Засгийн газрын хуралдаанаас гаргасан шийдвэрийг Боловсрол,
шинжлэх ухааны сайд Л.Энх-Амгалан танилцуулж байна.
Тэрээр “2022-2023 оны хичээлийн шинэ жилийн бэлтгэлийг ярилцлаа. Өнгөрсөн онд нийт хичээлийн цагийн 47 хувь нь хаалттай байжээ. 100-110 өдөр танхимаар хичээллэж чадаагүй. Ингэснээр хүүхдүүд 68 хувийн боломжоо алдсан. Өнгөрсөн хоёр жилд гээд тооцвол нийт 60 хувийн хичээлээ танхимаар явуулаагүй. Энэ нь олон эрсдэл дагууллаа. Мөн 185 мянган хүүхэд хоцрогдолд орсон. Иймд бид ирэх сарын 1-нээс танхимын болон танхимын бус гэсэн хосолсон хэлбэрээр хичээлийг эхлүүлнэ. Учир нь ахлах ангийн хүүхдүүдийн олонх нь бүрэн тундаа хамрагдлаа. Гэвч халдвар авсан 5 хүний нэг нь хүүхэд байна. тэр дундаа 0-11 насны хүүхдүүдийн дунд халдвар авах явдал өндөр хэвээр байна.
Цэцэрлэгүүдийг мөн танхимаар нээнэ. Сурагчид болон цэцэрлэгийн хүүхдүүд 5 хоног танхимаар, 5 хоног цахимаар эсэн хуваарийн дагуу хичээллэнэ. Харин МСҮТ, их сургууль, коллежийн хичээл есдүгээр сарын 15-нд эхэлнэ. Учир нь энэ жил ЭЕШ-ыг хойшлуулсан. ЭЕШ-ыг энэ сарын 19-21-ний өдрүүдэд болно.
Манай хоёр хөрш оронд ч халдвар тархлаа. Эцэг эхчүүд төрийн байгууллагатай хамтран ажиллах зайлшгүй шаардлага үүслээ. Эрүүл мэндийн хүндэтгэх шалтгаантай хүүхдүүд цахимаар хичээллэх боломжоор бид хангана” гэв.