“Өдрийн сонин”-ы мягмар гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
“Ирэх сараас япон бараа Монголд, монгол бүтээгдэхүүн Японд хямдарна”. Япон, Монголын эдийн засгийн түншлэлийн хэлэлцээрээр энэ боломж нээгдэж байгаа юм. Монголын талаас 5700 бараа бүтээгдэхүүн, Японы талаас 9300 орчим төрлийн бараа бүтээгдэхүүнийг импортын гаалийн татвараас чөлөөлөх аж. Ингэснээр манай бизнес эрхлэгчид Японы зах зээлд Монголын гаралтай бүтээгдэхүүнээ хөнгөлөлттэй тарифаар нийлүүлэх боломж нэмэгдэж байгаа гэдгийг албаны хүмүүс онцолж байгаа юм. Энэ тухай дэлгэрэнгүй мэдээллийг нэг, зургадугаар нүүрээс уншина уу.
Дархан-Уул аймгийн мэргэжлийн хяналтын улсын байцаагч хойд хөршөөс оруулж ирсэн чанарын шаардлага хангахгүй үрийн будаанд хуурамч дүгнэлт гаргасан гэх мэдээлэлд гараад байсан бөгөөд үүнд МХЕГ-аас тайлбар хийсэн юм. Энэ тухай мэдээллийг нэг, долдугаар нүүрээс уншаарай.
“Улс төр” буланд гавьяат хуульч, профессор Н.Жанцангийн ярилцлага гарлаа. Тэрбээр “Хууль буцаж үйлчлэхгүй гэсэн алтан зарчмыг хэн ч эвдэж чадахгүй” хэмээн ярилцлагадаа онцоллоо. Түүний ярилцлагыг хоёр, тавдугаар нүүрт хэвлэлээ. Мөн “Нарантунгалаг гавьяатын Монголоороо бахархах даруухан зан жинхэнэ монгол брэнд” нийтлэлийг хоёрдугаар нүүрээс унших боломжтой.
Аж үйлдвэрийн яамны Худалдааны бодлого зохицуулалтын газрын дарга Б.Золтуяатай хийсэн Дэмпингийн уухлийн талаарх ярилцлагыг дөрөвдүгээр нүүрээс уншиж болно. “Дэмпингийн хуулиар дотоодын үйлдвэрлэлийг дэмжиж, шударга бус өрсөлдөөнийг зогсооно” гэж үзэж байгаа юм байна.
“Өдрийн сонин”-ы нийтлэлийн бодлогыг тодорхойлж байдаг, алдарт гуравдугаар нүүрт “Сайханбилэгийн Засгийн газар энэ зуны наадмыг үзчих юм шиг байна” нийтлэл хэвлэгдэн гарлаа. Нийтлэлд “…Засаг огцорвол дэнжигнэж байгаа эдийн засаг улам дордоно уу гэхээс дээрдэхгүй…” гэж онцолсон байна. Бүрэн эхээр нь гуравдугаар нүүрээс уншаарай.
МЗЭ-ийн болон оны шилдэг бүтээл шалгаруулах “Алтан-Өд” наадмын дөрвөн удаагийн шагналт зохиолч, СУИС-ийн багш, хэл шинжлэлийн ухааны доктор, судлаач, шүүмжлэгч Пүрэвхүүгийн Батхуягтай хийсэн ярилцлагыг 12 дугаар нүүрт хэвлэлээ. Тэрбээр амралтын өдөөр болж өнгөрсөн “Гэгээн муза” наадмын шилдэг жүжгийн зохиолч шагналыг хүртсэн юм.
Харин “Америкийн монголчууд” буланд манай тусгай сурвалжлагч М.Саруул-Эрдэнэ Вашигтон хотоос бичиж байна. “Монголыг дэлхийд таниулах арван минут буюу Монте Карлогийг хүрэл алиалагч АНУ-д” тэмдэглэл сурвалжлагыг үргэлжлийг энэ удаа хүргэж байгаа юм. 13 дугаар нүүрийг сөхөж үзээрэй.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ