Уур амьсгалын өөрчлөлтийн эсрэг тэмцэл хийн алдаршсан 16 настай швед охин Грета Тунбэргийг “TIME” сэтгүүл 2019 оны хүнээр шалгаруулжээ.
Түүний зургийг “TIME” сэтгүүлийн нүүрэнд “Залуу үеийнхний хүч” гэсэн тайлбартайгаар нийтэлсэн байна. Гретаг эрс шийдэмгий үйлдлээрээ дэлхийн дулаарлын асуудалд шийдвэр гаргагчдын анхаарлыг хандуулж чадсан хүн гэж “TIME” сэтгүүл онцолжээ.
Тус сэтгүүлийн оны хүний шалгаруулалтад АНУ-ын ерөнхийлөгч Дональд Трамп болон Британийн гүнж Меган Мэркл зэрэг алдартнууд оролцжээ. Сэтгүүлийн оны хүнийг зарлах үеэр Грета Тунбэрг Испанийн нийслэл Мадрид хотноо НҮБ-ын уур амьсгалын өөрчлөлтийн чуулганд оролцож байсан аж.