ЦЕГ-ын Тусгай ажиллагааны газрын таван албан хаагч бүлэглэн бааранд хүн зодож гэмтээсэн талаар эх сурвалж мэдээллээ.
Тодруулбал, өнгөрсөн арванхоёрдугаар сарын 28-ны өдөр Баянгол дүүргийн нутаг дэвсгэрт байрлах “Дурсахуй” гэх бааранд хүн зодож биед нь гэмтэл учруулсан байна. Одоогийн байдлаар хэргийг тус дүүргийн Цагдаагийн нэгдүгээр хэлтэст шалгаж байгаа бөгөөд ажилтнуудад эрүүгийн хэрэг үүсгэн байна. Уг хэргийг харьяаллын дагуу Мөрдөн байцаах газрын Тусгай субъектийн гэмт хэрэг мөрдөх хэлтэст шилжүүлэхээр болжээ.