Нийслэлийн Эрүүл мэндийн газар, НҮБ-ын Хүн амын сан, Эх хүүхдийн эрүүл мэндийн үндэсний төв хамтран зургадугаар сарын 11-22 өдрүүдэд “Ургийн хэт авиан оношилгооны ур чадварыг сайжруулах нь” сэдэвт сургалтыг зохион байгуулж байна. Тус сургалтанд дүүргийн Эрүүл мэндийн төв, нийслэлийн Амаржих газар, Эх хүүхдийн эрүүл мэндийн үндэсний төвийн эх барих, эмэгтэйчүүдийн нийт 24 их эмч хамрагдажээ. Сургалтын үр дүнд жирэмсэн эх, ургийн хэт авиан оношилгооны ур чадвар дээшлэн, эх, хүүхэд, нөхөн үржихүйн эрүүл мэндийн тусламж, үйлчилгээний чанар сайжирна гэж үзэж буй юм.
Түүнчлэн Нийслэлийн Эрүүл мэндийн газраас Туул тосгоны Эрүүл мэндийн төвийн хүсэлтээр магадлан итгэмжлүүлэх үйл ажиллагаанд дэмжлэг үзүүлэх зорилгоор зургадугаар дугаар сарын 20-ны өдөр “Эмнэлгийн тусламж, үйлчилгээний эрсдэл, эрдслийн үнэлгээ, төлөвлөлт” сэдэвт сургалт зохион байгуулсан байна. Эмч, эмнэлгийн ажилтан 11 хүн оролцсон тус сургалтаар тусламж, үйлчилгээний эрсдлээ ажилтан бүр үнэлж, сурах мэдлэг олгоход оршжээ. Мөн тус төвийн эмч, эмнэлгийн ажилтнуудтай хамтран тарианы өрөө, гал тогооны хэсгийн эрсдлийг үнэлж, мэргэжил арга зүйн зөвлөгөө өгсөн байна.