ТЕГ-ын дарга Д.Гэрэл болж байгаа үйл явдлын талаар мэдээлэл хийлээ. Тэрээр, “Бид наймдугаар сараас хойш мэдээлэл авч ажиглаж байсан. Эхний ээлжинд 80 хүн орж ирсэн. Дараагийн саруудад энэ тоо өссөөр өчигдрийн байдлаар илрүүлсэн хүний тоо 800-д хүрсэн. Үүнийг зохион байгуулсан хүн нь тодорхой. Одоо байцаалт өгч байгаа.
Тэдгээр хятад иргэд 1000-аад компьютер, 10000-аад гар утасны сим ашиглаж байсан. Энэ бүхэн бүрэн хяналтад байгаа. Айх, эмээх хэрэггүй.
Хятад иргэдтэй холбоотой асуудлыг одоогийн байдлаар мөнгө угаах гэмт хэрэгтэй холбоотой гэж үзэж байгаа. Мөнгө угаах нь тоглоом ч байж болно. Бусад хэлбэрээр ч байж болно. Энэ дээр манай байгууллагын болон цагдаагийн байгууллага хамтарсан шалгалт явуулж байгаа.
Удирдаж,зохион байгуулж байгаа хүмүүсийг саатуулсан. Бусдыг нь байрлаж байсан таван зочид буудалд нь байлгаж байгаа. Хятадын талаас дөрөв, манай талаас нэг иргэнийг саатуулан шалгаж байгаа. Наймдугаар сараас хойш жуулчлалын визээр 20-30-аараа цуварч орж ирсэн. Тэдгээр иргэд жуулчлалын визээр орж ирсэн ч ажил хийж байсан. Тиймээс бид албадан гаргах бүрэн боломжтой”. гэлээ