Аравдугаар сарын 2-нд Төв аймгийн Зуунмод сумаас Цэцээ гүний оргил руу долоон хүн алхжээ. Тэд 19:00 цагийн үед уулнаас буух үед 33 настай, эрэгтэй Б төөрсөн байна. Хамт явсан хүмүүс нь түүнийг хайлгахаар 23.00 цат Төв аймгийн Онцгой байдлын газарт дуудлага өгчээ.
Алба хаагчид, ар гэрийнхний хамт аравдугаар сарын 2-ны өдрийн 23:17 цагт эрэн хайх ажиллагаа зохион байгуулж эхэлсэн бөгөөд маргааш өглөө нь 08:30 цагт иргэн Б “Манзуширын хийд’’ рүү өөрөө бууж ирсэн учраас эрлийн ажиллагааг зогсоожээ.