Баянзүрх дүүргийн 22 дугаар хорооны нутаг дэвсгэрт Монел-Зүүн Алтан-Өлгийн гэр хороолол дунд зам барилгын ажил явагдаж байна. Тус байрлалд шинээр 1.2 км авто замын ажлыг “Өргөн говь” ХХК гүйцэтгэж байгаа юм. Уг ажилтай холбоотойгоор тус замыг энэ сарын 30 хүртэл хаажээ. Энэ хугацаанд газар шорооны ажил, ус зайлуулах хоолой ба замын хашлага суурилуулах ажлууд хийгдэх аж. Зорчих хэсгийн өргөн 7 м, хоёр талдаа тус бүр 1.5 м өргөн явган хүний замтай, нэг талдаа гэрэлтүүлэгтэй болох замыг 10 дугаар сарын 1-нд хүлээлгэж өгөх гэрээтэй юм байна.