Үндэсний Статистикийн Хороо (ҮСХ)-ноос 2024 оны эхний зургаан сарын зээлийн өрийн үлдэгдлийг танилцууллаа.
Нийт зээлийн өрийн үлдэгдэл зургаадугаар сарын эцэст 33.5 их наяд төгрөг болж, өмнөх оны мөн үеэс 30.9 хувиар өссөн буюу 7.9 их наяд төгрөгөөр нэмэгджээ.
Уг өсөлтөд иргэдийн зээлийн өрийн үлдэгдэл 40.2 хувь буюу 5.6 их наяд төгрөгөөр өссөн нь гол нөлөөг үзүүлсэн аж.
Харин хувийн байгууллагын зээлийн өрийн үлдэгдэл өмнөх оны мөн үеэс 17.6 хувь буюу хоёр их наяд төгрөгөөр өссөн байна.
Нийт зээлийн өрийн үлдэгдлийн 90.5 хувийг хэвийн зээл эзэлж байна. Харин
- 3.7 хувийг анхаарал хандуулах зээл
- 5.8 хувийг чанаргүй зээл тус тус эзэлжээ.
Арилжааны банкууд болон Монголын Ипотекийн Корпорац (МИК)-аас иргэдэд олгосон ипотекийн зээлийн үлдэгдэл 2024 оны тавдугаар сарын эцэст 8.3 их наяд болсон байна. Үүнийг өмнөх оны мөн үетэй харьцуулбал ипотекийн зээлийн өрийн үлдэгдэл 21.4 хувиар буюу 1.5 их наяд төгрөгөөр өсөв.
Тавдугаар сард өмнөх сараасаа 2.8 хувь буюу 228.5 тэрбум төгрөгөөр өссөн байна.