Туркийн Улаан хавирган сар нийгэмлэгээс маргааш Чингэлтэй дүүргийн 14-р хорооны /5 буудал/ байранд зорилтот бүлгийн 115 айл өрхөд тус бүр 30 кг хүнсний тусламж үзүүлэхээр боллоо.
Тус нийгэмлэг энэ жилийн хүмүүнлэгийн үйл ажиллагааны хүрээнд асрамжийн газрууд болон Улаанбаатар хотын харьяа Чингэлтэй, Налайх, Сонгинохайрхан дүүргийн иргэдэд хүнсний тусламжийн бүтээгдэхүүн тараахаар төлөвлөжээ. Мөн Туркийн Рамадан сарыг тохиолдуулан жил бүр Монгол Улсад хүмүүнлэгийн тусламж үзүүлдэг бөгөөд энэ жилийн хувьд 1000 гаруй өрхөд хүнсний туслалцаа үзүүлэх юм.
Энэхүү үйл ажиллагаанд Чингэлтэй дүүргийн ЗДТГ, БНТУ-аас Монгол Улсад суугаа ЭСЯ болон Туркийн Улаан хавирган сар нийгэмлэгийн төлөөлөгчид оролцоно.