээ. Хэрэв заасан хугацаанд суудлаасаа буухгүй бол дараа дараагийн тэмцлийн үйл ажиллагаанд орно гэсэн байна.
“Хүүхэлдэйн театр” багачуудаа хүлээж авахад бэлэн болжээ. Тус хамт олон 66 дахь жилийн үзвэрээ энэ сарын 11-нд нээнэ. Мөн хүүхэд багачууддаа зориулж “Хүүхэлдэйн театртай танилцаарай багц жүжгүүдийн аян”-г зохион байгуулах болсноо дуулгасан юм. Багц бүхэн өөр,өөрийн сонголт, онцлогтой аж. Энэ нь 1-7 насныханд зориулсан “Хүүхэлдэйн жүжгийн сар” болон наймаас дээш насныханд зориулсан “Хүүхдийн жүжгийн багц юм”. “Хүүхэлдэйн жүжгийн багц”-д багачуудын сайн мэдэх “Долоон дэлбээт цэцэг”, “Болдоггүй бор өвгөн”, зэрэг жүжиг багтсан бол “Хүүхдийн жүжгийн багц”-д “Лусын хааны охид”, “Одноос төрсөн ханхүү” зэрэг жүжиг багтжээ. Тус хамт олон энэ оныг дуустал багц жүжгүүдээ 50 хувь хямдруулж, гэнэтийн бэлэг барих гэнэ. Мөн цэцэрлэгийн насны багачуудаа марталгүй мини театрыг байгуулж, цэцэрлэгт нь очиж тоглолт зохион байгуулахаар болжээ. 
АНУ-ын Нью-Жерси мужид цэргийн дэлхийн аварга шалгаруулах чөлөөт бөхийн тэмцээн болж байгаа билээ.Энэхүү тэмцээнд оролцож байгаа манай бөхчүүд одоогийн байдлаар дөрвөн алт, гурван мөнгө, нэг хүрэл медаль хүртээд байна. Тодруулбал, тэмцээний эхний өдөр эрэгтэйчүүдийн 61 килограммын жинд хүч үзсэн олон улсын хэмжээний мастер Н.Лхамгармаа, Т.Түвшинтүлга 70 кг-д барилдсан гавъят тамирчин Г.Мандахнаран нар түрүүлжээ. Мөн эрэгтэйчүүдийн 57 кг-д барилдсан Д.Цогтбаатар мөнгөн медаль хүртсэн бол 65 кг-ын жингийн ангилалд хүч үзсэн Б.Батмагнай хүрэл медалийн эзэн болов. Харин эмэгтэйчүүдийн 61 кг-ын жинд С.Цэрэнчимэд алтан медаль хүртсэн бол 48кг-ын жинд барилдсан Ц.Бямбазаяа, 58кг-д хүч үзсэн Д.Орхон нар мөнгөн медалийн эзэд болж, эх орныхоо төрийн дууллыг эгшиглүүлсэн байна. Тэмцээн өнөөдөр дуусна. 
Арабын нэгдсэн Эмират улсын Ал Аин хотноо маргаашнаас эхлэн энэ сарын 14-нийг хүртэл үргэлжлэх Дэлхийн Оюутны аварга шалгаруулах буудлагын V тэмцээнд Монголын баг тамирчид 10 хүний бүрэлдэхүүнтэй оролцохоор боллоо. Буудлагын оюутны шигшээ багийн бүрэлдэхээнд Э.Даваахүү, Н.Цэрэнтогтох, О.Төгөлдөр, Т.Баярцэцэг, О.Янжинлхам, Ө.Өлзийням, Б.Сувд-эрдэнэ, М.Түвшинжаргал, Г.Нандинзаяа, Х.Бямбабаатар нарын арван тамирчин багтаж байна.Тэд өнөөдөр АНЭУ-ыг зорьж байгаа юм. Баг тамирчдыг МОХ-ны Ерөнхийлөгч, МОСХ-ны Удирдах зөвлөлийн гишүүн Х.Батсайхан ахлан, дасгалжуулагчаар гавъяат дасгалжуулагч Х.Ундралбат нар ажиллах юм байна. Монголын оюутан буудагч нар 2003, 2008,2012 оны Дэлхийн Оюутны аварга шалгаруулах тэмцээнд оролцон алт дөрөв, мөнгө хоёр, хүрэл дөрөв буюу нийт 10 медаль хүртжээ.Энэ удаа олон тамирчин оролцож байгаа учир медалийн тоогоо нэмэхээр зорьж байгаа гэдгийг дасгалжуулагч Ч.Ундралбат онцлов.