Нийслэлийн Засаг дарга бөгөөд Улаанбаатар хотын захирагч С.Батболд хуульд заасан эрхийнхээ хүрээнд захирамж гаргаж, нийслэлийн Баянзүрх дүүргийн Засаг даргаар Энхтайваны Бат-Амгаланг батламжилсан. Энэ тухай мэдээллийг Нийслэлийн Засаг даргын Тамгын газраас өчигдөр албан ёсоор мэдээллэсэн юм. Гэтэл уг шийдвэрийг хууль бус хэмээн эсэргүүцсэн залуус Баянзүрх дүүргийн Засаг даргын тамгийн газрын байранд жагсаж, эсэргүүцлээ илэрхийлж суулт зарлаад байгаа юм.
Уг нь 2016 оны орон нутгийн сонгуулиар Нийслэлийн Баянзүрх дүүрэгт ИТХ-д АН 22 суудал авсан бол МАН-аас нэр дэвшигчид 19 суудал авсан байдаг. Ингээд хуулиараа ИТХ-даа олонх болсон нам засаг даргаа томилох учиртай юм байна. Тиймээс тус дүүргийн ИТХ-ын төлөөлөгчдийн олонхийн бүрэлдэхүүн шинэээр томилогдсон Засаг даргыг хүлээн зөвшөөрөхгүй байгаагаа илэрхийлсээр байгаа нь энэ. Нийтдээ
300 гаруйхүнэнэхүү эсэргүүцлийн суултад оролцож байгаа бөгөөд жагсаал өчигдөрийн 15:00 цагийн үед эхэлсэн байгаа юм. Ингээд өнөө өглөө иргэд 08:00 цагт мөн дахин суултаа үргэлжлүүлжээ.
Гэтэл 11:30 цагийн үед Цагдаа нар Баянзүрх дүүргийн Засаг даргын тамгын газрын гаражийн хаалгыг эвдэн, дотогш нэвтрэн орж, жагсаал хийж буй хүмүүс рүү нулимас асгаруулагч хий цацаж, иргэдийг албадан гаргахыг оролдсон учир иргэд цагдаа нарын хооронд үл ойлгоцол үүссэн байна. Өөрөөр хэлбэл, цагдаа нар иргэд рүү нулимас асгаруулагч хий цацахын хажуугаар иргэднийг цахилгаан бороохойгоор хүртэл бороохойдож, хүч хэрэглэжээ. Ингээд цагдаа нар 20 минутын дотор иргэдийг хүч түрэн гаргахад МАН-ын 20 гаруй төлөөлөгч цагдаагийн хамгаалалтан дор ЗДТГ-ын байр руу орж амжсан байна.
Тус дүүргийн Засаг даргын тамгын газарт өрнөж буй энэхүү үйл явдлын хүрээнд Баянзүрх дүүргийн цагдаагийн 1, 2, 3-р хэлтсийн албан хаагчид бүрэн бүрэлдэхүүнээрээ ажиллаж байгаа ажээ.
Ийм үл ойлголцол болж буйг сошиалаас харсан иргэд олноороо тус дүүргийн тамгын газрын байранд очицгоожээ. Иргэд хэвлэл мэдээллийнхнийг дотогш оруулахыг шаардсан ч хэвлэлийнхнийг ялгаварлан гадуурхаж, МАН-ын харьяат хэвлэлүүдийг нэвтрүүлж байна гэх мэдээлэл ч олон нийтийн цахим сүлжээгээр тарж байна.Ингээд үдээс хойш үймээн дэгдээсэн гэх иргэдийг Ганц худагийн хорих анги руу ачжээ. Одоогийн байдлаар ч иргэд эсэргүүцлийн жагсаалаа үргэлжлүүлж, цагдаа нар хүч түрэн жагсаалыг таслан зогсоохыг оролдсоор байна. Харин 16:00 цагаас Нийслэлийн Ардчилсан намын удирдлагууд шуурхай хурал зарласан байна.
Үүнээс өмнө Нийслэлийн засаг даргын тамгын газраас хэвлэлийн хурал хийж, учрыг тайлбарлахдаа “Баянзүрх дүүрэг 41 төлөөлөгчтэйгөөс 35 нь хуулийн дагуу сонгуулийн үйл ажиллагаанд оролцож нэр дэвшиж ялалт байгуулсан. Зургаан нэр дэвшигч сонгуулийн хуулийг зөрчсөн гэж байгаа. Энэ үндэслэл Цагдаагийн байгууллагаар шалгагдаж, Баянзүрх дүүргийн шүүхийн шийдвэр болон давж заалдах шатны шүүхээр эцэслэн шийдэгдсэн. Тиймээс дүүргийн Сонгуулийн хорооноос тогтоол гаргаж дахин сонгууль явуулах шийдвэр гаргасан. Б.Саруул, А.Түмэн-Насан, М.Мэндбаяр, Ш.Ганчимэг, Д.Уламбаяр нарын нэр дэвшигчид сонгуулийн хууль зөрчсөн нь шүүхээс тогтоогдоход тэд өөрсдөө давж заалдаагүй. Ингээд 2017 оны 10-р сарын гурав дахь долоо хоногийн бямба гаригт дахин сонгуулийг явуулах шийдвэр гаргасан. Одоогийн байдлаар 35 төлөөлөгч бүрэн эрх нь хүлээн зөвшөөрөгдсөн. Үүнээс 19 нь МАН-аас нэр дэвшин сонгогдсон, 16 нь АН-аас нэр дэвшин сонгогдсон хүмүүс байгаа” гэжээ. Мөн тэд Баянзүрх дүүргийн засаг даргаар дөрвөн жил ажилласан Д.Пүрэвдавааг энэхүү үймээний ажлаа зогсоо гэж хэлмээр байна гэж байлаа. Жагсаал зохион байгуулсан гэх зарим иргэдийг хорьсон гэх мэдээлэл байна.
Н.Ганаа