Европын хөлбөмбөгийн холбооны хамгийн нэр хүндтэй тэмцээн болох Аваргуудын лигийн хэсгийн дөрөв дэх тоглолтууд манай цагаар шөнийн 01.00 цагаас “Зенит”, “Байер Ливеркүзэн” багуудын тулаанаар эхлэх гэж байна. Энэ тойргийн хамгийн сонирхолтой тулаанаар өнгөрсөн жилийн аварга “Реал” болон Английн алдарт “Ливерпүүл” клубуудын тулаан нэрлэгдэж байна.
Өнгөрсөн тойрогт “Ливерпүүл” өөрсдийн “Энфилд” цэнгэлдэхдээ эзэн хааны багийг хүлээн авч тоглосон ч 3-1 харьцаатай ялагдал хүлээсэн билээ. Ингэснээр тэд хэсэгтээ гурван тойргийн дараах байдлаар 1 хожил, 2 хожигдолтой гуравдугаар байрт явж байгаа бол “Реал”-ын хувьд 100 хувийн амжилттай В хэсгийг итгэл төгс тэргүүлж байгаа билээ.
Мөн уг тоглолтод “Реал”-ын супер од Криштиану Роналду Аваргуудын лигийн бүх цаг үеийн шилдэг мэргэн бууч Раул Гонсалесын (71) гоолын рекордыг эвдэх боломжтой байгаа юм. Тэрбээр нийт 70 гоолыг эсрэг багынхаа хаалганд шигтгэсэн бөгөөд хэрэв өнөөдөр гоолдвол Раулын амжилттай зэрэгцэж ирэх юм. Ингээд өнөө шөнө явагдах тоглолтын хуваариудтай танилцацгаая.
Зенит – Байер
Бенфика – Монако
Мальме – Атлетико
Ювентус – Олимпиакос
Реал Мадрид – Ливерпүүл
Базель – Лудогорец
Арсенал – Андерлехт
Боруссия Д – Галатасарай