Индонезийн зүүн өмнөд хэсэг болон Зүүн Тимор улсын нутаг үерт автаад байна. Энэхүү байгалийн гамшигт 113 хүний амь үрэгдээд байгаагийн 86 нь Индонезийн иргэд аж. Гамшгийн бүсэд амьдарч буй 30 мянган хүнийг аюулгүй газарт нүүлгэн шилжүүлэх ажлыг эхлүүлээд байна. Олон хоног үргэлжлэн орсон ширүүн борооны улмаас зам гүүрүүд усанд автжээ. Үүний улмаас аврах ажиллагаанд хүндрэл учраад байгаа талаар Индонезийн Онцгой байдлын газраас мэдээлжээ.
Д.ЦЭРЭНДОЛГОР