Голомт банк нь олон нийтэд хуримтлалын ач тусыг ойлгуулах, сурталчлах зорилгоор хэвлэмэл сонин сэтгүүл болон цахим хуудсын сэтгүүлчдийн дунд “Үндэсний хуримтлал” шилдэг нийтлэлийн уралдааныг зарласан. Энэхүү уралдаанд “Өдрийн сонин”, “Өнөөдөр”, “Зууны мэдээ”, “Засгийн газрын мэдээ”, “Ардчилал”, “Монголын үнэн”, “Улстөрийн тойм” зэрэг өдөр тутмын сонин хэвлэл болон www.wikimon.mn, www.zaluu.com, www.mnb.mn зэрэг сайтын нийт 21 сэтгүүлчийн 28 бүтээл иржээ. Уралдаанд ирүүлсэн бүтээлийг шинэлэг санаа, бүтээлч байдал, практик ач холбогдол, судлагдсан байдал, бичлэгийн ур чадвар зэрэг шалгуур үзүүлэлтэд үндэслэн Голомт банкны эдийн засагчид болон МСНЭ-ийн төлөөлөл хамтран шалгаруулсан байна.
Уралдааны ялагчаар www.dorgio.mn сайтын сэтгүүлч С.Будрагчаа “Үндэсний баялгийг бүтээсэн нь” нийтлэлээрээ тэргүүлж батламж, гурваан сая төгрөгийн шагналыг гардан авсан. Харин “Өдрийн сонин”-ы нийгэм, эдийн засаг, танин мэдэхүй, мэдээллийн албаны сэтгүүлч Ц.Баасансүрэн “Нарантуулын тэрэгчнээс Зуун айлын портерчин болсон хорин жил” нийтлэлээрээ дэд байрт шалгарч хоёр сая төгрөг, батламжийн эзэн болсон бол гутгаар байрт “Нийслэл guide” сэтгүүлийн ерөнхий редактор Ж.Баярхүү “Хуримтлалаараа үүргэвчтэй аялах уу?” нийтлэлээрээ нэг сая төгрөгийн шагналын эзэн боллоо.
Дашрамд дурьдахад, Голомт банк нь Үндэсний хуримтлалын хөтөлбөрт нэгдсэн нийт 45.000 гаруй харилцагчиддаа Монголын банк санхүүгийн салбарын хамгийн өндөр өгөөж болох 20 хувийн урамшууллыг олгож байгаа вм байна.