Л.Гансүх
нарын шүүх хурал дөрөв дэх өдрөө үргэлжилж байгаа билээ. Шүүх хуралдааны үед
Ц.Баасандорж өмгөөлөгч шинжээч Цацралаас “АТГ-аас 53 хуудас материал өгсөн юм
байна” хэмээн асуухад тэрбээр “Хавтаст хэргээс харчих. Би сайн санахгүй байна”
гэсэн хариултыг өглөө. Ц.Баасандорж өмгөөлөгч мөн “Жингийн зөрүүний талаар
асууя. Хорогдлыг гэрээнд тохиролцоогүй байхад яагаад “Эм Жи Эс Би” ХХК-иар
төлүүлэх дүгнэлт гаргасан юм бэ. Та үүнийгээ тайлбарлах үүрэгтэй шүү дээ. Энэ
чинь шүүгдэгч нарыг буруутгагдаад байгаа гурван тэрбум төгрөгийн нэг тэрбум 73
сая төгрөгийн асуудал болохоор та хариулах үүрэгтэй” хэмээхэд Цацрал анхан
шатны баримт гэхээс өөр зүйлийг хэлсэнгүй. Түүнчлэн “Багануураас 316.950 кг
нүүрс хүлээж авсан байна. Тэгвэл энэхүү хүлээж авсан нүүрсийг шуудайлахаар 286
шуудай болоод байгаа юм. Тэгэхээр 14.760 кг нүүрс хохирол гэж тооцсон уу” гэхэд
“Би мэдэхгүй байна” гэсэн хариулт өглөө.