Нийтийн үйлчилгээний Улаанбаатар нэгтгэл” өвөлжилтийн бэлтгэл ажлаа 100 хувь хангасан тухайгаа мэдээллээ. Тодруулбал, цас орсон үед бодис цацах “Камаз” долоо, “Бонго” тав, “Зил-130” гурав, цас мөс хусах, түрэх “Ковш” хоёр, “Автогрейдер” нэг, “Универсиал трактор”, “Bobcat” тус бүр хоёр зэрэг тусгай зориулалтын тоног төхөөрөмж болон хүн хүч бүхий 23 бригад ажиллуулахад бэлэн болсон байна.
Эдгээр бригадууд нь төвийн гудамж талбайгаас гадна их хэмжээний цас, хунгар тогтож, хөдөлгөөнд саад учруулдаг хотын гаднах Айц, Морин, Баруун турууны даваа, 22-ын, Баянзүрхийн, Яармагийн товчоо, Найрамдал зуслан, Дамбадаржаа, Бэлх, Сэлх болон Санзай хүртэлх зуслангийн авто замуудыг хариуцан ажиллах юм байна.
Тус нэгтгэл 400 м3 элс, 560.3 тонн бодисын нөөцтэй байгаагаас гадна явган замын цас үлээх шинэ тоног төхөөрөмж 11, мөн цас мөсний цохиур зэргийг бэлтгээд байгаа юм байна.