Мэргэжлийн сүмогийн 2017 оны Хацү башё буюу нэгдүгээр сарын тэмцээн өнөөдөр эхлэнэ. Хацү башёг мэргэжлийн сүмогийн 71 дэх аварга Какүрюү М.Ананд тэргүүлсэн бол шинэ сэкиваке цолтны эгнээнд Тамаваши Б.Мөнх-Оргил дэвшжээ. Тамаваши Б.Мөнх-Оргил монгол бөхчүүдээс ес дэх сэкиваке цолтон нь болж байгаа юм. Баруун жигүүрийн манлай бөхөөр Харүмафүжи аварга барилдах бол Хакүхо аварга зүүн жигүүрийг манлайлах нь.
Арслангуудыг озеки Кисеносато Тэрүнофүжи тэргүүлэх бөгөөд Гойёдо, Тэрүнофүжи, Котошёогикү нар удаалжээ. Маэгаширагийн барууны хоёрт Араваши Э.Дөлгөөн бичигдсэн байна. Түүнтэй хамт манай гурван бөх маэгаширад эрэмбэлэгдсэн юм.
Дэд зиндаанд манай гурван бөх хүч үзнэ. Макүшитад арван бөх хүч үзэн барилдахаас Асасекирюү Б.Дашням, Дайшёохо Р.Шижирбаяр нар зиндаа буурч, Ч.Батзориг зааны хүү Асахирюү Дэнзэнсамбуу макүшитад анх удаа дэвшжээ.
Мэргэжлийн сүмогийн Хацү башё нэгдүгээр сарын 8-22-ны хооронд болно.