Засгийн газрын ээлжит хуралдаан эхэллээ. Өнгөрөгч долоо хоногийн Засгийн газрын хуралдаанаар соёлын салбарын ажилчдын цалин хөлсийг энэ онд багтаан нэмэгдүүлэх болсон талаар шийдвэр гарсан. Мөн Соёлын тухай хуулийн дагуу Орон нутагт ажиллаж буй соёлын салбарын ажилтан, албан хаагчдад таван жил тутамд нэг удаа зургаан сарын үндсэн цалинтай дүйх хэмжээний мөнгөн тэтгэмж олгох журмыг Засгийн газрын хуралдаанаар баталсан. Энэ хүрээнд 2023 оны батлагдсан төсвийн хүрээний дагуу зохицуулалт хийх, цаашид жил бүрийн улсын төсөвт тусган санхүүжүүлэхийг Соёлын сайд Ч.Номин, Сангийн сайд Б.Жавхлан нарт даалгасан билээ.
Өнөөдрийн хуралдаанаар төсөвт тодотгол хийх асуудлыг хөндөж магадгүй байна. Учир нь өнгөрөгч даваа гаригт МАН-ын бүлгийн хурлаар Сангийн сайд Б.Жавхлан, Хөдөлмөр нийгмийн хамгааллын сайд Х.Булгантуяа нар оролцож, цалин тэтгэвэртэй холбоотой танилцуулгыг хийсэн байна.
Өнөөдрийн хурлаас гарсан шийдвэрийг эргэн мэдээлнэ.
Засгийн газрын ээлжит хуралдаан үргэлжилж байна.
ӨНӨӨДӨР ХЭЛЭЛЦЭХ АСУУДЛУУД:
- Дорнод, Сүхбаатар, Хэнтий аймагт болсон цаг агаарын аюулт үзэгдлийн талаар,
- “Эмээлт эко аж үйлдвэрийн паркын талаар авах зарим арга хэмжээний тухай” Засгийн газрын тогтоолын төсөл,
- “МИАТ ТӨХК-ийн орон нутгийн чиглэлд нислэг үйлдүүлэх талаар авах арга хэмжээний тухай” Засгийн газрын тогтоолын төсөл
- “Насан туршийн суралцахуйг хөгжүүлэх зарим арга хэмжээний тухай” Засгийн газрын тогтоолын төсөл,
- “Мэргэжлийн боловсрол сургалтын байгууллагын мэргэжлийн өөрийн өртгийг үндэслэн тогтоосон нэг сурагчид ногдох хувьсах зардал, аргачлал батлах тухай” Засгийн газрын тогтоолын төсөл зэрэг 33 асуудал хэлэлцэх болон танилцахаар төлөвлөөд байна.