Саудын Араб зөвхөн эрчүүд л оролцож болох Олимпийнй наадмыг зохион байгуулах тухай санал санаачлага гаргаад байгаа юм байна. Харин Бахрейн улс энэ цаг мөчид мөн л зөвхөн эмэгтэйчүүд оролцож болох Олимпийн наадмыг зохион байгуулах тухай санаачлагаа Олон улсын Олимпийн хороонд илгээхээр болсон тул Саудын Арабынхан Бахрейн улстай нэгдэж хүн төрөлхтөний эв нэгдлийн баяр спортын наадмыг хүйс харгалзан зохион байгуулах санаачлагаа илгээхээр болж байгаа юм байна. Гэхдээ Олон улсын Олимпийн хорооны
тэргүүн Томас Бах хүйс, шашин шүтлэгээр нь ялгаварлан спортын тэмцээн уралдааныг зохион байгуулах боломжгүй гэсэн байр сууриа илэрхийлнэ гэсэн мэдээллийг урьдчилсан байдлаар хэвлэлийнхэн өгч байгаа юм. Саудын Арабт спортын аливаа нэг наадамд эмэгтэйчүүдийг оролцохыг нь хориглодог учир 2012 оны Олимпийн наадам хүртэл Саудын арабаас зөвхөн эрэгтэй тамирчид Олимпийн наадамд оролцсоор ирсэн юм. Харин Лондонд болсон Олимпийн наадмын өмнө Олон улсын Олимпийн хороо шахалт үзүүлсний нөлөөгөөр тус улсаас анх удаа 2 тамирчин тодруулбал, хөнгөн атлетикийн тамирчин Сара Аттар, жүдоч Воджан Шахрхани нар энэ наадамд оролцсон түүхтэй юм.