Дорнод аймгийн Дашбалбар сумын ИТХ-ын 2015 оны 14 дүгээр хуралдаанаар Орон нутгийн хөгжлийн сангийн хөрөнгөөр хэрэгжүүлэх 2015 оны хөрөнгө оруулалтад нэмэлт өөрчлөлт оруулж Улз голын гүүрийг сэргээн засварлах ажлыг баталсан байна.
Энэ ажлын хүрээнд сумын үнэлгээний хорооноос Орон нутгийн хөгжлийн сангийн хөрөнгөөр хийгдэх “Улз голын модон гүүрний засварын ажил”-ын гүйцэтгэгчийг сонгон шалгаруулсан дүгнэлтээр өнгөрөгч есдүгээр сарын 9-ний өдөр “Амжилтын үндэс” бүлэгтэй гэрээ байгуулсан. Сумын Засаг даргын захирамжаар Улз голын модон гүүрийг сэргээн засварласан ажлын гүйцэтгэлийг хүлээн авах ажлын хэсгийг гурван хүний бүрэлдэхүүнтэй байгуулж ашиглалтад хүлээн авчээ.