Тус аймаг нь ӨМӨЗО-ны Альшаа аймагтай 1992 оноос хамтарч ажиллаж эхэлсэн түүхтэй аж. 2004 оноос хамтын ажиллагааг эрчимжүүлж хоёр аймаг эрүүл мэнд, боловсрол, соёл урлаг, хөдөө аж ахуй, газар тариалангийн салбарт хамтран ажиллаж байгаа юм. Дээрх аймгуудын хамтын ажиллагааг илүү сайжруулах үүднээс хамтын ажиллагааны гэрээг 37 зүйлтэйгээр байгуулсан бөгөөд ийнхүү буцалтгүй тусламжаар эхлүүлж байна.
Өмнөговь аймагт өнгөрсөн сард их хэмжээний цас орж, олон мал цасанд дарагдаж ялангуяа баруун сумдад хаваржилт хүндэрсэн учир Альшаа аймгаас ийнхүү тусламж үзүүлсэн байна. Аймгийн Засаг дарга Н.Наранбаатар болон баруун таван сумын удирдлагууд тэжээлийг хүлээн авч, малчиддаа хүртээмжтэй тараах үүрэг хүлээлээ.