Яруу найрагч Ц.Хулан болон лам Б.Отгонбаатар нарт холбогдох хэргийн шүүх хурал өнгөрөгч долоодугаар сарын 25-ны өдөр болж, тэднийг гадаадын тусгай албатай хамтран ажилласан гэм буруутайд тооцож, яруу найрагч Ц.Хуланд есөн жил 6 сар, лам Б.Отгонбаатарт найман жил хорих ял оноон, нээлттэй хорих байгууллагад эдлүүлэхээр шийдвэрлэсэн байдаг.
Тэгвэл яруу найрагч Ц.Хулан шүүхийн шийдвэрийг эсэргүүцэж, давж заалдах гомдлыг гаргасан бөгөөд ийнхүү шүүх хурал маргааш товлогджээ.
Бид энэ талаар Нийслэлийн эрүүгийн хэргийн давж заалдах шатны шүүхээс тодруулахад, “Яруу найрагч Ц.Хулан нарын давж заалдах шатны шүүх хурал маргааш буюу аравдугаар сарын 10-ны өдрийн 09:00 цагт товлогдсон” гэлээ.