Тулгар Төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын нээлтийн ажиллагаа өнөөдөр болно.
Баяр наадмын хүрээнд өнөөдөр болох зарим үйл явдлын хураангүйг хүргэж байна.
09:30 цагт: Mонгол Улсын Төрийн тугийг Төв цэнгэлдэх хүрээлэн рүү залах ёслол Жанжин Д.Сүхбаатарын талбайд болно.
07:00-11:00 цагт: Үндэсний их баяр наадмын хурдан азарганы уралдаан Хүй долоон худаг болно.
08:00-18:00 цагт: Үндэсний шагайн харвааны хэсгийн тоглолт Шагайн асарт болно.
09:00-17:00 цагт: “Монгол наадам” нээлттэй сан хөмрөг-тусгай үзэсгэлэн Монголын Үндэсний музейд дэлгэгдэж, баяр наадамд зориулсан музейн сан хөмрөгөөс Монголчуудын өв соёл, түүхэн үзмэрийн цуглуулгын дээжээс хүргэнэ.
09:00-18:00 цагт: “Хөхүүрийн айраг” наадам Хүй долоон худагт болно.
09:00-18:00 цагт: АНУ-ын Чикаго хотын Дүрслэх урлаг соёл судлаач, Түүхийн ухааны доктор Ph.D зураач, уран барималч Бэсүд Том Дашням Отгонтөгсийн “Монгол домог” бие даасан уран бүтээлийн үзэсгэлэн Монголын Уран зургийн галерейд үргэлжлэн үзэгчдийн хүртээл болно.
09:00-18:00 цагт: “Монголын нэг өдөр” үзэсгэлэн Г.Занабазарын нэрэмжит Дүрслэх урлагийн музейд нээгдэж, тус музейн сан хөмрөгөөс дээжлэн хүргэнэ.
09:00-18:00 цагт: Байгалийн түүхийн музей, Богд хааны музей, Монголын театрын музей, Монгол цэргийн музей өөрийн өөрийн байранд “Сан хөмрөг” үзэсгэлэн үргэлжлэн зохион байгуулагдана.
09:00-18:00 цагт: Чойжин ламын сүм музейн сан хөмрөгөөс дээжлэн хүргэх “Хотол чуулган” үзэсгэлэн үргэлжлэн зохион байгуулагдана.
09:00-18:00 цагт: Улаанбаатар хотын музейд “Хөрөг” Уран бүтээлийн үзэсгэлэн дэлгэгдэж, тус музейн сан хөмрөгөөс хүргэнэ.
10:00-21:00 цагт: Соёлын наадмын арга хэмжээ эхэлж, 14:00 цагт тус наадмын нээлтийн арга хэмжээ болно.
11:00 цагт: Үндэсний Их Баяр Наадмын нээлтийн ажиллагаа – Монгол Улсын төрийн тугийг Төрийн ордонгоос Төв цэнгэлдэх хүрээлэнд залах ёслол болно.
11:10 цагт: Тулгар Төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын нээлтийн ажиллагаа болно.
11:40-12:40 цагт: Үндэсний их баяр наадмын шагайн харвааны нээлт Шагайн асарт болно.
12:00-15:00 цагт: Үндэсний их баяр наадмын хурдан Их нас морьдын уралдаан Хүй долоон худагт болно.
13:00-16:00 цагт: Баяр наадмын Өсвөр бөхийн барилдааны нэгийн даваа Төв цэнгэлдэх хүрээлэнд болно.
13:00-17:30 цагт: Үндэсний их баяр наадмын хүчит бөхийн барилдааны нэгийн даваа Төв цэнгэлдэх хүрээлэнд болно.
13:00-22:00 цагт: Үндэсний шагайн харвааны хэсгийн тоглолт Шагайн асарт үргэлжилнэ.
14:00 цагт: “Соёлын наадам”-ын нээлтийн ажиллагаа Хүй долоо худагт болно.
14:00 цагт: “Монгол хүн, Монгол ирээдүй, Монгол бахархал” уриан дор Монгол орны түүх соёл, аж байдал, зан заншил, үзэсгэлэнт байгаль түүний дахин давтагдашгүй дүр төрх зэргийг өнгөрсөн, одоо, ирээдүй цаг дор уран бүтээлчийн сэтгэл оюун өнгө дүрслэлээр урлагийн гайхамшигт бүтээл болгон хувиргасан уран бүтээлүүдийг толилуулах “Монголын сайхан орноор” уран зургийн үзэсгэлэн Монголын урчуудын эвлэлийн үзэсгэлэнгийн танхимд үргэлжилнэ.
14:30-17:30 цагт: Үндэсний сурын хана харвааны адаг өрөг Сурын талбайд болно.
17:30-19:30 цагт: Баяр наадмын Өсвөр бөхийн барилдааны хоёрын даваа Төв цэнгэлдэх хүрээлэнд болно.
17:30-21:30 цагт: Үндэсний их баяр наадмын хүчит бөхийн барилдааны хоёрын даваа Төв цэнгэлдэх хүрээлэнд болно.
17:30-21:30 цагт: Үндэсний сурын хасаа харвааны эхэн өрөг Сурын талбайд болно.
18:00-19:00 цагт: Үндэсний урлагийн бүхий л үзүүлбэрүүд багтаасан ардын урлагийн цогц хөтөлбөртэй “Nomadic legend” Ардын урлагийн тоглолт Цагаан лавай чуулга /Ган зам чуулга/-ын байранд болно.
18:00-19:20 цагт: Монголчуудын олон зууны турш өвлүүлэн уламжилж ирсэн соёлын биет бус өвийг сурталчлан таниулах “Дэлхийд гайхагдсан Монгол урлаг” жуулчдад зориулсан тоглолт Үндэсний Урлагийн Их Театрт болно.
21:00-23:00 цагт: Гадаад дотоодын жуулчдад зориулсан Төрийн их найрал, амьд хөгжмийн наадам цэнгүүн, “Наадмын үдэш” Үндэсний их найрал хөгжмийн тоглолт Үндэсний соёл амралтын хүрээлэнд болно.
22:00-00:00 цагт: “Улаанбаатарын үдэш-2022” нийтийн цэнгүүн, урлагийн тоглолт Хүй долоон худагт болно.
23:00 цагт: Тулгар Төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойд зориулсан “Ёслолын буудлага” Жанжин Д.Сүхбаатарын талбай, Яармаг дахь Морин тойруулгад болно.